1 Samuel 29:11 - Q'eqchi Bible

¹¹ Wulajaq chik naq toj eq'la, laj David ut eb' li winq wankeb' rochb'een ke'wakliik re sutq'iik sa' xteepaleb' laj Filistea. Ut eb' laj Filistea koheb' Jisrehel.

Li Santil hu

¹¹ Cuulajak chic nak toj ekꞌela, laj David ut eb li cuanqueb rochben, queꞌcuacli ut queꞌsukꞌi cuiꞌchic saꞌ xtenamiteb laj filisteo. Ut eb laj filisteo queꞌco̱eb Jezreel.

1 Samuel 29:11 ပူးပေါင်းရင်းမြစ်များ

2 Samuel 4:4

Laj Jonatán, ralal laj Saúl, kiwank jun ralal sik roq, aj Mefibahal xk'ab'a'. Oob' chihab' wank re naq ki'elk chaq Jisrehel resil li xkamik laj Saúl ut laj Jonatán. Toja' naq li ixq aj ilol re kixchap ut ki'elelik, ab'anan naq yo chi aanilak, kit'ane'k li ch'ina'al ut sik kikanaak.

1 Samuel 29:1

Eb' laj Filistea ke'xch'utub' chixjunileb' laj puub' aran Afek, ut eb' laj Israel ke'xk'ojob' li xmuheb'aaleb' chi xk'atq li yo'leb'aal ha' li wank Jisrehel.

Josué 19:18

Li xch'och'eb' nawulak toj Jisrehel ut nokoxtaw Kesulot ut Sunén;

Josué 15:56

Jisrehel, Yokdehán, Sanóhaj,

1 Samuel 29:10

Jo'kan utan wulaj eq'la waklin aawochb'eeneb' laj k'anjel chiru laj Saúl li wankeb' aawik'in, ut ayuqex sa' li na'ajej ink'ehom eere. Waklinqex eq'la ut xikaqex naq taakutano'q”.

1 Samuel 30:1

Sa' rox li kutan laj David ut eb' li wankeb' rochb'een ke'wulak Siklak ut ke'xk'e reetal naq eb' laj Amalek koxe'sachoq chaq Nejeb jo'wi' Siklak, ke'elq'ak aran ut k'atb'il chik li tenamit Siklak.

1 Samuel 25:43

Ak sumsu laj David rik'in lix Ajinohán aj Jisrehel, ut xkab'ichaleb' ke'wank cho'q rixaqil.