1 Samuel 6:21 - Q'eqchi Bible

²¹ Ut ke'xtaqlaheb' aj esil rik'ineb' laj Kiryat-Yeharín re xyeeb'al reheb': “Eb' laj Filistea ke'xq'axtesi chaq li xLoq'laj Kaax li Qaawa'. Kub'enqex chaq ut k'amomaq eerik'in”.

Li Santil hu

²¹ Ut queꞌxtaklaheb lix takl aran Quiriat-jearim re nak teꞌxye reheb: —Eb laj filisteo queꞌxcanab arin li Lokꞌlaj Ca̱x. Joꞌcan nak cha̱lkex arin re nak te̱cꞌam li Lokꞌlaj Ca̱x aran e̱riqꞌuin, chanqueb.

1 Samuel 6:21 ပူးပေါင်းရင်းမြစ်များ

Josué 18:14

Aran li nub'ajl naxb'ach' rib' sa' rokeb'l saq'e toj sa' rokeb'l iq', chalen sa' li tzuul li wank sa' rokeb'l iq' re Bet-Jorón ut nawulak Kiryat-Bahal (Kiryat-Yeharín ajwi' nayeemank re), xtenamiteb' li ralal xk'ajol laj Judá. A'an a'in li nub'ajl li wank sa' rokeb'l saq'e.

Josué 9:17

Jo'kan naq ke'elk sa' li xmuheb'aaleb' ut sa' rox li kutan ke'wulak sa' li tenamiteb' Gabahón, Kefirá, Beherot ut Kiryat-Yeharín.

Jeremías 7:14

Jo'kan naq li ochoch a'in li nanimaak wi' link'ab'a', li kaw wi' leech'ool ut ink'ehom eere jo' ajwi' reheb' leena' leeyuwa', tinkanab' jo' kinkanab' li wochoch aran Siló.

Jeremías 7:12

«Ayuqex anaqwan aran Siló, sa' li na'ajej kiloq'oniik wi' wu najter, ut k'ehomaq reetal k'aru kinb'aanu re xb'aan li xmaa'usilaleb' laj Israel, lintenamit.

Salmos 78:60

kixkanab' li xmuheb'aal wank aran Siló, a' li rochoch kixk'ojob' sa' xyanqeb' li winq.

Jueces 18:12

Ke'taqe'k ut koxe'hilanq Kiryat-Yeharín, sa' xteepal Judá. Jo'kan naq li na'ajej a'an “xMuheb'aaleb' laj Dan” naxk'ab'a'in toj anaqwan. Wank chirix Kiryat-Yeharín.

Josué 15:60

Li tenamit Kiryat-Bahal (Kiryat-Yeharín ajwi' naxk'ab'a'in) ut Rabá. Naraj naxye, wiib' chi tenamit rochb'eeneb' xk'aleb'aaleb'.

Josué 15:9

Li nub'ajl naxb'ach' chaq rib' sa' xtaqeq'il li tzuul toj sa' li roq nima' Neftohaj ut naxik toj sa'eb' li tenamit re Efrón, re xjalb'al wi' chik xb'e sa' xjayal Bahalá, malaj Kiryat-Yeharín.

Jeremías 26:20

Jo'ka'an ajwi', sa' xk'ab'a' li Qaawa', ki'aatinak li propeet Urías, ralal laj Semaías, aj Kiryat-Yeharín, naq kixye resil li rahilal li tixk'ul Jerusalén jo' ajwi' chixjunil li xsutam, jo' tz'aqal yeeb'il xb'aan laj Jeremías.

2 Samuel 6:2

Ut rochb'eeneb' kixchap xb'e, koho Bahalá sa' xteepal Judá re xk'amb'al chaq toj aran li xLoq'laj Kaax li Yos. Chiru a'an nayaab'amank xk'ab'a' li Nimajwal Yos li nahilank sa' xb'eeneb' li kerubín.