1 Samuel 27:8 - Q'eqchi Bible

⁸ ut rochb'eeneb' laj puub' naxikje'k chi yalok rik'ineb' laj Jesur, eb' laj Késer ut rik'ineb' laj Amalek (a'ineb' li wankeb' sa' li na'ajej a'an, chalen chaq Telán toj Sur ut sa' xnub'ajlil Ejiipt).

Li Santil hu

⁸ Saꞌ eb li cutan aꞌan laj David ut eb li soldado li cuanqueb rochben, rajlal nequeꞌxic chi pletic riqꞌuineb laj Gesur, eb laj Gezer ut eb laj Amalec re teꞌxcꞌam li cꞌaꞌru reheb. Eb li naꞌajej li queꞌcuan cuiꞌ li cristian aꞌan naticla chak Telaim li nacana saꞌ xjayal li naꞌajej Shur ut nacuulac toj Egipto.

1 Samuel 27:8 ပူးပေါင်းရင်းမြစ်များ

Josué 13:2

A'an a'in li ch'och' li toj maji' na'eechanimank: chixjunil li xna'ajeb' laj Filistea ut eb' laj Jesur,

Josué 13:13

Ab'anan eb' laj Israel ink'a' ke'risiheb' laj Jesur chi moko eb' laj Mahaká; jo'kan naq eb' laj Jesur ut laj Mahaká toj wankeb' anaqwan sa' xyanqeb' laj Israel.

Jueces 1:29

Eb' laj Efraín ajwi' ink'a' ke'risiheb' laj Kanahán li wankeb' Késer. Jo'kan naq eb' laj Kanahán toj ke'kanaak Késer, sa' xyanqeb' laj Israel.

Josué 16:10

Ab'an eb' laj Efraín ink'a' ke'risiheb' laj Kanahán li wankeb' Késer, ke'xkanab'eb' b'an aran. Chi jo'kan toj wankeb' sa' xyanqeb' laj Efraín toj anaqwan, ab'anan k'eeb'ileb' sa' kawil k'anjel.

1 Crónicas 2:23

Ab'anan eb' laj Jesur ut eb' laj Aram ke'reechaniheb' li tenamit Yaír, jo'wi' Kenat rochb'eeneb' li xk'aleb'aaleb', oxk'aal chi tenamit chixjunil. Chixjunileb' a'in, a'aneb' chaq li ralal xk'ajol laj Makir, xyuwa' laj Galahad.

2 Samuel 15:8

Naq toj wankin chaq Jesur re Aram, kinyeechi'i re li Qaawa': «Wi li Qaawa' tixk'e we sutq'iik Jerusalén, tinloq'oni ru li Qaawa' aran Hebrón»”.

2 Samuel 14:32

Laj Absalón kixsume laj Johab: “Xintaqla aab'oqb'al re xyeeb'al aawe: B'aanu usilal, kim; twaj aataqlankil rik'in li awab'ej re naq taaye naq maak'a' aj e naq xinsutq'iik chaq Jesur. Q'axal us raj cho'q we wi ta xinkanaak aran Jesur. Anaqwan twaj rilb'al ru li awab'ej, ut wi wank junaq inmaak, chixteneb'aaq kamk sa' inb'een”.

2 Samuel 14:23

Toja' naq laj Johab kixaqliik, koho Jesur ut kixk'am chaq laj Absalón sa' li tenamit Jerusalén.

1 Samuel 30:1

Sa' rox li kutan laj David ut eb' li wankeb' rochb'een ke'wulak Siklak ut ke'xk'e reetal naq eb' laj Amalek koxe'sachoq chaq Nejeb jo'wi' Siklak, ke'elq'ak aran ut k'atb'il chik li tenamit Siklak.

Éxodo 17:8

Ke'chalk eb' laj Amalek chi yalok rik'ineb' laj Israel aran Refidín.

Éxodo 15:22

Chirix chik a'an laj Moisés kixtaqlaheb' laj Israel chi elk chire li Kaqi Palaw re naq te'xik sa' li chaqich'och', Sur xk'ab'a'. Chiru oxib' kutan ke'b'eek sa' li chaqich'och', ab'an ink'a' ke'xtaw li ha'.

Josué 12:5

ut ki'awab'ejink sa' xb'een li tzuul Hermón ut Salká, jo' ajwi' sa' xb'een chixjunil Basán, toj sa' xnub'ajleb' laj Jesur ut laj Mahaká, jo'wi' sa' xb'een li xyiijachil Galahad toj sa' xnub'ajl laj Sijón, awab'ej re Jesbón.

1 Samuel 29:6

Toja' naq laj Akis kixb'oq laj David ut kixye re: “Sa' xk'ab'a' li yo'yookil Yos ninye aawe naq tiik aach'ool ut xwaj naq xkohat raj chiwix chi yalok, xb'aan naq maak'a' k'aru ink'a' us xintaw aawik'in chalen aawokik wik'in toj anaqwan. Ab'anan moko sa ta ilb'ilat xb'aaneb' li xjolomileb' laj Filistea.

2 Samuel 3:3

li xkab', a'an laj Kilab', xyum lix Abigahil li kiwank cho'q rixaqil laj Nabal aj Karmeel; li rox, a'an laj Absalón, xyum lix Mahaká, xrab'in laj Talmay, awab'ej re Jesur;

2 Samuel 3:22

Moqon chik laj Johab, rochb'eeneb' laj k'anjel chiru laj David, ke'sutq'iik chi yalok ut ke'xk'am chaq naab'al li reechanihomeb'. Maa'ani chik laj Abner rik'in laj David aran Hebrón, xb'aan naq ak xchaq'rab'iik xb'aan li awab'ej sa' tuqtuukil usilal.

2 Samuel 8:12

rik'ineb' laj Aram, eb' laj Mohab, eb' laj Amón, rik'ineb' laj Filistea, eb' laj Amalek jo'wi' rik'in laj Hadadéser, ralal laj Rejob, awab'ej re Sobá.

Números 13:29

Eb' laj Amalek wankeb' aran Nejeb; eb' laj Hit, laj Amor ut eb' laj Jebús wankeb' sa' li k'iche'b'aal; eb' laj Kanahán wankeb' chire li palaw ut chi junqre li nima' Jordán”, chankeb'.

Números 14:45

Toja' naq ke'kub'e chaq eb' laj Amalek ut eb' laj Kanahán li wankeb' chaq chi tzuul, ke'xsach ruheb' laj Israel ut ke'raanilasiheb' toj Jormá.