1 Samuel 28:21 - Q'eqchi Bible

²¹ Naq li ixq kiril naq sachso xch'ool laj Saúl, kijilok chi xk'atq ut kixye re: “At awab'ej, chakuy inmaak. Xwab'i xyaab' aakux ut kach'in chik maa xsachk li xyu'am xb'aan xpaab'ankil laawaatin.

Li Santil hu

²¹ Li ixk quinachꞌoc riqꞌuin ut quiril nak ma̱cꞌaꞌ chic xmetzꞌe̱u xban xxiu. Quixye re: —At rey, la̱in xinba̱nu li cꞌaꞌru xaye cue, usta naru tincamsi̱k xban.

1 Samuel 28:21 ပူးပေါင်းရင်းမြစ်များ

Jueces 12:3

Naq xwil naq maajun eere xchalk chintenq'ankil, laa'in ink'a' xinra linyu'am: xkohin sa' xb'eeneb' laj Amón, ut li Qaawa' xq'axtesiheb' sa' wuq'. K'a' put naq xexchalk anaqwan chi yalok wik'in?”, chan.

Li xHu LAJ JOB 13:14

Ink'a' ninxiwak, yo'oon b'an wankin chi xk'ulb'al chixjunil.

1 Samuel 19:5

Ink'a' xra li xyu'am ut xkamsi laj Filistea. Chi jo'kan li Qaawa' xk'e chixjunileb' laj Israel chi q'axok u. Laa'at aawilom ut xsaho'k sa' laach'ool. K'a'ut naq taawaj maakob'k chiru li maak'a' xmaak? K'a'ut naq taawaj xkamsinkil laj David chi maak'a' xyaalal?”.

1 Samuel 28:20

T'anaamil laj Saúl chiru ch'och', ut jwal nim roq. Sachso xch'ool xb'aan li raatin laj Samuel, jo'wi' anchal lub'lu aj chik xb'aan naq toj maak'a' naxtzeka chalen chiru jun kutan ut li q'oqyink.

1 Samuel 28:22

Nintz'aama b'i' chawu naq laa'at ajwi' taawab'i xyaab' inkux: tink'e kach'inaq aatzekemq re naq tk'ulunq aach'ool ut taachap wi' chik aab'e”.

2 Reyes 6:11

K'ajo' naq ki'ok xk'a'uxl li awab'ej re Aram chirix li yo chi k'ulmank. Jo'kan naq kixch'utub' chixjunileb' li xjolomileb' laj puub' ut kixye reheb': “Ma ink'a' teeye we chanru naq nanawmank li esil a'in? Ani eere wank sa' aatin rik'in li awab'ej re Israel?”.