1 Samuel 27:12 - Q'eqchi Bible

¹² K'ojk'o xch'ool laj Akis rik'in laj David; naxk'oxla: “Ch'olch'o naq laj David xik' chik na'ile'k xb'aaneb' laj Israel li rech tenamitul, ut a'anaq aj k'anjel chiwu chi junelik”, chan sa' xch'ool.

Li Santil hu

¹² Laj Aquis cꞌojcꞌo xchꞌo̱l riqꞌuin laj David. Quixye saꞌ xchꞌo̱l: —Laj David ta̱cꞌanjelak chicuu joꞌ najtil yoꞌyo̱k xban nak kꞌaxal xicꞌ chic ta̱ilekꞌ xbaneb laj Israel, li rech tenamitil, riqꞌuin li cꞌaꞌru yo̱ chixba̱nunquil, chan.

1 Samuel 27:12 ပူးပေါင်းရင်းမြစ်များ

1 Samuel 13:4

Laj Saúl kixkamsi jun ch'uuteb' aj Filistea, ut eb' laj Israel xik' te'ile'q xb'aaneb' laj Filistea”, chan. Jo'kan naq eb' laj puub' ke'xch'utub' rib'eb' rik'in laj Saúl aran Kilkal;

Génesis 34:30

Toja' naq laj Jakob kixye reheb' laj Simehón ut laj Leví: “Laa'ex xineek'e sa' jun nimla rahilal ut xik' ilb'ilaqin xb'aaneb' li poyanam a'in, xb'aaneb' laj Kanahán ut eb' laj Perés. Ink'a' k'iheb' li neke'ochb'eenink we, ut wi eb' a'an te'xch'utub' rib' re yalok wik'in, tinsache'q laa'in jo'wi' chixjunil linjunkab'al”.

Éxodo 5:21

ut ke'xye reheb': “Li Qaawa' taxaq chik'ehoq reetal li k'aru xeb'aanu ut chiraqoq aatin sa' eeb'een. Eemaak laa'ex naq laj Parahón ut eb' laj k'anjel chiru yookeb' xjosq'il sa' qab'een. Tz'aqal laa'ex xexk'ehok jun ch'iich' sa' ruq'eb' re naq toohe'xkamsi”.

1 Samuel 27:11

Maajun winq ut maajun ixq naxkanab'eb' chi yo'yo re naq ink'a' te'xik Gat chi jitok ut xyeeb'al resil li k'aru xb'aanu. Jo'ka'in kixb'aanu laj David jo' najtil kiwank sa' xteepal Filistea.

1 Samuel 28:1

Sa'eb' li kutan a'an eb' laj Filistea ke'xch'utub' eb' laj puub' re yalok rik'ineb' laj Israel, ut laj Akis kixye re laj David: “Ch'olch'o naq laa'at ut eb' li winq wankeb' aawochb'een tento texxik chiwix chi yalok”.

2 Samuel 10:6

Naq eb' laj Amón ke'xk'e reetal naq xik' chik te'ile'q xb'aan laj David, ke'xtoj junmay mil (20,000) aj puub' aj Aram re Bet-Rejob ut re Sobá; jo'wi' lajeek'aal rox o'q'ob' (1,000) aj puub' re li awab'ej re Mahaká ut kab'laju mil (12,000) re li awab'ej re Tob.