1 Samuel 6:6 - Q'eqchi Bible

⁶ K'a' naq teekawub'resi leech'ool jo' ke'xb'aanu eb' laj Ejiipt ut laj Parahón? Ma ink'a' tab'i' ke'xkanab'eb' laj Israel chi xik naq ke'rahob'tesiik xb'aan li Qaawa'?

Li Santil hu

⁶ ¿Cꞌaꞌut nak te̱cacuubresi le̱ chꞌo̱l joꞌ queꞌxba̱nu laj Egipto ut laj faraón? Eb aꞌan nabal li raylal quiqꞌueheꞌ saꞌ xbe̱neb xban li Dios, tojoꞌnak queꞌxcanabeb laj Israel chi e̱lc saꞌ lix tenamiteb.

1 Samuel 6:6 ပူးပေါင်းရင်းမြစ်များ

Éxodo 14:17

K'e reetal, laa'in tinkawub'resi xch'ooleb' laj Ejiipt re naq te'xik cherix. Toja' naq taanimaaq inloq'al naq tinsach xwankil laj Parahón ut chixjunileb' laj puub', li xb'eleb'aal ch'iich' ut li wankeb' chirixeb' li kawaay.

Éxodo 8:15

Ab'an naq laj Parahón kiril naq ak xnume'k li rahilal, kixkawub'resi xch'ool ut ink'a' kirab'iheb' laj Moisés ut laj Aharón, kama' yeeb'il chaq xb'aan li Qaawa'.

Éxodo 7:13

Ab'an kikawuuk xch'ool laj Parahón ut ink'a' kirab'iheb', jo' tz'aqal yeeb'il chaq chi junxilaj xb'aan li Qaawa'.

Éxodo 9:34

Naq laj Parahón kiril naq kich'anaak li hab', li saqb'ach ut li kaaq, kimaakob'k wi' chik ut kixkawub'resi xch'ool rochb'eeneb' laj k'anjel chiru.

Hebreos 3:13

Chek'ehaq b'an xkawub' eech'ool cherib'il eerib' rajlal kutan naq toj nayeemank li “anaqwan”, re naq maajun eere tixkawub'resi xch'ool rik'in xb'alaq'il li maak.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

Salmos 95:8

“Meeq'etq'eti leech'ool jo' kik'ulmank aran Meribá, sa' li kutan naq leena' leeyuwa' ke'wank Masá sa' li chaqich'och'.

Li xHu LAJ JOB 9:4

Ani truuq tixkawu rib' chiru li Yos, ut us taa'elq chiru li xchoxahil na'leb' li Qaawa' jo'wi' chiru li xnimal xwankil?

Éxodo 14:23

Eb' laj Ejiipt ke'xchap raanileb' chirixeb': chixjunileb' li xkawaay laj Parahón, eb' li xb'eleb'aal ch'iich' ut eb' li wankeb' chirixeb' li xkawaay, koxe'okaq chirixeb' laj Israel sa' li palaw.

Éxodo 10:3

Naq laj Moisés ut laj Aharón ke'wulak rik'in laj Parahón, ke'xye re: “Jo'ka'in naxye li Qaawa', li xYoseb' laj Hebreo: «Toj jo' najtil chik ink'a' taawaj xkub'sinkil aawib' chiwu? Kanab'eb' chi elk lintenamit re naq tine'xloq'oni.

Éxodo 9:16

Ab'an xatinkanab' chi yo'yo re xk'utb'al chawu linwankil, re naq chinimaaq link'ab'a' sa' xb'een chixjunil li ruuchich'och'.

Éxodo 8:32

Ab'anan jun sut chik laj Parahón kixkawub'resi xch'ool ut ink'a' kixkanab'eb' chi elk laj Israel.

Éxodo 4:21

Li Qaawa' kixye re laj Moisés: “Akaq xatwulak Ejiipt, b'aanu chiru laj Parahón chixjunileb' li sachb'ach'oolej xink'eheb' sa' aawuq'. A'ut laa'in tinkawub'resi xch'ool laj Parahón ut ink'a' tixkanab'eb' chi elk li tenamit.

Éxodo 7:14

Toja' naq li Qaawa' kixye re laj Moisés: “Q'axal kaw xch'ool laj Parahón; ink'a' naxkanab'eb' chi elk lintenamit.