1 Samuel 31:4 - Q'eqchi Bible

⁴ Toja' naq a'in kixye re laj tenq' re: “Isi laach'iich' ut kamsin. Mare anchal te'k'ulunq li ink'a' xk'ulumeb' sirkunsisyon ut te'ok chinse'enkil ut chinkamsinkil”, chan. Ab'an laj tenq' re ink'a' kiraj xb'aan naq k'ajo' xxiw. Tikto laj Saúl kixchap li xch'iich' ut kixkut rib' sa' xb'een.

Li Santil hu

⁴ Laj Saúl quixye re li cui̱nk li nacꞌamoc re lix chꞌi̱chꞌ re pletic: —Chap chak la̱ chꞌi̱chꞌ ut tina̱camsi. Incꞌaꞌ nacuaj nak eb laj filisteo tineꞌxseꞌe nak tineꞌxcamsi. Eb li cristian aꞌan incꞌaꞌ nequeꞌxpa̱b li Dios, chan. Abanan li cui̱nk incꞌaꞌ quiraj xban nak ta̱xucuak. Joꞌcan nak laj Saúl quixchap lix chꞌi̱chꞌ ut quixcut rib saꞌ xbe̱n.

1 Samuel 31:4 ပူးပေါင်းရင်းမြစ်များ

2 Samuel 1:20

Meeye resil aran Gat, meepuktesi resil sa'atqeb' li b'e aran Askalón. Misaho'k sa' xch'ooleb' li xrab'ineb' laj Filistea, me'ok chi ninq'ehik eb' li ixq a'an maak'a'eb' xpaab'aal!

2 Samuel 1:6

Ut a'in kixsume: “Yookin chi nume'k sa' li tzuul Jelbohé ut xwil laj Saúl sutsu rix xb'aaneb' li b'eleb'aal ch'iich' ut eb' li wankeb' chirixeb' kawaay, yo chi xkuutunkil rib' rik'in li xjutz' che'.

Jueces 9:54

Tikto laj Abimélek kixb'oq laj k'anjel chiru ut kixye re: “Isi laach'iich' ut kamsihin, re naq ink'a' te'xye chiwix naq ixq xkamsink we”, chan. Laj k'anjel chiru kixnumsi chi ch'iich', ut jo'ka'in kikamk laj Abimélek.

1 Reyes 16:27

Chixjunil li xyehom ut xb'aanuhom laj Omrí, tz'iib'anb'il sa' xHuhil xyehom ut xb'aanuhomeb' li awab'ej re Israel.

2 Samuel 17:23

Naq laj Ajitófel kixk'e reetal naq laj Absalón ink'a' kixk'ulub'an li xyehom, kixyiib' rix li xb'uur ut koho sa' rochoch sa' li xtenamit. Aran kixchaq'rab'i li xjunkab'al ut kixyatz' rib'. Jo'ka'in naq kikamk, ut ke'xmuq sa' li na'ajej kimuqe'k wi' li xyuwa'.

2 Samuel 1:14

“Chanru naq ink'a' xatxiwak chi xtaqsinkil laawuq' ut xkamsinkil li sik'b'il ru xb'aan li Qaawa'?”, chan wi' chik laj Saúl.

1 Samuel 17:36

Laamoos ak xkamsihom li kaqkoj ut li tz'uqtz'un. Ut li winq a'an aj Filistea li maak'a' xpaab'aal, jo'kan ajwi' tixk'ul, xb'aan naq xhob'eb' laj puub' re li yo'yookil Yos.

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

Jueces 14:3

Ab'anan li xna' xyuwa' ke'xye re: “K'a' naq xkohat chi xsik'b'al laawixaqil sa' xyanqeb' laj Filistea li ink'a' neke'xpaab' li Yos? Ma maak'a' tab'i' ixq sa' qayanq laa'o malaj sa' xyanqeb' chixjunileb' laj Israel?”. Ab'an laj Sansón kixsume li xyuwa': “K'am chaq a'an cho'q wixaqil, xb'aan naq a'an li nawulak chiwu”, chan.

1 Crónicas 10:4

Toja' naq a'in kixye re laj tenq' re: “Isi laach'iich' ut kamsin. Mare anchal te'k'ulunq li ink'a' xk'ulumeb' sirkunsisyon ut te'ok chinse'enkil”, chan. Ab'an laj tenq' re ink'a' kiraj xb'aan naq k'ajo' xxiw. Tikto laj Saúl kixchap li xch'iich' ut kixkut rib' sa' xb'een.

1 Samuel 31:5

Naq li winq kiril naq kamenaq chik laj Saúl, a'an kixkut ajwi' rib' sa' xb'een li ch'iich' ut kikamk rochb'een laj Saúl.

2 Samuel 21:12

koho chi xxokb'al li xb'aqeleb' laj Saúl ut laj Jonatán li ralal, li wankeb' chaq rik'ineb' laj Yabés re Galahad. Eb' a'in relq'ahomeb' chaq sa' xtaq'ahil Betsán, b'arwi' ke't'uyub'aak xb'aaneb' laj Filistea sa' li kutan naq laj Saúl kiq'axe'k ru aran Jelbohé.

1 Reyes 16:18

Naq laj Simrí kiril naq ak wank li tenamit sa' ruq'eb' laj Israel, koxmuq rib' sa' ru'uj li rochoch ut kixk'e xxamlel, chi wank a'an chisa', ut chi jo'kan kikamk.

1 Samuel 26:10

Ut kixye wi' chik: “Sa' xk'ab'a' li yo'yookil Yos ninye aawe naq a' li Qaawa' taak'ehoq re chi kamk. Naq taawulaq xkutankil li xkamik malaj naq yooq li yalok, laj Saúl taakamq.

2 Samuel 1:1

Chirix li xkamik laj Saúl, laj David kisutq'iik Siklak naq ak xq'ax ruheb' laj Amalek, ut aran kikanaak chiru wiib' kutan.