1 Ts 2:10 - Q'eqchi Bible

¹⁰ Laa'ex nekenaw chi tz'aqal, ut naxnaw ajwi' li Yos, chanru xsaqal ru li qayu'am, chanru li xtiikilal qach'ool chi maak'a' qaq'usb'al, naq xoowank sa' eeyanq laa'ex li nekexpaab'ank.

Li Santil hu

¹⁰ La̱ex nequenau chi tzꞌakal, ut naxnau ajcuiꞌ li Dios, chanru nak cocuan saꞌ santilal ut saꞌ ti̱quilal saꞌ e̱ya̱nk. Ma̱cꞌaꞌ cꞌaꞌru cokꞌuseꞌ cuiꞌ nak cocuan saꞌ e̱ya̱nk la̱ex aj pa̱banel.

1 Ts 2:10 ပူးပေါင်းရင်းမြစ်များ

1 Pedro 5:3

ink'a' texnumtaaq sa' xb'eeneb' li k'eeb'ileb' cheril, rik'in b'an xk'amb'al li chaab'il b'e chiruheb' li karneer.

1 Ts 1:5

xb'aan naq li Chaab'il Esilal xqapuktesi eere moko ka'aj ta wi' rik'in aatin xwulak eerik'in, rik'in aj b'an wi' xwankil li Yos jo'wi' rik'in li Santil Musiq'ej, chi tz'aqal yaal. Nekenaw chanru naq xoowank chaq sa' eeyanq xb'aan eeraab'al.

2 Corintios 1:12

A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

2 Timoteo 3:10

Laa'at junelik kak'e reetal chanru nink'utuk, jo'wi' chanru linyu'am, link'a'uxl, linpaab'aal, linkuyum, linrahom ut li xkawilal linch'ool,

Hechos 20:18

Ut naq ke'wulak rik'in, kixye reheb': “Laa'ex nekenaw chanru naq xinwank junelik eerik'in, chalen chaq sa' li xb'een kutan li wokik Asia toj anaqwan.

1 Timoteo 4:12

Maa'ani chitz'eqtaananq aawe sa' xk'ab'a' laasaajilal, chayal b'an aaq'e chi xk'amb'al xb'eheb' laj paab'anel rik'in aatinak, rik'in laayu'am, sa' li rahok, sa' laapaab'aal jo' ajwi' rik'in xsaqal ru laach'ool.

2 Ts 3:7

Laa'ex nekenaw chi us chanru teek'am eere qik'in, xb'aan naq moko xoowank ta chaq sa' eeyanq chi sachso qana'leb',

1 Ts 2:5

Nekenaw chi us naq maajun wa xoo'aatinak yal re eeq'unb'esinkil chi moko yal sa' xk'ab'a' rahok ru ab'i e. Li Yos naxnaw a'an.

2 Corintios 11:11

K'a' put? Ma aj b'an naq nekexinra? Li Yos naxnaw chi us naq jo'kan.

2 Corintios 7:2

K'ehomaq qana'aj sa' leeraanm! Maa'ani xqarahob'tesi xch'ool, maa'ani xqasach, maa'ani xqab'alaq'i.

Hechos 24:16

Jo'kan naq laa'in ajwi' ninyal inq'e chi wank junelik chi tiik linch'ool chiru li Yos ut chiruheb' li was wiitz'in.

Hechos 20:26

Jo'kan naq sa' li kutan a'in tinye eere sa' yaal naq maak'a' inmaak, wi wanq ta junaq eere ink'a' taakole'q,

Jeremías 18:20

Ma maa'usilal na'eeqajuuk wi' li usilal? Xb'aan naq yookeb' chi xpikb'al li jul re inmuqb'al. Jultikaq aawe naq xintijok chawu re xtz'aamankil laawuxtaan chirixeb' ut xkolb'aleb' chiru li tojb'amaak.

Números 16:15

Toja' naq k'ajo' naq kijosq'o'k laj Moisés ut kixye re li Qaawa': “At Qaawa', maak'e sa' aach'ool li xmayejeb'. Laa'in maak'a' xinmaq' chiruheb', chi moko junaq b'uur, chi moko xinb'aanu rahilal reheb'”.

2 Corintios 11:31

Naxnaw li Yos, li xYuwa' li Qaawa' Jesus (usilaatinanb'ilaq taxaq chi junelik), naq ink'a' nintik'ti'ik.

2 Corintios 5:11

Laa'o naqanaw naq tento roxloq'inkil li Qaawa'. Jo'kan naq naqayal qaq'e chi xq'unb'esinkil xch'ooleb' li tenamit. Li Yos naxnaq k'aru wank sa' qach'ool, ut nawoyb'eni naq laa'ex ajwi' teenaw qu chi us.

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

San Lucas 23:41

Laa'o yaal naq qak'ulub' xk'ulb'al a'an xb'aan naq xq'ajkamunkil li qab'aanuhom, a'ut a'in maak'a' k'aru li ink'a' ta us xb'aanu.