1 Samuel 6:14 - Q'eqchi Bible

^14-15 Naq kiwulak sa' xk'aleb'aal laj Josué aj Bet-Semes, kixaqliik li kareet. Aran wank jun nimla pek. Toja' naq eb' laj Leví ke'xkub'si li xLoq'laj Kaax li Qaawa' jo'wi' li kaax li wank chi xk'atq, a' li wan wi' li k'a' re ru yiib'anb'il rik'in oor, ut ke'xk'e sa' xb'een li nimla pek. Chirix chik a'an ke'xtoqi li xche'el li kareet, ke'xloch jun li xam ut ke'xyeechi'i eb' li wakax cho'q k'atb'il mayej chiru li Qaawa'. Sa' li kutan a'an eb' laj Bet-Semes ke'xq'axtesi naab'al li k'atb'il mayej ut xyeechi'omeb' chiru li Qaawa'.

Li Santil hu

¹⁴ Li carre̱t quicuulac saꞌ lix naꞌaj li racui̱mk laj Josué li cuan saꞌ li tenamit Bet-semes ut eb li ba̱c queꞌxakli aran cuan cuiꞌ jun li nimla pec. Eb laj Israel queꞌxjor li carre̱t ut queꞌxyi̱b jun li xam. Queꞌxcamsiheb li ba̱c ut queꞌxcꞌat chokꞌ xmayej chiru li Ka̱cuaꞌ.

1 Samuel 6:14 ပူးပေါင်းရင်းမြစ်များ

2 Samuel 24:22

Kixye laj Arawná: “At awab'ej, aj eechal we, chap ut yeechi'i li k'aru taawaj. Arin wankeb' linb'ooyx re li mayejak; ut li b'eleb'aal ch'iich' jo'wi' li b'itche' taak'anjelaq cho'q aasi'.

Jueces 21:4

Sa' li kutan jun chik eb' laj Israel ke'wakliik eq'la, ke'xyiib' jun li artal ut ke'xyeechi'i k'atb'il mayej ut ke'mayejak re xk'amb'al wi' chik rib' sa' usilal rik'in li Yos.

1 Reyes 19:21

Laj Eliseo kixsutq'isi rib', kixchapeb' jun sumal li xb'ooyx ut kixk'e cho'q xk'atb'il mayej. Li b'itche' kik'anjelak re xpomb'al li tib' li kixsi reheb' li tenamit re te'xtzeka. Chirix chik a'an koho chirix laj Elías ut ki'ok chi k'anjelak chiru.

2 Samuel 24:25

ut aran kixxaqab' jun x'artal li Qaawa' ut kixk'e li xk'atb'il mayej jo'wi' li xyeechi'om re xk'amb'aleb' rib' sa' usilal rik'in li Yos. Toja' naq li Qaawa' kirab'i li elajink chirix li na'ajej ut kirisi li raxkamk sa' xb'eeneb' laj Israel.

2 Samuel 24:18

Sa' ajwi' li kutan a'an koho laj Gad rik'in laj David ut kixye re: “Ayu chi xxaqab'ankil jun x'artal li Qaawa' sa' li xch'oxleb'aal laj Arawná aj Jebús”.

1 Samuel 20:29

Xye we: «B'aanu usilal, kanab'in chi xik, xb'aan naq anaqwan xq'ehil li mayejak cho'q re li qajunkab'al, sa' li qatenamit, ut eb' li was xine'xb'oq aran. Jo'kan utan, wi usilal xintaw chawu, kanab'in chi xik chi rilb'aleb' li was», chan. Jo'kan naq ink'a' xk'ulunk chi tzekank aawik'in, at awab'ej”, chan laj Jonatán.

1 Samuel 11:5

Sa' li honal a'an laj Saúl yo chaq chi sutq'iik sa' k'aleb'aal chirixeb' li xb'ooyx, ut kixpatz': “K'aru xe'xk'ul li tenamit naq yookeb' chi yaab'ak?”, chan. Ut ke'xye re li raatineb' laj Yabés.

Jueces 6:26

Chirix chik a'an, sa' xb'een li xaqxookil tzuul a'an, taayiib' chi chaab'il jun li artal cho'q re li Qaawa' laaYos. Taachap li teelom wakax ut taak'at jo' loq'laj mayej, chiru li xsi'ul li loq'laj che' xayok'”, chan.

Éxodo 20:24

Chayiib' jun lin'artal rik'in ch'och', re naq sa' xb'een taayeechi'i laak'atb'il xul ut laamayej, eb' laakarneer ut eb' laab'ooyx. Sa' chixjunil li na'ajej b'arwi' twaj naq taajultikamanq link'ab'a', tinchalq aawik'in ut tatwosob'tesi.

1 Samuel 6:13

Eb' laj Bet-Semes yookeb' chi q'olok triiw sa' li taq'a ut naq ke'xtaqsi li rilob'aaleb', ke'ril li Loq'laj Kaax. K'ajo' naq ke'saho'k sa' xch'ool!

1 Samuel 6:18

Ut li xk'ihaleb' li ch'o yiib'anb'ileb' rik'in oor, a'an juntaq'eet rik'in li xk'ihaleb' li xtenamiteb' li oob' chi ninqeb' xwankil aj Filistea: k'eeb'ileb' sa' ajl li tenamit suttz'akanb'ileb' jo' ajwi' eb' li k'aleb'aal maak'a' xsutb'aleb'. Li nimla pek li kihilank wi' li xLoq'laj Kaax li Qaawa', toj wank ajwi' anaqwan sa' xk'aleb'aal laj Josué aj Bet-Semes.