1 Samuel 3:18 - Q'eqchi Bible

¹⁸ Toja' naq laj Samuel kixseeraq'i re chixjunil chi maak'a' kixmuq, ut laj Elí kixye: “A'an li Qaawa'. Chixb'aanuuq li k'aru us chiru”.

Li Santil hu

¹⁸ Joꞌcan nak laj Samuel quixye re chixjunil li quixye li Ka̱cuaꞌ. Ma̱cꞌaꞌ quixmuk chiru. Ut laj Elí quixye: —Li Ka̱cuaꞌ, aꞌan li nimajcual Dios. Chixba̱nu taxak li cꞌaꞌru naxcꞌoxla nak us xba̱nunquil, chan.

1 Samuel 3:18 ပူးပေါင်းရင်းမြစ်များ

Isaías 39:8

Toja' naq laj Esekías kixye re laj Isaías: “Q'axal chaab'il li raatin li Qaawa' xaye we”. Kixye chi jo'kan xb'aan naq kixk'oxla sa' xch'ool: “A' yaal naq taawanq li tuqtuukilal ut li sahilal chiru linyu'am”, chan sa' xch'ool.

Li xHu LAJ JOB 2:10

Ab'an laj Job kixsume: —At ixq, nakat-aatinak jo' junaq jip. Wi naqak'ul li us taqlanb'il chaq xb'aan li Yos, k'a' naq ink'a' ajwi' tqak'ul li ra? chan laj Job. Rik'in chixjunil li rahilal kixk'ul, ink'a' kimaakob'k laj Job ut maak'a' ink'a' us kixye chirix li Yos.

1 Pedro 5:6

Chekub'si b'i' eerib' rub'el li xloq'laj wankilal li ruq' li Yos, re naq tixtaqsi eewankil naq taawulaq xq'ehil.

Jueces 10:15

Toja' naq eb' laj Israel ke'xsume li Qaawa': “At Qaawa', xoomaakob'k, b'aanu qe li k'aru taawaj. Ab'anan chakuy qamaak, choohaakol anaqwan!”, chankeb'.

Lamentaciones 3:39

Ut wi laa'o tz'aqal aj maak, k'a'ut naq naraho'k qach'ool xb'aan li rahilal naqak'ul?

Salmos 39:9

Chakuy chasach chixjunil linmaak, minaak'e chi se'eek xb'aaneb' li maak'a'eb' xna'leb'.

Li xHu LAJ JOB 1:21

ut kixye: “Chi t'ust'u xin'elk chaq rik'in linna' ut kama'an ajwi' naq tinsutq'iiq aran. Li Qaawa' xk'ehok ut li Qaawa' xmaq'ok chiwu. Usilaatinanb'il taxaq xk'ab'a' li Qaawa'!”.

Génesis 18:25

Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

Éxodo 34:5

Toja' naq li Qaawa' kama' li choql naq kikub'e chaq ut kolkanaaq aran, chi xk'atq laj Moisés, ut a'in kixyaab'a xk'ab'a' li Qaawa'.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

2 Samuel 10:12

Kawaq aach'ool ut qayalaq qaq'e sa' xk'ab'a' li qatenamit ut sa' xk'ab'a'eb' li xtenamit li qaYos. Ut li Qaawa' taxaq tixb'aanu li k'aru us chiru”.

2 Samuel 15:26

Ab'an wi ink'a' sa sa' xch'ool wik'in, chixb'aanuuq we jo' naraj A'an”, chan.

2 Reyes 20:19

Toja' naq laj Esekías kixye re laj Isaías: “Q'axal chaab'il li raatin li Qaawa' xaye we”. Kixye chi jo'kan xb'aan naq kixk'oxla sa' xch'ool: “A' yaal naq taawanq li tuqtuukilal ut li sahilal chiru linyu'am”, chan sa' xch'ool.

Jeremías 34:6

Laj Jeremías, li propeet, kixye chixjunil a'in re laj Sedesías, awab'ej re Judá, aran Jerusalén,

Jeremías 38:14

Chirix chik a'an laj Sedesías, li awab'ej, kixtaqla xb'oqb'al laj Jeremías, li propeet, re taa'aatinaq rik'in sa' li rox okeb'aal re li rochoch li Qaawa'; ut aran kixye re: “Wank k'aru tinpatz' aawe, ut nintz'aama chawu naq mik'a' aamuq chiwu”, chan re.

Jeremías 42:4

Kichaq'ok laj Jeremías ut kixye reheb': “Us, maak'a' reek'. Anaqwan ajwi' tintijoq cherix chiru li Qaawa' leeYos, jo' chanru xetz'aama chiwu, ut tink'e chenaw chixjunil li k'aru tinxsume wi', chi maajun aatin tinmuq cheru”.

1 Crónicas 19:13

Kawaq aach'ool ut qayalaq qaq'e sa' xk'ab'a' li qatenamit ut sa' xk'ab'a'eb' li xtenamit li qaYos. Ut li Qaawa' taxaq tixb'aanu li k'aru us chiru”.