1 Samuel 5:10 - Q'eqchi Bible

¹⁰ Toja' naq ke'xtaqla li xLoq'laj Kaax li Yos Ekrón. Ab'an naq kiwulak aran, eb' laj Ekrón ke'xjap re chi xyeeb'al: “Xe'xk'am chaq li xLoq'laj Kaax li xYos laj Israel yal re qasachb'al laa'o ut eb' li qatenamit!”, chankeb'.

Li Santil hu

¹⁰ Joꞌcan nak queꞌxtakla li Lokꞌlaj Ca̱x saꞌ li tenamit Ecrón. Eb li cuanqueb aran queꞌxucuac. Japjo̱queb re chixyebal: —Xeꞌxtakla chak arin lix Lokꞌlaj Ca̱x lix Dios eb laj Israel re kacamsinquil la̱o ut eb li katenamit, chanqueb.

1 Samuel 5:10 ပူးပေါင်းရင်းမြစ်များ

Amós 1:8

Tinsach ruheb' laj Asdod jo' ajwi' li na'awab'ejink re Askalón; tinrahob'tesiheb' laj Ekrón ut tinsach ruheb' laj Filistea chi junajwa”, chan li Qaawa'.

2 Reyes 1:2

Sa' jun kutan laj Okosías kit'ane'k chaq sa' xb'entaanil sa' xkab' k'ojaril li rochoch li wank aran Samaria, ut kixtiq' rib'. Toja' naq kixtaqlaheb' xtaql ut kixye reheb': “Ayuqex chi patz'ok rik'in laj Bahal-Sebub, xyoseb' laj Ekrón, re xnawb'al ma tink'iraaq chiru lintiq'ilal a'in”, chan.

Jueces 1:18

Eb' laj Judá ke'reechani Gasa ut li xsutam, Askalón ut li xsutam, Ekrón ut li xsutam.

Josué 15:45

Li tenamit Ekrón rochb'eeneb' xk'aleb'aal;

Josué 13:3

chalen chaq Sijor li wank chi xk'atq Ejiipt toj sa' xnub'ajl Ekrón, sa' xjayal releb'l iq'. Li ch'och' a'in nayeemank naq reheb' laj Kanahán, ut eb' li neke'taqlank sa' xb'eeneb' laj Filistea, a'aneb' li wankeb' aran Gasa, Asdod, Askalón, Gat ut Ekrón.

1 Samuel 5:9

Ab'an naq wank chik aran, li Qaawa' kixrahob'tesiheb' li tenamit a'an li q'axal ke'ok xxiw. K'ajo' naq ke'rahob'tesiik, jo' saajeb' ut cheekeb', ut ke'nujak chi saqijoj.

1 Samuel 5:11

Ke'xtaqla xch'utub'ankil chixjunileb' laj k'amol xb'eheb' laj Filistea ut ke'xye reheb': “Q'ajsihomaq li xLoq'laj Kaax li xYos laj Israel. Xikaq sa' xna'aj ut ink'a' chooxk'e chi kamk laa'o ut eb' li qatenamit”, chankeb'. K'ajo' xxiweb' chixjunil li tenamit xb'aan naq q'axal rahob'tesinb'ileb' xb'aan li Qaawa'.

2 Samuel 7:9

Xinwank aawik'in yalaq b'ar xkohat, ut xinsacheb' ru chixjunileb' li xik' xe'ilok aawe. Ut laa'in tink'e chi nimaak laak'ab'a' jo'eb' li ninqeb' xwankil sa' ruuchich'och'.

Josué 15:11

naxik sa' xjayal releb'l iq' re Ekrón, naxb'ach' rib' re xik Sikarón, nanume'k sa' li tzuul Bahalá ut nawulak toj Yabnel. Li nub'ajl nokoxraqe'q sa' li palaw.

1 Samuel 6:1

Wuqub' po kiwank chaq li xLoq'laj Kaax li Qaawa' sa' xna'ajeb' laj Filistea.

1 Samuel 17:52

Toja' naq eb' laj Israel ut laj Judá japjookeb' re naq ke'raanilasiheb' laj Filistea toj sa' rokeb'aal li tenamit Gat ut Ekrón. Yalaq b'ar sa' li b'e li nachalk Saharáhin ut naxik Gat ut Ekrón wankeb' aj Filistea kamenaqeb'.

1 Crónicas 7:21

laj Sabad, laj Sutélaj, laj Eser ut laj Elad. Ab'anan ke'kamsiik xb'aaneb' laj Gat li wankeb' chaq sa' li na'ajej a'an, xb'aan naq ke'kub'eek chi xmaq'b'aleb' li xketomqeb'.

Amós 6:2

Ayuqex ut ilomaq chaq Kalné; chirix chik a'an texxik Jamat, li nimla tenamit, ut texkub'eeq toj Gat sa' xteepal Filistea, ut ilomaq chaq. Ma q'axal chaab'ilex tab'i' laa'ex chiruheb' a'an? Ma q'axal nim tab'i' leetenamit chiru li xtenamiteb' a'an?