1 Samuel 9:21 - Q'eqchi Bible

²¹ Kichaq'ok laj Saúl: “Laa'in aj Benjamín, xkomonin li teep jwal kach'in sa' xyanqeb' laj Israel. Ut linjunkab'al ma ink'a' tab'i' li jwal kach'in sa' xyanq chixjunileb' li junkab'al aj Benjamín? Chan put ru naq nakaye we chixjunil a'in?”, chan laj Saúl.

Li Santil hu

²¹ Laj Saúl quixye re: —La̱in xcomoneb li ralal xcꞌajol laj Benjamín, li incꞌaꞌ qꞌuiheb saꞌ xya̱nkeb laj Israel. Ut la̱o li ralal xcꞌajol li kayucuaꞌ, ma̱cꞌaꞌ kacuanquil saꞌ xya̱nkeb chixjunileb li ralal xcꞌajol laj Benjamín. ¿Cꞌaꞌut nak nacaye cue chixjunil aꞌin? chan.

1 Samuel 9:21 ပူးပေါင်းရင်းမြစ်များ

1 Samuel 15:17

Toja' naq laj Salomón kixye: “Us ta nakak'oxla naq kach'in laawankil, ab'anan ma ink'a' tab'i' xaqab'anb'ilat cho'q xjolomil chixjunileb' li xteepal laj Israel? Li Qaawa' xyuluk aawe cho'q awab'ej re Israel.

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

San Lucas 14:11

Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil.

Salmos 68:27

Cheloq'oni ru li Yos sa' leekomonil, chek'ehaq xloq'al li Qaawa', ex ralal xk'ajol laj Israel!

Oseas 13:1

Naq neke'aatinak eb' laj Efraín junxil, chixjunileb' neke'xiwak. K'eeb'il xwankileb' sa' xyanqeb' laj Israel. Ab'an ke'maakob'k naq ke'xloq'oni laj Bahal; jo'kan naq ke'kamk.

1 Samuel 18:23

Ab'anan naq eb' laj k'anjel chiru laj Saúl ke'xye li aatin a'in re laj David, kixsumeheb': “Laa'in maak'a' inwankil ut neb'a'in. Chan put ru naq nekek'oxla naq tin'ok cho'q xhi' li awab'ej?”, chan.

1 Samuel 18:18

Kichaq'ok laj David ut kixye: “Anihin laa'in, aniheb' linkomon ut li xjunkab'al linyuwa' sa' xyanqeb' laj Israel re naq laa'inaq li xhi' li awab'ej?”.

1 Samuel 10:27

Ab'an wankeb' li yib'ru xna'leb'eb' ke'xye: “Ma tooxkol awuli?”, chankeb'. Ke'xtz'eqtaana laj Saúl ut ink'a' ke'xk'e xmaatan. Ab'an laj Saúl ink'a' kixk'e sa' xch'ool li k'aru ke'xb'aanu.

1 Samuel 9:22

Toja' naq laj Samuel kixb'oqeb' laj Saúl ut laj k'anjel chiru, kiroksiheb' sa' li k'uuleb'aal ula' ut kixk'e xna'ajeb' sa' xjolomil li meex wankeb' wi' lajeeb' xka'k'aal chi ula'.

1 Samuel 14:51

Laj Kis, xyuwa' laj Saúl, ut laj Ner, xyuwa' laj Abner, a'aneb' li ralal laj Abiel.

Salmos 68:28

Li yookeb' chi xik chi uub'ej, a'aneb' laj Benjamín, li xteepal laj Israel jwal kach'in; yookeb' ajwi' chi xik li xjolomileb' laj Judá rochb'eeneb' li xtenamit, ut eb' laj jolominel re Sabulón ut Neftalí.