1 Ts 1:1 - Q'eqchi Bible

¹ Laa'in laj Pablo, wochb'een laj Silvano ut laj Timoteo, nintz'iib'ak rik'in li x'Iklees eb' laj Tesalónika li wank rik'in li Yos Yuwa'b'ej ut li Qaawa' Jesukriist: eerik'inaq taxaq li usilal ut li tuqtuukilal.

Li Santil hu

¹ La̱in laj Pablo. Cuochben laj Silvano ut laj Timoteo. Yo̱co chi tzꞌi̱bac e̱riqꞌuin la̱ex laj pa̱banel li cuanquex aran Tesalónica. La̱ex rehex chic li Yucuaꞌbej Dios ut li Ka̱cuaꞌ Jesucristo. Aꞌ taxak li usilal ut li tuktu̱quilal chicua̱nk e̱riqꞌuin, li naxqꞌue li Dios li kaYucuaꞌ ut li Ka̱cuaꞌ Jesucristo.

1 Ts 1:1 ပူးပေါင်းရင်းမြစ်များ

Romanos 1:7

Eerik'in chejunilex laa'ex li raarookex xb'aan li Yos aran Roma ut b'oqb'ilex chi wank sa' santilal chiwanq taxaq li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

2 Ts 1:1

Laa'in laj Pablo, wochb'een laj Silvano ut laj Timoteo, nintz'iib'ak rik'in li x'Iklees eb' laj Tesalónika li wank rik'in li Yos li qaYuwa' ut rik'in li Qaawa' Jesukriist.

Hechos 20:4

Ki'ochb'eeniik xb'aan laj Sópatros, ralal laj Pirro, aj Berea; xb'aan laj Aristarko ut laj Segundo, Tesalónika xtenamiteb'; xb'aan laj Gayo aj Derbe ut laj Timoteo, jo' ajwi' xb'aan laj Tíkiko ut laj Trófimo, sa' xteepal Asia li xtenamiteb'.

Hechos 18:5

Naq ke'chalk chaq Macedonia laj Silas ut laj Timoteo, laj Pablo junes chirix li Aatin kixk'e xch'ool, ut naxch'olob' chiruheb' laj Judiiy naq li Jesus a'an li Kriist.

San Judas 1:1

Laa'in laj Judas, xmoos li Jesukriist ut riitz'in laj Santiago, nintz'iib'ak rik'ineb' li b'oqb'ileb', raarookeb' xb'aan li Yos Yuwa'b'ej ut xokxookeb' cho'q re li Jesukriist.

1 Pedro 5:12

Laj Silvano xinxtenq'a chi xtz'iib'ankil li wib' oxib' chi aatin a'in; laa'in nink'oxla naq a'an jun was wiitz'in tiik xch'ool. Xintz'iib'ak eerik'in re xk'eeb'al eena'leb' jo' ajwi' re xch'olob'ankil cheru naq relik chi yaal naq a'an tz'aqal li xrahom li Yos. K'ehomaq eech'ool chi wank sa' li xrahom chi junelik.

2 Corintios 1:19

Laj Silvano, laj Timoteo ut laa'in xqapuktesi resil li Kristo Jesus, li Ralal li Yos, eere laa'ex; ut A'an maawa' jun ta yaal ut jun ta ink'a'; junes li yaal b'an kiwank rik'in.

Hechos 19:22

Ut kixtaqlaheb' aran Macedonia wiib' aj tenq' re, a' laj Timoteo ut laj Erasto. Ut laj Pablo toj kikanaak kach'inaq chik Asia.

Hechos 17:11

Eb' a'in q'axal q'uneb' xch'ool chiruheb' li wankeb' Tesalónika: ke'xk'ulub'a li Aatin chi anchaleb' xch'ool, yookeb' chi xtz'ilinkil xsa' li Santil Hu rajlal kutan re rilb'al ma yaal li naxye laj Pablo.

Hebreos 13:23

Chenawaq naq laj Timoteo, li qakomon, ak x'ach'ab'aak. Wi taak'ulunq chi junpaat, wochb'eenaq naq tooxik cherilb'al.

2 Timoteo 1:2

nintz'iib'ak aawik'in, a Timoteo inraarookil alal. Li usilal, li uxtaanal ut li tuqtuukilal li nachalk rik'in li Yos Yuwa'b'ej ut rik'in li Kristo Jesus, li Qaawa', chiwanq taxaq aawik'in.

1 Timoteo 1:2

nintz'iib'ak aawik'in, a Timoteo, tz'aqal walalat sa' li qapaab'aal. Chiwanq taxaq aawik'in li usilal, li uxtaanal ut li tuqtuukilal nachalk rik'in li Yos Yuwa'b'ej ut rik'in li Kristo Jesus, li Qaawa'.

Colosenses 1:1

Laa'in laj Pablo, x'apóstol li Kristo Jesus jo' x'alaak sa' xch'ool li Yos, wochb'een laj Timoteo, li wiitz'in,

Filipenses 1:1

Laa'in laj Pablo, wochb'een laj Timoteo, aj k'anjelo chiru li Kristo Jesus, nokootz'iib'ak rik'ineb' chixjunil li wankeb' xsantilal sa' xk'ab'a' li Kristo Jesus, eb' li wankeb' aran Filipos, rochb'eeneb' laj jolominel ut eb' li diákono.

Efesios 1:2

Chiwanq taxaq eerik'in li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

Gálatas 1:22

ab'an toj maji'aq ajwi' neke'xnaw wu eb' li Iklees neke'paab'ank re li Kriist aran Judea.

Gálatas 1:2

Laa'in ut chixjunileb' li was wiitz'in li wankeb' wochb'een naqataqla xsahil xch'ooleb' li Iklees re Galacia:

2 Corintios 1:1

Laa'in laj Pablo, x'apóstol li Jesukriist jo' x'alaak sa' xch'ool li Yos, nintz'iib'ak, wochb'een laj Timoteo li wiitz'in, rik'in li x'Iklees li Yos li wank Korinto jo'wi' rik'ineb' chixjunil laj santil paab'anel li wankeb' sa' xsutam Akaya.

1 Corintios 1:2

nintz'iib'ak rik'in li x'Iklees li Yos li wank Korinto, eerik'in laa'ex li santob'resinb'ilex sa' xk'ab'a' li Kristo Jesus, eerik'in laa'ex li b'oqb'ilex chi wank sa' santilal, eerochb'een chixjunileb' li neke'xyaab'a xk'ab'a' li Qaawa' Jesukriist yalaq b'ar, a'an li qaQaawa' laa'o ut xQaawa' li santil tenamit.

Hechos 16:29

Toja' naq laj k'aak'alenel tz'alam kixpatz' xsaqenk ut ki'ok sa' li tz'alam sa' aanil; nasiksotk naq kixkut rib' chi roqeb' laj Pablo ut laj Silas.

Hechos 16:25

Tuqtu q'oqyink laj Pablo ut laj Silas yookeb' chi tijok ut chi b'ichank re xloq'oninkil li Yos, ut eb' li wankeb' sa' tz'alam yookeb' chi ab'ink.

Hechos 16:19

Eb' laj eechal re, naq ke'ril naq maak'a' chik te'xyo'oni wi' xtumineb', ke'xchap laj Pablo ut laj Silas ut ke'xkeleli toj sa' li poopol, chiruheb' li wankeb' xwankil;

Hechos 15:40

ut laj Pablo kixsik' ru laj Silas cho'q rochb'een ut koho, chirix naq kiq'axtesiik sa' ruq' li Yos xb'aaneb' laj paab'anel.

Hechos 15:27

Jo'kan utan, xqataqlaheb' laj Judas ut laj Silas, li te'xye ajwi' eere chixjunil a'in chi xtz'uumal reheb'.

1 Juan 1:3

a' li qilom ut qab'ihom, a'an naqaye resil eere, re naq laa'ex ajwi' wanqex sa' komonil qik'in. Ut laa'o wanko sa' komonil rik'in li Yuwa'b'ej ut li Ralal, a' li Jesukriist.

Hechos 15:22

Toja' naq eb' li apóstol ut eb' li cheekel winq ke'xk'uub', rochb'eeneb' chixjunil li Iklees, xsik'b'al ruheb' jarub'aq winq sa' xyanqeb' ut xtaqlankileb' Antiokía rochb'eeneb' laj Pablo ut laj Bernabé. A'aneb' a'in li ke'xaqab'aak: laj Judas, aj Barsabás xkab' xk'ab'a', ut laj Silas, a'aneb' aj jolominel sa' xyanqeb' laj paab'anel.