1 Samuel 30:22 - Q'eqchi Bible

²² Ab'anan wankeb' ink'a' useb' xna'leb' sa' xyanqeb' li koheb' chirix laj David; ke'ok chi choqink ut ke'xye: “Eb' a'an ink'a' xkoheb' chiqix. Jo'kan naq ink'a' taak'eemanq reheb' li k'aru xqeechani chaq. Ka'ajwi' li rixaqileb' ut li xkok'aleb' te'xk'ul kach'inaq reheb'. Xk'amaqeb' ut xikaqeb'”, chankeb'.

Li Santil hu

²² Abanan cuanqueb saꞌ xya̱nkeb li queꞌco̱eb chirix laj David incꞌaꞌ us xnaꞌlebeb. Queꞌxye re laj David: —Eb aꞌan incꞌaꞌ xeꞌco̱eb chikix. Incꞌaꞌ naru teꞌxcꞌul li cꞌaꞌru xke̱chani chak. Caꞌaj cui li rixakileb ut lix cocꞌaleb teꞌqꞌuehekꞌ reheb, chanqueb.

1 Samuel 30:22 ပူးပေါင်းရင်းမြစ်များ

San Mateo 7:12

“Jo'ch'inal jo'nimal li teeraj raj naq te'xb'aanu eere leeras eeriitz'in, cheb'aanuhaq ajwi' laa'ex reheb' a'an, xb'aan naq a'an a'in xyaalal li Chaq'rab' ut eb' li Propeet.

Deuteronomio 13:13

wankeb' winq li ink'a' useb' xch'ool, yo'lajenaqeb' sa' eeyanq li xe'xb'alaq'i li rech tenamitul rik'in xyeeb'al: «Qaloq'oniiq ruheb' li jalanil yos», li ink'a' eenawom ru laa'ex,

1 Reyes 21:13

Toja' naq li wiib'eb' li ink'a' useb' xna'leb' ke'xchunub' rib' chiru laj Nabot re xjitb'al ut ke'xye chi jo'ka'in: “Laj Nabot xmajewa li Qaawa' ut li awab'ej”, chankeb'. Tikto ke'risi laj Nabot chirix li tenamit ut ke'xteni chi pek toj reetal kikamk.

1 Reyes 21:10

Sik'omaq wiib'aqeb' li winq ink'a' useb' xna'leb' li te'jitoq re ut te'xye chi jo'ka'in: «Xamajewa li Qaawa' ut li awab'ej». Toja' naq teerisi laj Nabot chirix li tenamit ut teeteni chi pek toj reetal taakamq”.

1 Samuel 25:25

Nintz'aama chawu naq ink'a' taak'e sa' aach'ool li xyehom laj Nabal: a'an jun li winq ink'a' us xna'leb'. Aj Nabal ke'xk'e cho'q xk'ab'a', ut relik chi yaal naq a'an mem. Chakuy inmaak, laa'in aj k'anjel chawu, ink'a' xwileb' ru li winq li xataqlaheb' qik'in.

1 Samuel 25:17

K'e reetal ut k'oxla rix chi us k'aru taab'aanu, xb'aan naq ch'olch'o naq rahilal taachalq sa' xb'een laj eechal qe jo'wi' sa' xb'een chixjunil li xjunkab'al. Laab'eelom a'an jun li winq jwal jip, maak'a' naru taaye re”.

1 Samuel 22:2

Chixjunileb' li rahob'tesinb'ileb', li wankeb' xk'as ut jo'k'ihaleb' wankeb' sa' rahilal ke'xjunaji rib' rik'in laj David, ut a'in kikanaak cho'q aj k'amol xb'eheb'. Jun o'q'ob' (400) tana chi winq li wankeb' rochb'een.

Jueces 19:22

Naq yook xsahilal sa' xch'ooleb', wankeb' winq ink'a' useb' xna'leb', ke'xsut li ochoch, ke'xtenteni re li okeb'aal ut ke'xye re li cheekel winq, laj eechal ochoch: “Isi chaq li winq li x'ok sa' laawochoch. Tqaj toowarq rik'in!”, chankeb'.

1 Samuel 30:21

Naq ke'sutq'iik wankeb' wi' li lajeek'aal (200) li ink'a' ke'xkuy xtaaqenkil laj David xb'aan xlub'ikeb' ut ke'kanaak chire li nima' Besor, eb' a'in ke'elk chi xk'ulb'al laj David ut eb' li wankeb' rochb'een. Laj David kijilok chi xk'atqeb' ut kixk'e xsahilaleb' xch'ool.

1 Samuel 30:23

Ab'an laj David kixye reheb': “Ex was wiitz'in, meeb'aanu chi jo'kan. Naab'al li k'a'aq re ru xk'ehom qe li Qaawa'; xooxkol ut xq'axtesi sa' quq' eb' laj elq' a'an li xe'chalk sa' qab'een.