1 Samuel 3:12 - Q'eqchi Bible

¹² Sa' li kutan a'an tinb'aanu re laj Elí chixjunil linyehom sa' xb'een li xjunkab'al, chalen chaq sa' xtiklajik toj sa' xraqik.

Li Santil hu

¹² Saꞌ li cutan aꞌan la̱in tinba̱nu riqꞌuineb li ralal xcꞌajol laj Elí chixjunil li xinye re.

1 Samuel 3:12 ပူးပေါင်းရင်းမြစ်များ

San Lucas 21:33

Li choxa ut li ruuchich'och' te'oso'q, a'ut li waatin ink'a' taanume'q.

Zacarías 1:6

Li waatin ut eb' linchaq'rab' li kinye chi xtz'uumal reheb' li propeet laj k'anjeleb' chiwu, ma ink'a' tab'i' ke'rab'i leemama' leerixa'an? Ut eb' a'an ke'xyot' xch'ool ut ke'xjal xk'a'uxl ut ke'xye: Li Nimajwal Yos xb'aanu qe jo' x'alaak sa' xch'ool, jo' chanru li qayehom ut qab'aanuhom»”.

Josué 23:15

Ab'anan kama' xtz'aqlok ru chixjunil li k'aru chaab'il li kixyeechi'i eere li Qaawa' leeYos, jo'kan ajwi' naq li Qaawa' tixtaqla chaq sa' eeb'een li rahilal, toj reetal maajun eere tkanaaq sa' xb'een li xchaq'alil ru ch'och' a'in li xk'ehom eere li Qaawa' leeYos.

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

Ezequiel 21:5

Ut chixjunil li ruuchich'och' tixnaw naq laa'in, li Qaawa', xwisi chaq linq'esnal ch'iich' ut ink'a' chik tink'e sa' xna'aj».

Jueces 4:24

Ut chalen sa' li kutan a'an yookeb' chi numtaak eb' laj Israel sa' xb'een laj Jabín, awab'ej re Kanahán, toj reetal ke'xsach ru.

1 Samuel 4:11

Kichapmank ajwi' li xLoq'laj Kaax li Yos, ut ke'kamk laj Jofní ut laj Pinjás, li wiib' chi ralal laj Elí.

1 Samuel 4:17

“Eb' laj Israel ke'elelik chiruheb' laj Filistea. Xiikileb' li xe'kamsiik! Xe'kamsiik ajwi' xkab'ichaleb' laawalal, ut a'atq li xLoq'laj Kaax li Yos xchapmank!”, chan li winq.

1 Samuel 4:21

Aj Ikabod kixk'e cho'q xk'ab'a' li k'uula'al, xb'aan naq kixye: “Li xloq'al li Yos ki'isiik sa' xyanqeb' laj Israel, xb'aan naq kichapmank li Loq'laj Kaax”. Kixye chi jo'kan xb'aan naq kichapmank li xLoq'laj Kaax li Yos ut kamenaqeb' chik li xb'eelom ut laj Elí.