1 Ts 2:4 - Q'eqchi Bible

⁴ Relik chi yaal, jo' naq li Yos kixyal qix ut kixq'axtesi qe li Chaab'il Esilal, jo'kan ajwi' naq naqapuktesi laa'o, maawa' re xk'ojob'ankil xch'ool li winq, re b'an xk'ojob'ankil xch'ool li Yos li naxyal qix sa' xchamal li qaanm.

Li Santil hu

⁴ Nakachꞌolob ban xya̱lal joꞌ naraj li Dios xban nak aꞌan cꞌojcꞌo xchꞌo̱l saꞌ kabe̱n ut aꞌan quixakaban ke re xyebal resil li evangelio. Incꞌaꞌ nakaba̱nu joꞌ nequeꞌcuulac chiru li cristian. Nakaba̱nu ban joꞌ nacuulac chiru li Dios li nanaꞌoc re chanru li kacꞌaꞌux.

1 Ts 2:4 ပူးပေါင်းရင်းမြစ်များ

Gálatas 1:10

Ma yal re tab'i' xsahob'resinkil xch'ooleb' li tenamit naq yookin chi aatinak anaqwan? Ma ink'a' tab'i' re naq taasaho'q sa' xch'ool li Yos? Ma yal twaj tab'i' tink'ojob' xch'ooleb' li winq? Wi ta yal winq twaj xk'ojob'ankil xch'ooleb', maawa'in raj xmoos li Kriist.

Romanos 8:27

Ut li Yos, li ch'olch'o chiru k'aru wank sa' ch'oolej, naxnaw k'aru xk'a'uxl li Musiq'ej, xb'aan naq li Musiq'ej natijok chirixeb' laj santil paab'anel jo' chanru naraj li Yos.

Gálatas 2:7

Maak'a' ke'xye eb' laj jolominel. Ke'xk'e b'an reetal naq q'axtesinb'il we li k'anjel chirix li Chaab'il Esilal sa' xyanqeb' li ink'a' xk'ulumeb' li sirkunsisyon, jo' naq q'axtesinb'il re laj Pedro sa' xyanqeb' li ak xk'ulumeb'.

2 Timoteo 1:14

Rik'in xwankil li Santil Musiq'ej li wank qik'in chak'uula sa' laach'ool li yaal q'axtesinb'il aawe.

Salmos 17:3

Laa'at xatz'il rix li waanm ut xinaawula'ani chi q'eq; xinaayal sa' xam, ab'an maak'a' maa'usilal xataw wik'in.

Efesios 6:6

moko ka'aj ta wi' naq eb' a'an yookeb' cherilb'al re naq sahaqeb' xch'ool eerik'in, jo'aqex b'an xmoos li Kriist, yooqex chi xb'aanunkil li naraj li Yos chi anchal eech'ool.

Tito 1:3

ut naq kixtaw xq'ehil, kixk'ut li rajom rik'in li k'anjel kiq'axtesiik we re xpuktesinkil li raatin jo' chanru xchaq'rab' li Yos laj Kolol qe.

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

Jeremías 32:19

Sachb'ach'oolej rilb'al laak'anjel ut q'axal nim laawankil chi xb'aanunkil. Kutan saqenk chawu chixjunil li xb'aanuhomeb' li poyanam, re xq'ajkamunkil li junjunq jo' chanru xk'ulub' li xyehom ut xb'aanuhom.

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

1 Corintios 9:17

Wi ta ninb'aanu chi yal na'alaak sa' inch'ool, relik chi yaal naq twoyb'eni raj inq'ajkamunkil. Ab'an wi ninb'aanu a'in xb'aan naq chaq'rab'inb'ilin, naraj naxye naq a'an jun loq'laj k'anjel q'axtesinb'il we.

San Lucas 16:11

Wi ut ink'a' tiik leech'ool rik'in li maa'us aj tumin, ani taaq'axtesinq eere li tz'aqal yaal?

Proverbios 17:3

Li oor ut li plaat sa' xam neke'ch'ajob'resiik; ab'an li qach'ool nayale'k rix xb'aan li Qaawa'.

1 Reyes 8:39

Chakuy xmaak toj sa' laaloq'laj muheb'aal ut chatenq'a rik'in raqok aatin sa' xb'eeneb', jo' chanru xk'ulub' li junjunq. Laa'at nakanaw xk'a'uxl li junjunq, ka'ajwi' laa'at nakanaw k'aru wank sa' xch'ool li winq ut li ixq.

Números 27:16

“At Qaawa' Yos, laa'at li nakatk'ehok xyu'am chixjunileb', xaqab' junaq winq re tixk'am xb'eheb' li komonil a'in

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

1 Timoteo 6:20

At Timoteo, chawil chi us li k'aru q'axtesinb'il aawe. Mat-okenk rik'in li seeraq' maak'a' na'ok wi' jo'wi' rik'in wech'ij ib' nachalk sa' b'alaq'il na'leb'.

Colosenses 3:22

Ex aj loq'b'il k'anjel, chepaab' eb' laj eechal eere sa' ruuchich'och' rik'in chixjunil li k'anjel, moko ka'aj ta wi' naq eb' a'an yookeb' cherilb'al re naq sahaqeb' xch'ool eerik'in, cheb'aanu b'an chi yaal, chi anchal eech'ool, yooqex chi roxloq'inkil li Qaawa'.

2 Corintios 5:11

Laa'o naqanaw naq tento roxloq'inkil li Qaawa'. Jo'kan naq naqayal qaq'e chi xq'unb'esinkil xch'ooleb' li tenamit. Li Yos naxnaq k'aru wank sa' qach'ool, ut nawoyb'eni naq laa'ex ajwi' teenaw qu chi us.

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

Salmos 44:21

Wi xsachk ta sa' qach'ool xk'ab'a' li qaYos, wi xqataqsi ta li quq' re xloq'oninkil li jalanil yos,

2 Timoteo 2:2

ut jo'ch'inal jo'nimal li xawab'i wik'in chiruheb' naab'al chi testiiw, a'an ajwi' chaq'axtesi reheb' winq aj paab'anel li te'xnaw moqon xtzolb'al jalaneb' chik.

2 Corintios 5:16

Chalen ut anaqwan maa'ani chik naqanaw ru yal rik'in ruuchich'och'il k'a'uxl; ut wi junxil xqanaw ru li Kriist rik'in ruuchich'och'il k'a'uxl, anaqwan ink'a' chik naqanaw ru chi jo'kan.

1 Corintios 7:25

Chirixeb' li ink'a' sumsuukeb' maak'a' inchaq'rab'inkil xb'aan li Qaawa', ab'anan ninye li nink'oxla jo' winq aj paab'ajel sa' xk'ab'a' xnimal ruxtaan li Qaawa'.

San Juan 21:17

Kixpatz' wi' chik re rox sut: —At Simón, ralalat laj Jwan, ma nikinaara? Kiraho'k xch'ool laj Pedro naq ox sut kipatz'e'k re: «Ma nikinaara?». Ut kichaq'ok: —Qaawa', laa'at nakanaw chixjunil. Laa'at xak'e reetal naq nakatinra, chan. Kixye li Jesus re: —Chach'oolaniheb' linkarneer.

San Lucas 12:42

Kichaq'ok li Qaawa' ut kixye: “Ani li moosej tiik xch'ool ut wank xna'leb' li taak'ehe'q xwankil xb'aan laj eechal re sa' xb'eeneb' li rech moosil re xk'eeb'al xwaheb' sa' xq'ehil?

Salmos 7:9

At Qaawa' li nakatraqok aatin sa' xb'eeneb' li tenamit, charaq aatin sa' inb'een jo' chanru xtiikilal linch'ool, jo' chanru xchaab'ilal li waanm.

Salmos 139:23

At Qaawa', chatz'ili wix ut chawil chanru linch'ool; chayal wix re xnawb'al chixjunil li naweek'a.

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

1 Pedro 4:11

Ani wank xmaatan chi aatinak, chixyehaq Raatin li Yos; wi wank ani xk'ulum junaq k'anjel, chixb'aanuuq rik'in li xwankilal nak'ehe'k re xb'aan li Yos, re naq oxloq'oninb'ilaq li Yos rik'in chixjunil sa' xk'ab'a' li Jesukriist. A'an laj eechal re li loq'al ut li wankilal chi junelik q'e kutan. Jo'kan taxaq.

2 Reyes 16:16

Laj Urías laj tij kixb'aanu chixjunil li k'aru kiyehe'k re xb'aan li awab'ej Ajás.