1 Samuel 4:8 - Q'eqchi Bible

⁸ Toq'ob' qu! Ani taakoloq qe sa' ruq' li Yos li q'axal nim xwankil? A'an a'in li kirahob'tesink reheb' laj Ejiipt rik'in xninqal rahilal sa' li chaqich'och'!

Li Santil hu

⁸ ¿Ani ta̱ru̱k ta̱colok ke chiruheb lix dioseb li ni̱nkeb xcuanquil? Eb li dios aꞌan, aꞌan eb li queꞌtaklan re nabal li raylal saꞌ xbe̱neb laj Egipto saꞌ li chaki chꞌochꞌ ut queꞌxsach ruheb.

1 Samuel 4:8 ပူးပေါင်းရင်းမြစ်များ

Éxodo 9:14

Xb'aan naq anaqwan tintaqla chaq chixjunileb' li rahilal chi junk'eeb'al sa' aab'een, sa' xb'eeneb' laj k'anjel chawu ut laatenamit, re naq taanaw naq maajun wank sa' ruuchich'och' kama' laa'in.

Éxodo 7:5

Ut naq tinye' li wuq' sa' xb'een Ejiipt ut twisi aran eb' li ralal xk'ajol laj Israel, te'xnaw eb' laj Ejiipt naq laa'in li Qaawa'”.

Apocalipsis 11:6

Eb' a'in wankeb' xwankil chi xtz'apb'al li choxa re naq ink'a' tixk'e li hab' sa'eb' li kutan yooqeb' wi' chi aatinak jo' propeet; wankeb' ajwi' xwankil chi xsutq'isinkil li ha' cho'q kik' jo'wi' re xrahob'tesinkil li ruuchich'och' rik'in chixjunil li rahilal jar wa te'raj xb'aanunkil.

1 Samuel 4:7

ke'ok xxiweb' ut ke'xye: “Li Yos wank sa' xyanqeb'. Toq'ob' qu! Maajun sut kik'ulmank jo' a'in.

1 Samuel 4:9

Kawaq eech'ool, ex aj Filistea, ut yalomaq chi kaw, re naq ink'a' texkanaaq rub'el xwankileb' laj Hebreo, jo' naq ke'wank eb' a'an rub'el qawankil laa'o. Winqaqex ut yalomaq!”.

Éxodo 15:14

Ke'rab'i a'an eb' li tenamit ut ke'xsiksiki rib'; chanchan xrahil alank kichalk sa' xb'eeneb' laj Filistea.

1 Samuel 5:7

Naq eb' laj Asdod ke'ril k'aru yookeb' chi xk'ulb'al, ke'xye: “Ink'a' chikanaaq sa' qayanq li xLoq'laj Kaax li xYos laj Israel xb'aan naq yo chi qarahob'tesinkil chi kaw li Yos a'an. Jwal kaw li rahilal xtaqla chaq sa' xb'een laj Dagón li qayos”.