1 Ts 1:2 - Q'eqchi Bible

² Junelik nokooyoxink chiru li Yos sa' eek'ab'a' chejunilex rik'in eejultikankil sa'eb' li qatij.

Li Santil hu

² Junelic nocotioxin chiru li Dios nak nocotijoc che̱rix che̱junilex la̱ex.

1 Ts 1:2 ပူးပေါင်းရင်းမြစ်များ

Filemón 1:4

Junelik ninyoxink chiru linYos naq yookin chajultikankil sa'eb' lintij,

Colosenses 1:3

Junelik nokootijok cherix ut nokooyoxink chiru li Yos, li xYuwa' li Qaawa' Jesukriist,

1 Corintios 1:4

Junelik ninyoxink chiru li Yos cherix laa'ex xb'aan li rusilal li Yos k'eeb'il eere sa' xk'ab'a' li Kristo Jesus,

Romanos 6:17

Ab'anan, b'anyox re li Yos, laa'ex li xexwank chaq cho'q moos re li maak, xepaab' chi anchal eech'ool leechaab'il tzolb'al li xexq'axtesiik wi';

1 Ts 2:13

Jo'kan naq laa'o ajwi' junelik nokooyoxink chiru li Yos xb'aan naq, jo'q'e xerab'i li Raatin li Yos xqapuktesi eere, xek'ul moko jo' ta raatin li winq, jo' b'an tz'aqal li xyaalalil, jo' raatin li Yos li yo chi k'anjelak rik'in xwankil sa' eeyanq laa'ex laj paab'anel.

1 Ts 3:9

Ut chan tawi' ru tooyoxinq chiru li Yos cherix laa'ex rik'in chixjunil li xsahil qach'ool naqeek'a chiru li qaYos sa' eek'ab'a'?

2 Ts 1:3

Ex qas qiitz'in, junelik teneb'anb'il sa' qab'een naq toob'anyoxinq re li Yos cherix laa'ex, jo' xk'ulub', xb'aan naq q'axal yo chi k'iik leepaab'aal ut numtajenaq chik nekera eerib' rik'ineb' chixjunil ut chejunjunqal.