1 Samuel 27:10 - Q'eqchi Bible

¹⁰ Ut laj Akis naxpatz' reheb': “B'ar xexwulak chi sachok sa' li kutan a'in?”, chan; ut laj David naxsume: “Xoowulak Nejeb re Judá”, malaj: “Xoowulak Nejeb re Jerajmehel”, malaj: “Xoowulak Nejeb reheb' laj Ken”, chan.

Li Santil hu

¹⁰ Ut laj Aquis naxye reheb: —¿Bar xexcuulac chi pletic anakcuan?— Ut laj David naxye re: —Xocuulac Judá saꞌ li sur.— Malaj ut naxye: —Xocuulac Jerameel saꞌ li sur.— Malaj ut naxye: —Xocuulac saꞌ li sur cuanqueb cuiꞌ eb laj Ceneo, chan.

1 Samuel 27:10 ပူးပေါင်းရင်းမြစ်များ

Jueces 1:16

Eb' li ralal xk'ajol laj Jobab laj Ken, aj hi' re laj Moisés, ke'elk chaq sa' li xTenamitul li kala' ut, rochb'eeneb' laj Judá, koheb' sa' li chaqich'och' re Judá, li wank aran Nejeb re Arad, ut koxe'kanaaq sa' xyanqeb' li wankeb' aran.

1 Crónicas 2:25

Eb' li ralal xk'ajol laj Jerajmehel, xb'een ralal laj Jesrón, a'aneb' a'in: laj Ram, li asb'ej, laj Buná, laj Oren, laj Osem ut laj Ajías.

1 Crónicas 2:9

Eb' li ralal xk'ajol laj Jesrón a'aneb' a'in: laj Jerajmehel, laj Ram ut laj Kelubay.

1 Samuel 30:29

li wankeb' Rakal, li wankeb' sa'eb' li xtenamiteb' laj Jerajmehel, li wankeb' sa'eb' li xtenamiteb' laj Ken,

Jueces 4:11

Nach' rik'in Kadés, chi xk'atq li xji laj Sahananín, wank li xmuheb'aal laj Jéber aj Ken, laj hi' re laj Moisés. A'an ak xjek'om rib' rik'in li xteepal laj Kaín ut li xch'uutal eb' laj Jobab.

Efesios 4:25

Jo'kan utan, tz'eqtaanahomaq li tik'ti', cheye li yaal chejunjunqal reheb' leeras eeriitz'in, xb'aan naq qacha'al qib' chiqib'il qib'.

Proverbios 29:25

Li naxiwak chiruheb' li winq, a'an naxsach rib'; ab'an li k'ojk'o xch'ool rik'in li Qaawa', maak'a' rahilal tixk'ul.

Salmos 119:163

Xik' nawil ut nintz'eqtaana li tik'ti'ik; ab'an numtajenaq ninra laawajom.

Salmos 119:29

Chinaanajtob'resi taxaq rik'in li b'e ink'a' us; xb'aan xnimal aawuxtaan chak'e we laachaq'rab'.

2 Samuel 17:20

Naq eb' laj Absalón ke'wulak sa' rochoch li ixq, ke'xpatz' re: “B'ar wankeb' laj Ajimás ut laj Jonatán?”. Kichaq'ok li ixq: “Toja' xkoheb' sa' xjayal li nima'”, chan. Toja' naq eb' li xtaql laj Absalón koheb' aran chi xsik'b'aleb', ab'an maak'a' ke'xtaw; jo'kan naq ke'sutq'iik wi' chik Jerusalén.

1 Samuel 23:27

kiwulak jun aj esil chi xyeeb'al re laj Saúl: “Seeb'a aawib', kim chi junpaat, xb'aan naq eb' laj Filistea xe'ok sa' li qatenamit!”, chan.

1 Samuel 21:2

Laj David kixsume laj Ajimélek laj tij: “Li awab'ej xk'e chaq jun intaqlankil ut xye ajwi' naq maa'ani chinawoq re li k'aru chaq'rab'inb'ilin ut taqlanb'ilin wi'. Ut eb' laj k'anjel chiwu xinb'oqeb' sa' jun li na'ajej.

1 Samuel 15:6

ut kixye reheb' laj Ken: “Elenqex, jek'omaq eerib' rik'ineb' laj Amalek, re naq ink'a' texinsach rochb'eeneb' a'an, xb'aan naq usilal xeb'aanu reheb' chixjunil laj Israel naq yookeb' chaq chi taqe'k Ejiipt”, chan. Ut eb' laj Ken ke'elk sa' xyanqeb' laj Amalek.

Jueces 5:24

“Usilaatinanb'il taxaq sa' xyanqeb' li ixq lix Jahel, rixaqil laj Jéber aj Ken. Usilaatinanb'il taxaq sa' xb'eeneb' li ixq li neke'wank sa'eb' li muheb'aal!

Números 24:21

Kirileb' laj Ken ut ki'aatinak wi' chik jo' propeet; kixye chi jo'ka'in: “Kaw k'ojk'o laamuheb'aal, a Kaín; xatkab'lak sa' li saqoonak.

Génesis 27:24

naq kixye: “Ma relik chi yaal naq laa'at laj Esaú li walal?”. Ut a'an kichaq'ok: “Laa'inin”, chan.

1 Samuel 27:11

Maajun winq ut maajun ixq naxkanab'eb' chi yo'yo re naq ink'a' te'xik Gat chi jitok ut xyeeb'al resil li k'aru xb'aanu. Jo'ka'in kixb'aanu laj David jo' najtil kiwank sa' xteepal Filistea.

1 Samuel 29:8

Kichaq'ok laj David: “K'aru xinb'aanu? K'aru inmaak chawu chalen sa' li wokik aawik'in toj anaqwan, naq ink'a' truuq tinxik chawix chi yalok rik'ineb' li xik' neke'ilok re li awab'ej, laj eechal we?”, chan.