1 Samuel 5:8 - Q'eqchi Bible

⁸ Jo'kan naq ke'xb'oqeb' chixjunil li xjolomileb' laj Filistea, ke'xch'utub'eb' ut ke'xye: “K'aru tento tqab'aanu rik'in li xLoq'laj Kaax li xYos laj Israel?”. Ke'xsume: “Li xLoq'laj Kaax li xYos laj Israel tento taak'ame'q aran Gat”, chankeb'. Ut ke'xk'am aran li xLoq'laj Kaax li xYos laj Israel.

Li Santil hu

⁸ Queꞌxtakla resil riqꞌuineb li nequeꞌtaklan saꞌ xbe̱neb laj filisteo ut queꞌxpatzꞌ reheb: —¿Cꞌaꞌru takaba̱nu riqꞌuin lix Lokꞌlaj Ca̱x lix Dioseb laj Israel? chanqueb. Eb aꞌan queꞌchakꞌoc ut queꞌxye: —Cꞌamomak saꞌ li tenamit Gat, chanqueb. Ut queꞌxcꞌam li Lokꞌlaj Ca̱x aran.

1 Samuel 5:8 ပူးပေါင်းရင်းမြစ်များ

Zacarías 12:3

“Sa' li kutan a'an tink'e Jerusalén jo' junaq aalilpek cho'q reheb' chixjunileb' li tenamit: jo'k'ihaleb' li te'raj xjunajinkil rib' re numtaak sa' xb'een, q'axal ra te'xk'ul.

Amós 6:2

Ayuqex ut ilomaq chaq Kalné; chirix chik a'an texxik Jamat, li nimla tenamit, ut texkub'eeq toj Gat sa' xteepal Filistea, ut ilomaq chaq. Ma q'axal chaab'ilex tab'i' laa'ex chiruheb' a'an? Ma q'axal nim tab'i' leetenamit chiru li xtenamiteb' a'an?

1 Samuel 17:4

Ki'elk chaq sa' xyanqeb' laj Filistea jun li winq yo'oon chi yalok, aj Goliat xk'ab'a', Gat xtenamit, wiib' moqoj li xteram.

1 Samuel 5:11

Ke'xtaqla xch'utub'ankil chixjunileb' laj k'amol xb'eheb' laj Filistea ut ke'xye reheb': “Q'ajsihomaq li xLoq'laj Kaax li xYos laj Israel. Xikaq sa' xna'aj ut ink'a' chooxk'e chi kamk laa'o ut eb' li qatenamit”, chankeb'. K'ajo' xxiweb' chixjunil li tenamit xb'aan naq q'axal rahob'tesinb'ileb' xb'aan li Qaawa'.

1 Samuel 5:7

Naq eb' laj Asdod ke'ril k'aru yookeb' chi xk'ulb'al, ke'xye: “Ink'a' chikanaaq sa' qayanq li xLoq'laj Kaax li xYos laj Israel xb'aan naq yo chi qarahob'tesinkil chi kaw li Yos a'an. Jwal kaw li rahilal xtaqla chaq sa' xb'een laj Dagón li qayos”.

1 Samuel 29:6

Toja' naq laj Akis kixb'oq laj David ut kixye re: “Sa' xk'ab'a' li yo'yookil Yos ninye aawe naq tiik aach'ool ut xwaj naq xkohat raj chiwix chi yalok, xb'aan naq maak'a' k'aru ink'a' us xintaw aawik'in chalen aawokik wik'in toj anaqwan. Ab'anan moko sa ta ilb'ilat xb'aaneb' li xjolomileb' laj Filistea.

Josué 13:3

chalen chaq Sijor li wank chi xk'atq Ejiipt toj sa' xnub'ajl Ekrón, sa' xjayal releb'l iq'. Li ch'och' a'in nayeemank naq reheb' laj Kanahán, ut eb' li neke'taqlank sa' xb'eeneb' laj Filistea, a'aneb' li wankeb' aran Gasa, Asdod, Askalón, Gat ut Ekrón.

Josué 15:11

naxik sa' xjayal releb'l iq' re Ekrón, naxb'ach' rib' re xik Sikarón, nanume'k sa' li tzuul Bahalá ut nawulak toj Yabnel. Li nub'ajl nokoxraqe'q sa' li palaw.

1 Samuel 6:2

Toja' naq eb' laj Filistea ke'xb'oqeb' laj tij ut eb' laj q'e ut ke'xpatz' reheb': “K'aru tqab'aanu rik'in li xLoq'laj Kaax li Qaawa'? Yehomaq qe chanru naq tqataqla wi' chik sa' li xna'aj”, chankeb'.

1 Samuel 17:52

Toja' naq eb' laj Israel ut laj Judá japjookeb' re naq ke'raanilasiheb' laj Filistea toj sa' rokeb'aal li tenamit Gat ut Ekrón. Yalaq b'ar sa' li b'e li nachalk Saharáhin ut naxik Gat ut Ekrón wankeb' aj Filistea kamenaqeb'.

1 Crónicas 7:21

laj Sabad, laj Sutélaj, laj Eser ut laj Elad. Ab'anan ke'kamsiik xb'aaneb' laj Gat li wankeb' chaq sa' li na'ajej a'an, xb'aan naq ke'kub'eek chi xmaq'b'aleb' li xketomqeb'.