1 Samuel 4:3 - Q'eqchi Bible

³ Naq eb' laj puub' ke'sutq'iik chaq sa' li xmuheb'aaleb', li xcheekelaleb' laj Israel ke'xye chi jo'ka'in: “K'a'ut naq li Qaawa' xooxk'e sa' ruq'eb' laj Filistea anaqwan? Yo'qeb' Siló chi xk'amb'al chaq li xLoq'laj Kaaxil li xSumwank li Qaawa', re naq twanq sa' qayanq ut tooxkol chiruheb' li xik' neke'ilok qe”, chankeb'.

Li Santil hu

³ Eb laj Israel li incꞌaꞌ queꞌcamsi̱c queꞌsukꞌi saꞌ lix muheba̱leb. Eb li nequeꞌcꞌamoc be saꞌ xya̱nkeb laj Israel queꞌxye: —¿Cꞌaꞌut nak li Ka̱cuaꞌ xoxkꞌaxtesi saꞌ rukꞌeb laj filisteo? Toxic Silo ut takacꞌam chak arin li Lokꞌlaj Ca̱x re nak cua̱nk saꞌ kaya̱nk ut li Ka̱cuaꞌ toxcol chiruheb li xicꞌ nequeꞌiloc ke, chanqueb.

1 Samuel 4:3 ပူးပေါင်းရင်းမြစ်များ

San Judas 1:5

Us ta ak nekenaw chixjunil a'in ut chi junwaakaj, ab'anan toj nawaj xjultikankil cheru: yookin chi aatinak chirix li Qaawa'. A'an xb'enwa kirisi chaq li xtenamit sa' xteepal Ejiipt ut moqon chik kixsacheb' li ink'a' ke'paab'ank.

1 Pedro 3:21

Li ha' a'an reetalil li kub'iha' kolb'ilex wi' laa'ex anaqwan: a'an maawa' yal risinkil xtz'ajnil li tib'elej, a'an b'an xtz'aamankil jun chaab'il ch'oolej cho'q re li Yos sa' xk'ab'a' li xwaklijik chi yo'yo li Jesukriist,

Hebreos 9:4

li wan wi' li artal oor re li pom, jo'wi' li xloq'laj Kaaxil li Sumwank (a'in junes oor li rix), ut chisa' wank li sek' oor k'uulanb'ileb' wi' li maná, li xxuq' laj Aharón li kituxmek ut eb' li perpookil pek re li Sumwank.

2 Timoteo 3:5

aj paab'aneleb' naq te'xb'aanu rib', a'ut te'xtz'eqtaana li us. Maajunaji aawib' rik'ineb' a'an.

Jeremías 7:4

Meeb'alaq'i eerib' chi xyeeb'al: Arin wank rochoch li Qaawa', waayi' li rochoch li Qaawa', a'in li rochoch li Qaawa'!

Jeremías 3:16

Ut naq akaq xexk'ihank ut xexnaab'alo'k sa' li tenamit, maajun chik taa'aatinaq chirix li xLoq'laj Kaaxil li xSumwank li Qaawa'; maajun chik taak'oxlaq chirix a'an ut ink'a' taapatz'manq chi moko taa'ak'ob'resimanq chik, xb'aan naq ink'a' chik taa'ajmanq ru -chan li Qaawa'-.

Isaías 58:3

Ut neke'xye we: «K'a' aj e naq nokoo'ayuunik? Chi moko yookat rilb'al. Maak'a' na'ok wi' naq naqakub'si qawankil, wi ink'a' nakak'e sa' laach'ool», chankeb'. K'ehomaq reetal: naq nekex'ayuunik, laa'ex nekeb'aanu li k'aru nekeraj ut nekerahob'tesi chixjunileb' laj to' k'anjel.

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.

Salmos 74:11

K'a'ut naq ink'a' nakak'ut laawankil? Chaye' laanim uq' ut chasach ruheb'!

Salmos 74:1

Xb'ich laj Asaf. At Qaawa', k'a'ut naq xoohaatz'eqtaana chi junajwa? K'a'ut naq yo laajosq'il sa' qab'een laa'o li karneer k'aak'alenb'ilo aab'aan?

1 Crónicas 17:1

Naq ak wank chik laj David sa' rochoch, kixye re li propeet Natán: “K'e reetal, laa'in wankin sa' jun li ochoch yiib'anb'il rik'in yaw, ab'an li xLoq'laj Kaaxil li xSumwank li Qaawa' wank sa' tz'uumil muheb'aal”, chan.

2 Samuel 15:25

Ab'an li awab'ej kixye re laj Sadok: “K'am wi' chik li xLoq'laj Kaax li Yos sa' li tenamit. Wi usilal xintaw chiru li Qaawa', A'an tinxk'e chi sutq'iik re naq twil wi' chik li Loq'laj Kaax ut li xmuheb'aal.

1 Samuel 14:18

Toja' naq laj Saúl kixye re laj Ajías: “K'am chaq li x'efod li Qaawa'”, xb'aan naq sa'eb' li kutan a'an li x'efod li Qaawa' wank rik'ineb' laj Israel.

Josué 7:7

Chirix chik a'an kixye laj Josué: “At inQaawa', k'a' naq xak'e li tenamit a'in chi nume'k junpak'al li nima' Jordán yal re qaq'axtesinkil sa' ruq'eb' laj Amor ut re qasachb'al? Us raj naq xookanaak chaq junpak'al li nima' Jordán!

Josué 4:7

teeye reheb': «Li xha'ul li nima' Jordán kixjach rib' chiru li xLoq'laj Kaaxil li Sumwank naq kinume'k junpak'al. Eb' li pek a'in a'an reetalil chiruheb' laj Israel, re naq jultikaq reheb' chi junelik li k'aru kixb'aanu li Yos»”.

Deuteronomio 31:26

“K'amomaq li hu a'in tz'iib'anb'il wi' li Chaq'rab' ut k'ehomaq chi xk'atq li xKaaxil li xSumwank li Qaawa' leeYos. Aran taakanaaq chi xch'olob'ankil xyaalal leemaak.

Deuteronomio 29:24

“Toja' naq chixjunileb' li poyanam te'patz'oq: «K'a'ut naq jo'kan kixb'aanu li Qaawa' rik'in li ch'och' a'an? K'a'ut naq kichalk li xnimal xjosq'il li Qaawa'?», cha'qeb'.

Números 31:6

Laj Moisés kixtaqlaheb' chi yalok junq mil chi winq li ke'sik'mank ru sa' li junq teep. Laj Pinjás, li ralal laj Elehasar laj tij, koho chirixeb' ut kixk'am li k'a'aq re ru jwal loq' jo' ajwi' li tronpeet re xyeeb'al resil li yalok.

Números 10:35

Naq na'elk li Loq'laj Kaax, laj Moisés naxye: “Xaqlin, at Qaawa'! Che'xcha'chali ta rib' eb' li xik' neke'ilok aawe; che'eleliq li neke'tz'eqtaanank aawe”, chan.

Números 10:33

Jo'kan naq ke'elk sa' li xtzuul li Qaawa', ut oxib' kutan ke'b'eek. Li xLoq'laj Kaaxil li Sumwank k'amol b'e chiruheb', chiru li oxib' kutan, yo xsik'b'al b'ar naru te'hilanq.

Josué 6:6

Laj Josué, ralal laj Nun, kixb'oqeb' laj tij ut kixye reheb': “Chapomaq li xLoq'laj Kaaxil li Sumwank, ut wuqub' eere te'xk'ameb' li xxukub' karneer chi uub'ej chiru li Loq'laj Kaax”, chan.

Josué 7:8

Chakuy inmaak, at Qaawa'. K'aru truuq tinye anaqwan, xb'aan naq eb' laj Israel xe'elelik chiruheb' li xik' neke'ilok reheb'?

1 Samuel 1:24

Ut naq kixmaq' chi tu', kixk'am chirix. Kixk'am ajwi' oxib' saaj wakax, jun chakach chi k'aj ut jun kuk chi b'iin, ut kiroksi li xk'uula'al, chi toj kach'in, sa' rochoch li Qaawa' aran Siló.

1 Samuel 4:2

ut ke'xkawresi rib' chi yalok. Ki'uxk jun xnimal yalok, ut eb' laj Israel ke'q'axe'k ru xb'aaneb' laj Filistea li ke'xkamsi lajeeb' o'q'ob' (4,000) chi winq sa' li yalok.

Isaías 59:1

Ink'a' teek'oxla naq li Qaawa' maak'a' chik xwankil chekolb'al, chi moko tz'aptz'o ta li xxik cherab'inkil.

Isaías 59:2

A' leemaa'usilal laa'ex xnajtob'resink eere rik'in leeYos; ut eemaak laa'ex naq A'an naxmuq li rilob'aal ut ink'a' chik naraj eerab'inkil.