1 Ts 1:3 - Q'eqchi Bible

³ Junelik wank sa' qach'ool chiru li qaYos ut qaYuwa' li xk'anjel leepaab'aal, li xkuyum leerahom ut li xkawil eech'ool chi yo'onink sa' xk'ab'a' li Jesukriist li Qaawa'.

Li Santil hu

³ Nak nocotijoc chiru li Dios, junelic cuan saꞌ kachꞌo̱l chanru le̱ cha̱bilal xban le̱ pa̱ba̱l. Cuan saꞌ kachꞌo̱l le̱ cha̱bil cꞌanjel xban nak nequexrahoc ut cuan ajcuiꞌ saꞌ kachꞌo̱l nak kꞌaxal cau e̱chꞌo̱l chixyoꞌoninquil li Ka̱cuaꞌ Jesucristo.

1 Ts 1:3 ပူးပေါင်းရင်းမြစ်များ

1 Corintios 13:13

Anaqwan junelik xaqxookeb' li oxib' a'in: li paab'aal, li oyb'enink ut li rahok. Ab'an li q'axal nim xwankil sa' xyanqeb', a'an li rahok.

Apocalipsis 2:19

Ninnaw laab'aanuhom, laarahom, laapaab'aal, laak'anjel ut laakuyum. Ninnaw ajwi' naq li xab'aanu sa' roso'jik q'axal chaab'il chik chiru li xab'aanu xb'enwa.

Gálatas 5:6

Xb'aan naq rik'in li Kristo Jesus maak'a' na'ok wi' xk'ulb'al li sirkunsisyon malaj ink'a', ka'aj b'an wi' li paab'aal li naxk'ut rib' rik'in li rahok.

2 Ts 1:11

Jo'kan naq juneliko chi tijok cherix: li qaYos chik'ehoq taxaq eere wank jo' xk'ulub' leemaatan b'oqb'ilex wi', ut texxtenq'a taxaq rik'in li xwankilal re naq chitz'aqloq ru chixjunil li us nekerahi xb'aanunkil jo'wi' li xk'anjel leepaab'aal.

1 Juan 5:3

Xb'aan naq a'an a'in li xraab'al li Yos: naq chiqapaab' eb' li xchaq'rab'. Ut eb' li xchaq'rab' moko aaleb' ta,

Gálatas 6:9

Moolub'k chi xb'aanunkil li us xb'aan naq sa' xq'ehil tooq'oloq, wi ink'a' nach'inank qach'ool.

Romanos 15:13

A' taxaq li Yos li nak'ehok xnimal qoyb'enihom chinujob'resinq eere rik'in chixjunil li sahil ch'oolej ut tuqtuukilal sa' leepaab'aal, re naq numtajenaqaq leeroyb'enihom xb'aan xwankil li Santil Musiq'ej.

1 Juan 3:3

Chixjunil li kaw xch'ool rik'in li Jesus, naxch'ajob'resi rib', kama' A'an maak'a' xmuxul.

1 Ts 3:6

Toja' xsutq'iik chaq laj Timoteo eerik'in, ut chaab'il resil leepaab'aal ut leerahom xk'am chaq; xolxye ajwi' naq junelik nokoojultiko'k eere ut nekeraj rilb'al qu, jo' ajwi' naq laa'o naqaj rilb'al eeru.

1 Juan 3:18

Ex inkok'al, moorahok yal chi aatin malaj chi xtz'uumal qe, choorahoq b'an rik'in qab'aanuhom ut chi tz'aqal yaal.

Hebreos 10:36

Na'ajmank ru naq wanq eekuyum sa' li rahilal re xb'aanunkil li rajom li Yos ut xk'ulb'al li k'aru yeechi'inb'il chaq xb'aan.

1 Corintios 15:58

Jo'kan b'i', ex was wiitz'in raarookex inb'aan, kaw xaqxooqex, chexwanq chi ink'a' taach'inanq leech'ool, junelik yooqex chi k'iik sa' xk'anjel li Qaawa'. Chenawaq naq li xyalb'al eeq'e moko maak'a' ta aj e sa' xk'ab'a' li Qaawa'.

2 Ts 1:3

Ex qas qiitz'in, junelik teneb'anb'il sa' qab'een naq toob'anyoxinq re li Yos cherix laa'ex, jo' xk'ulub', xb'aan naq q'axal yo chi k'iik leepaab'aal ut numtajenaq chik nekera eerib' rik'ineb' chixjunil ut chejunjunqal.

1 Juan 3:21

Ex inrahom, wi ink'a' nokooxq'us li qach'ool, relik chi yaal naq wank xkawub' qach'ool rik'in li Yos,

1 Pedro 3:4

Chiwanq b'an leech'ina'usal sa' xchamal leech'ool, a' li wank sa' q'unil ut tuqtuukil ch'oolejil li ink'a' na'oso'k; a'an q'axal loq' chiru li Yos.

Hebreos 11:17

Sa' xk'ab'a' li xpaab'aal laj Abrahán, li rab'ihom chik li xyeechi'om li Yos, kiyale'k rix ut kixmayeja laj Isahak, li ralal jun chirib'il,

Hebreos 6:15

Ut sa' xk'ab'a' li xnimal xkuyum, laj Abrahán koxtaw li kiyeechi'iik re.

1 Timoteo 2:3

Chixjunil a'in chaab'il ut loq' chiru li Yos laj Kolol qe:

Gálatas 5:13

Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

Gálatas 1:4

A'an kixq'axtesi rib' sa' xk'ab'a' li qamaak re qakolb'al chiru li ruuchich'och' a'in li ink'a' us, xb'aan naq jo'kan kiraj li Yos li qaYuwa'.

Romanos 16:6

Chek'e xsahil xch'ool lix María, li q'axal xtawasi rib' chi k'anjelak sa' eek'ab'a'.

Romanos 15:4

Jo'ch'inal jo'nimal kitz'iib'aak chaq junxil, re qatzolb'al naq kitz'iib'aak chaq, re naq rik'in li xkawub' qach'ool ut li xk'ojob'ankil li qaanm naxk'e li Santil Hu chiwanq xnimal qoyb'enihom chi junelik.

Romanos 12:12

Chisaho'q sa' eech'ool sa' xk'ab'a' leeroyb'enihom; chekuyaq li raaxiik' ut junelikaqex chi tijok.

Romanos 2:7

li Yos tixk'e junelik yu'am reheb' li ninqeb' xkuyum chi xb'aanunkil li us, jo'k'ihaleb' li neke'xsik' li loq'al, li chaab'ilal ut li yu'am ink'a' nalajk na'oso'k.

Hechos 10:31

kixye we: «At Kornelio, li Yos xrab'i laatij ut xjultiko'k re laalemoox.

Hechos 3:19

Yot'omaq b'i' eech'ool ut jalomaq eek'a'uxl re naq te'kuymanq te'sachmanq leemaak.

San Juan 14:15

“Wi nikineera, teepaab' linchaq'rab',

Cantares 8:7

Chixjunil li ha' wank sa' palaw ink'a' naru tixchup li Rahok, chi moko taa'oso'q xb'aaneb' li nima'. Wi ta junaq winq tixyeechi'i chixjunil li xb'ihomal li xjunkab'al sa' xk'ab'a' li Rahok, yal tz'eqtaananb'ilaq raj!

Eclesiastés 2:26

Naq junaq narahe'k xb'aan li Qaawa', nak'eemank xna'leb', xseeb'al xk'a'uxl ut xsahil xch'ool; a'ut laj maak, li Yos naxk'e chi k'anjelak ut chi tamok b'ihomal yal re xkanab'ankil moqon chixjunil a'an re li ani raaro xb'aan. A'in ajwi' maak'a' rajb'al ut chanchan li chapok iq'!

Génesis 29:20

Laj Jakob kik'anjelak wuqub' chihab' sa' xk'ab'a' lix Rakel, chi ink'a' kireek'a naq kinume'k li kutan, xb'aan naq k'ajo' naq naxra lix Rakel.

Hebreos 13:21

a'an taxaq chik'uub'anq re leeyu'am rik'in chixjunil li chaab'ilal re xb'aanunkil li rajom. A'an taxaq chib'aanunq qik'in li nawulak chiru sa' xk'ab'a' li Jesukriist: rehaq taxaq li loq'al junq'e junq'e kutan. Jo'kan taxaq.

Hebreos 4:11

Qayalaq b'i' qaq'e re naq too'ok sa' li hilob'aal a'in re naq maa'ani chit'ane'q sa' li q'etb'a aatin a'an.

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

Romanos 16:26

ab'anan k'utb'esinb'il chik anaqwan xb'aan li xtz'iib'ahomeb' li propeet sa' li Santil Hu, jo' x'alaak sa' xch'ool li junelik Yos. Li tz'aptz'ookil na'leb' a'in k'eeb'il chik chi nawe'k xb'aaneb' chixjunil li tenamit re naq te'ab'inq ut te'paab'anq.

San Juan 15:10

Wi nekepaab' linchaq'rab', texkanaaq sa' linrahom jo' naq laa'in xinpaab' xchaq'rab' linYuwa' ut ninkanaak sa' li xrahom.

Apocalipsis 3:10

Laa'at xak'uula sa' aach'ool li waatin xinye chirix li kuyuk, jo'kan naq laa'in ajwi' tatinkol sa' xhonalil li yale'k chalk re junsut junrub'el choxa re xyalb'aleb' rix li wankeb' sa' ruuchich'och'.

1 Timoteo 1:14

Ut li rusilal li Qaawa' q'axal xnumtaak wik'in xb'aan naq xk'e we li paab'ank ut li rahok li nachalk rik'in li Kristo Jesus.