1 Samuel 26:8 - Q'eqchi Bible

⁸ Toja' naq laj Abisay kixye re laj David: “Anaqwan li Yos xq'axtesi sa' laawuq' li xik' na'ilok aawe. Kanab'in anaqwan chi xt'ojb'al chiru ch'och' rik'in jutz' che'. Tz'aqal xkutb'al linjutz' che' junsutaq ajwi'”, chan.

Li Santil hu

⁸ Laj Abisai quixye re laj David: —Anakcuan li Dios xkꞌaxtesi saꞌ a̱cuukꞌ li xicꞌ na-iloc a̱cue. Anakcuan china̱canab chixcamsinquil riqꞌuin lix la̱ns. Jun sut ajcuiꞌ tincut li la̱ns ut tinxekꞌ saꞌ chꞌochꞌ, chan.

1 Samuel 26:8 ပူးပေါင်းရင်းမြစ်များ

1 Samuel 24:4

Toja' naq eb' li rochb'een ke'xye re laj David: “K'e reetal, a'an a'in li kutan kixye resil aawe li Qaawa': «Tink'e sa' aawuq' li xik' na'ilok aawe; b'aanu re li k'aru taawaj»”. Kixaqliik laj David ut timil timil kixset kach'in li raq' laj Saúl.

1 Samuel 26:23

Li Qaawa' taaq'ajkamunq re li junjunq jo' chanru li xtiikilal ut xchaab'ilal li xch'ool. Anaqwan li Qaawa' xatxq'axtesi sa' wuq', ab'an laa'in ink'a' xwaj aakamsinkil, xb'aan naq laa'at sik'b'il aawu xb'aan li Qaawa'.

1 Samuel 23:14

Laj David kikanaak chi wank chi muqmu sa' li chaqich'och', sa'eb' li tzuul re li chaqich'och' re Sif. Ut us ta laj Saúl ink'a' naxkanab' xsik'b'al, li Yos ink'a' kixq'axtesi sa' ruq'.

Jueces 1:4

Jo'kan naq eb' laj Judá koheb' chi yalok, ut li Qaawa' kixq'axtesi sa' ruq'eb' li xna'ajeb' laj Kanahán ut laj Perés. Sa' li tenamit Bések ke'xq'ax ruheb' oob' xka'k'aal o'q'ob' (10,000) chi winq.

Josué 21:44

Li Qaawa' kixk'e tuqtuukilal sa' chixjunil li xsutameb', jo' chanru yeeb'il sa' jurament reheb' li xna' xyuwa'eb', ut maajun reheb' li xik' neke'ilok reheb' kiruhank chi kuyuk sa' ruq'eb': chixjunileb' laj rahob'tesinel ke'q'axtesiik sa' ruq'eb' laj Israel.

Deuteronomio 32:30

Chanru naq jun chi winq xraanilasiheb' lajeek'aal rox o'q'ob' (1,000) chi winq, ut wiib' chi winq xe'raanilasiheb' k'iila o'q'ob'? Ma ink'a' tab'i' xb'aan naq li Qaawa', laj Ilol reheb', kixkanab'eb' xjuneseb' ut kixq'axtesiheb' sa' ruq' li xik' na'ilok reheb'?

Romanos 11:32

Xb'aan naq li Yos kixteneb' q'etb'a aatin sa' xb'eeneb' chixjunil, re naq taaruxtaana ru chixjunileb'.

Nahum 1:9

K'aru yookex chi xk'uub'ankil chirix li Qaawa'? A'an tixsach eeru chi junajwa! Maajun naru taawakliiq chiru xka'sutil,

Salmos 31:8

Chisaho'q linch'ool, chisaho'q li waanm sa' xk'ab'a' xnimal laarahom. Laa'at xawil naq q'axal xtoq'ob'aal wu ut xanaw chixjunil li xrahil li waanm;

1 Samuel 26:7

Sa' ajwi' li q'oqyink a'an koheb' laj David ut laj Abisay wankeb' wi' laj puub'. Laj Saúl yo chi wark sa' xyi li na'ajej, laplo li xjutz' che' sa' ch'och', chi xjolom. Laj Abner ut eb' laj puub' yokyookeb' chi xsutam a'an.

1 Samuel 26:9

Ab'an laj David kixye re laj Abisay: “Maakamsi. Maajun li tixtaqsi li ruq' sa' xb'een li awab'ej sik'b'il ru xb'aan li Qaawa' taakanaaq chi ink'a' ta tixtoj rix li xmaak”.

2 Samuel 16:9

Toja' naq laj Abisay, li xyum lix Sarbia, kixye re li awab'ej: “At awab'ej, k'a' naq li kamenaq tz'i' a'in yo chamajewankil? Anaqwan ajwi' xik we chi xyok'b'al li xjolom”.

Jeremías 40:15

Toja' naq laj Jwan, ralal laj Kareha, kixye re laj Kedalías sa' hasb' aran Mispá: “Laa'in tinxik anaqwan ut toxinkamsi chaq laj Ismael, ralal laj Natanías, ut maajun taanawoq ani xkamsink re. K'a'ut naq tqakanab' laj Ismael re naq tatxkamsi laa'at? Wi tatkamsiiq, te'xcha'cha'i wi' chik rib'eb' laj Judiiy li xule'xch'utub' rib' aawik'in, ut te'oso'q li rela'eb' laj Judá”.

1 Samuel 24:5

Ab'an moqon chik kiraho'k xch'ool naq kixset kach'in li raq' laj Saúl: