1 Samuel 26:19 - Q'eqchi Bible

¹⁹ At awab'ej, chakuy inmaak, chawab'i li raatin laamoos anaqwan. Wi a' li Qaawa' yo chi taqlank aawe chi xxikb'al wilb'al, chiq'unob'resiiq xch'ool rik'in mayej. Ab'an wi yal winq xe'yehok naq taab'aanu rahilal we, majewanb'ilaqeb' taxaq xb'aan li Qaawa', xb'aan naq xine'risi anaqwan sa' li ch'och' a'in reechanihom li Qaawa', re naq tinloq'oni eb' li jalanil yos.

Li Santil hu

¹⁹ At rey, chacuabi taxak li cꞌaꞌru tinye, la̱in aj cꞌanjel cha̱cuu. Cui li Ka̱cuaꞌ quixye a̱cue nak xicꞌ chic tina̱cuil, us raj tixcꞌu̱luban ta junak mayej re nak tixjal xcꞌaꞌux. Abanan, cui ut yal cui̱nk li yo̱queb chi yehoc a̱cue nak ta̱ba̱nu raylal cue, aꞌ taxak li Ka̱cuaꞌ chimajecua̱nk reheb xban nak xineꞌrisi saꞌ lin tenamit bar nequeꞌxlokꞌoni cuiꞌ li Ka̱cuaꞌ. Ut yo̱queb chintaklanquil re nak tinlokꞌoni li jalanil dios.

1 Samuel 26:19 ပူးပေါင်းရင်းမြစ်များ

2 Samuel 20:19

Li qatenamit q'axal naraj wank sa' tuqtuukilal ut tiikilal. A'an jwal nim xwankil sa' xyanqeb' li tenamit re Israel. Ut laa'at taawaj xsachb'al chi junajwa! K'a'ut naq taawaj xsachb'al li reechanihom li Qaawa'?”.

2 Samuel 16:11

Chirix chik a'an kixye re laj Abisay ut reheb' chixjunil laj k'anjel chiru: “K'ehomaq reetal. Li walal, li tz'aqal walal, naxsik' inkamsinkil. Ma toja' ta chik junaq aj Benjamín? Kanab'omaq chinmajewankil xb'aan naq li Qaawa' xtaqlank re.

2 Samuel 14:16

Wi laa'at taapaab' li waatin, tatruuq inkolb'al sa' ruq' li winq li naraj insachb'al laa'in ut linyum sa' xyanqeb' laj Israel.

Salmos 120:5

Q'axal ra cho'q we li wank sa' li tenamit Mesek, k'ajo' xrahil li hilank sa' xmuheb'aaleb' laj Kedar.

1 Crónicas 21:1

Laj tza kixxaqab' rib' chiruheb' laj Israel ut kixmin ru laj David chi rajlankileb' li tenamit.

1 Samuel 18:10

Wulajaq chik jun li ink'a' usil musiq'ej taqlanb'il chaq xb'aan li Yos ki'eechanink re laj Saúl, li kichalk xtaqik xjolom sa' li rochoch. Laj David yo chi xwajb'ankil li aarp jo' naxb'aanu wulaj wulaj, ut laj Saúl wank xjutz' che' sa' ruq'.

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

2 Timoteo 4:14

Laj Alejandro, laj tenol ch'iich', naab'al li rahilal xb'aanu we. Li Qaawa' taa'eeqajunq re jo' chanru li xb'aanuhom.

Gálatas 5:12

Us rajan te'xset rib'eb' chi junajwa li yookeb' chi xpo'b'al leech'ool!

Romanos 14:15

Wi sa' xk'ab'a' laatzekemq naraho'k xch'ool laawas aawiitz'in, ink'a' chik yookat chi xb'aanunkil jo' naraj li rahok. Xb'aan li k'aru nakatzeka maak'e chi sachk, maak'e chi t'ane'k li ani kikamk wi' li Kriist.

Isaías 60:5

Naq taawileb' ru, k'ajo' naq taasaho'q laach'ool, kaw tentotq ut k'ojk'ooq laawaanm, xb'aan naq te'xk'am chaq li xb'ihomaleb' li tenamit wankeb' chaq chire li palaw, ut te'xq'axtesi aawe li xsahil eechej eb' li poyanam.

Proverbios 30:10

Maaq'ab'a junaq aj k'anjel chiru laj eechal re. Mare anchal tatxmajewa, ut taatoj rix laamaak.

1 Reyes 22:22

Kichaq'ok li musiq'ej: «Tinxik ut toxink'e li tik'ti' chi xtz'uumal reheb' chixjunileb' li propeet». Toja' naq li Qaawa' kixye re: «Us, ayu ut b'alaq'i laj Ajab. Ut taa'uxmanq jo' xaye», chan.

2 Samuel 24:1

Li Qaawa' kichalk wi' chik xjosq'il sa' xb'eeneb' laj Israel ut kixchiq' xjosq'il laj David sa' xb'eeneb' re naq trajla chixjunileb' laj Israel ut laj Judá.

1 Samuel 25:24

kixk'utzub' rib' chiru ch'och' ut kixye re: “Wa'chin, chikanaaq ta sa' inb'een li xmaak linb'eelom. Ab'anan tinaakanab' chi aatinak aawik'in ut ab'i taxaq li k'aru tinye aawe.

Levítico 26:31

po'lem tinkanab' leeninqal tenamit ut tinsacheb' li rochochil leejalanil yos; ink'a' chik taaxik inch'ool chirix leesununkil b'an.

Génesis 44:18

Toja' naq laj Judá kijilok chi xk'atq laj José ut kixye re: “Chinaakuy, at qaawa'. Tinye jun t'orolaq li raatin sa' xxik linqaawa'. Matjosq'o'k sa' inb'een xb'aan naq laa'at jo'kat laj Parahón.

1 Samuel 24:9

ut kixye re laj Saúl: “K'a'ut naq nakapaab' eb' li poyanam li neke'yehok: «Laj David yo chi xsik'b'al aasachb'al»?

1 Samuel 27:1

Laj David kixye sa' xch'ool: “Taawulaq xq'ehil naq laj Saúl tinxkamsi. Jwal us naq tinxik sa' xteepal Filistea re naq laj Saúl tixkanab' insik'b'al sa' chixjunil Israel ut tinkole'q chiru”.

2 Samuel 21:3

Laj David kixpatz' reheb': “K'aru tinb'aanu eerik'in? Chanru tintoj rix li ink'a' us xek'ul laa'ex, re naq teerosob'tesi li xtenamit li Qaawa'?”, chan.

Números 36:7

Chi jo'kan li xch'och'eb' laj Israel ink'a' taa'elq sa' junaq teep re taaxik sa' jalan chik. Xb'aan naq li junjunq aj Israel tento tixk'uula li reechanihom li xk'ulum rik'ineb' li xna' xyuwa'.

Números 36:9

ut li ch'och' ink'a' taa'elq sa' jun teepal re q'axonk sa' jalan chik teepal. Li junjunq teep aj Israel tento tixk'uula li xna'aj reechanihom”, chan laj Moisés.

Deuteronomio 13:3

maapaab' li propeet a'an malaj li xyehom laj matk'. Xb'aan naq li Qaawa' leeYos yooq chi xyalb'al eerix, re xnawb'al ma relik chi yaal naq nekera li Qaawa' leeYos chi anchal eech'ool ut chi anchal eeraanm.

2 Samuel 16:10

Kichaq'ok li awab'ej: “A Abisay, k'aru wank we eerik'in laa'ex li yum lix Sarbia? Kanab' laj Semehí chinmajewankil. Wi li Qaawa' xyehok re: «Majewa laj David», ani truuq taayehoq re: «K'a'ut naq yookat chi xb'aanunkil chi jo'kan?»”.

Salmos 20:4

Chijultiko'q re li Qaawa' chixjunil laamayej, ut chiwulaq taxaq chiru laayeechi'om.