1 Ts 2:14 - Q'eqchi Bible

¹⁴ Ex qas qiitz'in, laa'ex xek'am eere rik'ineb' li x'Iklees li Yos wankeb' aran Judea sa' xk'ab'a' li Kristo Jesus, xb'aan naq laa'ex ajwi' xek'ul li rahilal xb'aaneb' leerech tenamitul, jo' ke'xk'ul eb' a'an xb'aaneb' laj Judiiy.

Li Santil hu

¹⁴ Ut la̱ex herma̱n xecꞌul ajcuiꞌ li raylal joꞌ queꞌxcꞌul li ralal xcꞌajol li Dios li nequeꞌpa̱ban saꞌ xcꞌabaꞌ li Jesucristo li cuanqueb Judea. Xexrahobtesi̱c xban le̱ rech tenamitil joꞌ queꞌxcꞌul eb aꞌan xbaneb laj judío, li rech tenamitil.

1 Ts 2:14 ပူးပေါင်းရင်းမြစ်များ

1 Ts 3:4

Naq toj wanko chaq sa' eeyanq, xqaye resil eere naq took'uluq rahilal, ut a'an tz'aqal li xk'ulmank, jo' ch'olch'o cheru.

2 Ts 1:4

A'an nanimob'resink qaloq'al naq nokoo'aatinak cherix sa'eb' li x'Iklees li Yos, xb'aan naq nim leekuyum ut kaw leech'ool sa' leepaab'aal sa' chixjunil li raaxiik' ut li rahilal yookex chi xk'ulb'al.

Gálatas 1:22

ab'an toj maji'aq ajwi' neke'xnaw wu eb' li Iklees neke'paab'ank re li Kriist aran Judea.

1 Ts 1:6

Laa'ex xek'am eere qik'in ut rik'in li Qaawa', ut xek'ulub'a li Loq'laj Aatin sa' xyanqeb' li k'iila rahilal chi sa sa' leech'ool xb'aan li Santil Musiq'ej.

2 Ts 1:1

Laa'in laj Pablo, wochb'een laj Silvano ut laj Timoteo, nintz'iib'ak rik'in li x'Iklees eb' laj Tesalónika li wank rik'in li Yos li qaYuwa' ut rik'in li Qaawa' Jesukriist.

1 Ts 1:1

Laa'in laj Pablo, wochb'een laj Silvano ut laj Timoteo, nintz'iib'ak rik'in li x'Iklees eb' laj Tesalónika li wank rik'in li Yos Yuwa'b'ej ut li Qaawa' Jesukriist: eerik'inaq taxaq li usilal ut li tuqtuukilal.

1 Corintios 7:17

Li junjunq chiwanq jo' chanru k'eeb'il re xb'aan li Qaawa'; chiwanq jo' b'oqb'il wi' li junjunq xb'aan li Yos. A'an a'in li ninchaq'rab'iheb' wi' chixjunileb' li Iklees.

Hechos 17:13

Naq eb' laj Judiiy li wankeb' Tesalónika ke'xnaw naq laj Pablo kixpuktesi ajwi' Raatin li Yos aran Berea, koheb' ajwi' aran ut ke'xpo' xch'ooleb' li tenamit re naq te'xpoqoqi rib'eb'.

Hechos 11:19

Eb' li ke'xcha'cha'i rib' xb'aan li rahilal kiwank sa' li xkamik laj Esteban, ke'wulak toj Fenicia, Chipre ut Antiokía, ab'anan ka'ajwi' reheb' laj Judiiy neke'xch'olob' li Aatin.

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

Hechos 9:13

Naq kirab'i a'in, laj Ananías kixye: “At Qaawa', naab'aleb' wab'ihom chi aatinak chirix li winq a'an: ninnaw naq makach'in li rahilal ak xb'aanu reheb' laasantil paab'anel aran Jerusalén.

Hechos 9:1

Laj Sawlo toj yo ajwi' chi xk'oxlankil xxib'esinkil eb' li xtzolom li Qaawa' ut xkamsinkileb', kiwulak rik'in li xyuwa'il aj tij

Hechos 8:1

Laj Sawlo kixk'ul xch'ool naq kikamsiik laj Esteban. Sa' li kutan a'an ke'xtikib' xrahob'tesinkil li Iklees li wank Jerusalén, ut chixjunileb' ke'xcha'cha'i rib'eb' sa' xsutam Judea ut Samaria, ka'ajeb' chik eb' li apóstol ke'kanaak.

Hechos 8:3

A'ut laj Sawlo yo chi xjuk'inkil li Iklees: na'okje'k sa'atqeb' li kab'l, sa' josq'il naxk'ameb' li winq ut ixq, ut naxk'eheb' sa' tz'alam.

Hechos 13:50

Ab'anan eb' laj Judiiy ke'xtakchi'i li xninqaleb' ru ixq li neke'loq'onink ru li Yos, jo' ajwi' li xb'eenileb' li tenamit; ke'xyoob' jun raaxiik' chirixeb' laj Pablo ut laj Bernabé ut ke'risiheb' sa' li xna'ajeb'.

Hechos 14:2

Ab'anan eb' laj Judiiy junch'ol, eb' li ink'a' ke'paab'ank, ke'xyoob' xjosq'ileb' li maawa'eb' aj Judiiy ut ke'xpo' xch'ooleb' chirixeb' laj paab'anel.

Hechos 14:4

Toja' naq eb' li wankeb' sa' li tenamit a'an ke'xjach rib': wan ke'okenk chirixeb' laj Judiiy, wankeb' chik ke'okenk chirixeb' li apóstol.

Hechos 14:5

Ut eb' li maawa'eb' aj Judiiy ke'xk'am rib' sa' aatin rik'ineb' laj Judiiy rochb'eeneb' laj k'amol xb'eheb', ut ke'xk'uub' ru xmajewankil eb' li apóstol ut xteninkileb' chi pek.

Hechos 14:19

Toja' naq wankeb' aj Judiiy ke'chalk chaq Antiokía ut Ikonio, ke'xtakchi'i eb' li poyanam. Ke'xkuti chi pek laj Pablo, ut chi jukukinb'il ke'risi sa' li tenamit, sa' xch'ooleb' a'an naq ak xkamk.

Hechos 18:12

Naq laj Galión wank chi taqlank aran Akaya, eb' laj Judiiy sa' komonil ke'xkut rib' sa' xb'een laj Pablo, ke'xk'am sa' li raqleb'aal aatin

1 Corintios 10:32

Meeluktesi xch'ooleb' laj Judiiy chi moko eb' laj Griego malaj li x'Iklees li Yos,