1 Ts 1:8 - Q'eqchi Bible

⁸ Xb'aan naq chalen sa' leekomonil xpuktesimank raatin li Qaawa'; ut leepaab'aal rik'in li Yos xpukank resil moko ka'aj ta wi' Macedonia ut Akaya, sa' chixjunil b'an li na'ajej. Jo'kan naq maak'a' chik naru tqaye.

Li Santil hu

⁸ Anakcuan e̱ban la̱ex nak yalak bar qui-abi̱c resil ra̱tin li Dios. Ma̱cuaꞌ caꞌaj cuiꞌ Macedonia ut Acaya. Qui-abi̱c ban ajcuiꞌ saꞌ chixjunil li naꞌajej. Yalak bar qui-abi̱c resil nak la̱ex xepa̱b li Dios. Joꞌcan nak la̱o incꞌaꞌ chic tento nak takaye resil le̱ pa̱ba̱l.

1 Ts 1:8 ပူးပေါင်းရင်းမြစ်များ

Romanos 1:8

Xb'een xb'een ninyoxink chiru linYos sa' xk'ab'a' li Jesukriist cherix chejunilex xb'aan naq chaab'il resilal leepaab'aal sa' chixjunil li ruuchich'och'.

Apocalipsis 14:6

Chirix chik a'an kiwil jun chik li ánjel yo chi xik'ank sa' xyi li choxa, wan chaq rik'in jun li chaab'il esilal li maak'a' roso'jik: a'an tento xpuktesinkil rik'ineb' li wankeb' sa' ruuchich'och' jo' ajwi' rik'ineb' chixjunil li amaq' ut tenamit, yalaq chan re ru neke'ilok ut neke'aatinak.

3 Juan 1:12

Chixjunileb' chaab'il neke'xye chirix laj Demetrio, ut a'an tz'aqal yaal. Laa'o ajwi' naqach'olob' a'an, ut laa'at nakanaw naq tz'aqal yaal li qayehom.

2 Ts 1:4

A'an nanimob'resink qaloq'al naq nokoo'aatinak cherix sa'eb' li x'Iklees li Yos, xb'aan naq nim leekuyum ut kaw leech'ool sa' leepaab'aal sa' chixjunil li raaxiik' ut li rahilal yookex chi xk'ulb'al.

Isaías 52:7

K'ajo' xchaq'al ru rilb'al sa' xb'eeneb' li tzuul li roqeb' laj yehol resil li tuqtuukil usilal, li nayehok chaab'il esilal, li napuktesink resil li kolb'a ib' ut naxye re Sión: “Ak yo chi awab'ejink laaYos!”.

2 Ts 3:1

Sa' roso'jik, ex qas qiitz'in, chextijoq chiqix re naq li Raatin li Qaawa' chipuktesiiq chi junpaat ut chik'ehe'q xloq'al jo' xk'ulmank sa' eeyanq.

Apocalipsis 22:17

Li Musiq'ej ut li Ixaqilb'ej neke'xye: “Chalqat!”. Li taa'ab'inq re, chixyehaq: “Chalqat!”. Ut li taachaqiq re, chalqaq; li taa'ajoq re, chixk'ulaq chi maatan li ha' nak'ehok yu'am.

Romanos 16:19

Xsutunk yalaq b'ar resil naq nekexpaab'ank; jo'kan naq nasaho'k inch'ool cherix. Ab'anan nawaj naq seeb'aq eech'ool rik'in li us ut saqaq ru leeraanm chiru li maa'usilal.

Isaías 2:3

k'ajo'aqeb' xk'ihal li poyanam te'chalq ut te'xye: “Kimqex ut taqe'qo sa' xtzuulul li Qaawa', sa' rochoch li xYos laj Jakob. A'an tixk'ut chiqu k'aru li rajom ut laa'o tqataaqe li b'e sik'b'il ru xb'aan”. Xb'aan naq aran Sión taa'elq chaq li chaq'rab', ut Jerusalén taachalq li raatin li Yos.

Éxodo 18:9

Kisaho'k sa' xch'ool laj Jetró rik'in li xnimal usilal ki'uxk reheb' laj Israel xb'aan li Qaawa', naq kirisiheb' chaq sa' ruq'eb' laj Ejiipt;

2 Corintios 3:4

A'an li k'ojk'o wi' qach'ool chiru li Yos sa' xk'ab'a' li Kriist.

1 Corintios 14:36

Ma eerik'in tab'i' laa'ex elenaq chaq li Raatin li Yos? Malaj ka'ajwi' laa'ex xexk'uluk re?

Isaías 66:19

Tinb'aanu jun nimla eetalil sa' xyanqeb', ut wanqeb' li te'kole'q ut tintaqlaheb' sa'atqeb' li najtil tenamit: aran Tarsis, Etiopía, Libia, Mesek, Tubal ut Grecia, jo' ajwi' sa'atqeb' li tenamit wankeb' chaq chire palaw, li toj maji' rab'ihomeb' aatinak chiwix chi moko rilomeb' linloq'al. Eb' a'an te'puktesinq resil linloq'al sa'atqeb' li najtil tenamit.

Hechos 18:12

Naq laj Galión wank chi taqlank aran Akaya, eb' laj Judiiy sa' komonil ke'xkut rib' sa' xb'een laj Pablo, ke'xk'am sa' li raqleb'aal aatin

Romanos 15:26

xb'aan naq eb' laj Macedonia ut laj Akaya xe'xk'uub' kub'sink cho'q reheb' li neb'a' wankeb' sa' xyanqeb' laj santil paab'anel aran Jerusalén.

2 Corintios 2:14

B'anyox re li Yos naq sa' xk'ab'a' li Kriist junelik nokooxk'e chi tz'aqonk sa' li x'awab'ejihom ut naxk'e chi nawe'k li Kriist sa' qak'ab'a' laa'o: a'an chanchan xb'ook li sununkil b'an naxik yalaq b'ar.

Colosenses 3:16

Li Raatin li Kriist chiwanq eerik'in chi numtajenaq. Chetzolaq eerib' ut chek'ehaq eena'leb' cherib'il eerib' rik'in chixjunil li chaab'il k'a'uxl. Chexb'ichanq chi anchal eech'ool re yoxink chiru li Yos, rik'in saalm, himno ut loq'laj b'ich;

1 Timoteo 2:8

Nawaj naq eb' li winq che'tijoq yalaq b'ar ut che'xtaqsihaq li ruq'eb' sa' choxa chi saqaq ru, chi maak'a'aq josq'il ut wech'ij ib'.

2 Timoteo 2:9

Sa' xk'ab'a' A'an yookin chi k'uluk rahilal, ut b'ak'b'ookin chi kareen chanchanin jun xnimal ru aj maak. A'ut li Raatin li Yos moko b'ak'b'o ta.