1 Samuel 26:16 - Q'eqchi Bible

¹⁶ Moko us ta li xab'aanu. Sa' xk'ab'a' li yo'yookil Yos ninye eere naq teneb'anb'il li kamk sa' eeb'een xb'aan naq ink'a' xek'aak'ale laj eechal eere, a' li awab'ej sik'b'il ru xb'aan li Qaawa'. K'e reetal, b'ar wank anaqwan li xjutz' che' li awab'ej ut li xna'aj li xha' li xwank chi xjolom?”.

Li Santil hu

¹⁶ Incꞌaꞌ us li xaba̱nu. Saꞌ xcꞌabaꞌ li Dios ninye e̱re nak e̱cꞌulub ca̱mc, la̱at joꞌqueb ajcuiꞌ la̱ soldados xban nak incꞌaꞌ yo̱quex chixcolbal rix li rey li sicꞌbil ru xban li Dios. Qꞌuehomak retal. ¿Bar cuan lix la̱ns li rey ut lix naꞌaj lix haꞌ li cuan saꞌ xjolom li rey? Sicꞌomak ut te̱ril ma te̱tau, chan.

1 Samuel 26:16 ပူးပေါင်းရင်းမြစ်များ

Efesios 2:3

Sa' xyanqeb' a'an xoowank ajwi' chiqajunilo junxil: nawulak chiqu li naxrahi li qatz'ejwal, naqab'aanu li naraj li tz'ejwalej ut li ink'a' usil na'leb'; jo'kan naq xoowank chaq rub'el xjosq'il li Yos kama'eb' li junch'ol.

Salmos 102:20

Naq li Qaawa' x'ilok chaq toj sa' li xloq'laj tzuul, toj sa' choxa xk'utzub' chaq rib' rilb'al li ruuchich'och',

Salmos 79:11

Chiwulaq ta aawik'in li xyaab' xkuxeb' li wankeb' sa' tz'alam; rik'in xwankilal laatel chakoleb' taxaq li ak teneb'anb'il kamk sa' xb'eeneb'.

2 Samuel 19:28

Us ta chixjunil li xjunkab'al linyuwa' xk'ulub' kamsiik aab'aan, laa'at xinaak'ul sa' xyanqeb' li neke'tzekank aawochb'een. Moko ink'ulub' ta naq tintz'aama junaq chik usilal chawu”.

2 Samuel 12:5

K'ajo' naq kijosq'o'k laj David sa' xb'een li winq a'an, ut kixye re laj Natán: “Sa' xk'ab'a' li yo'yookil Yos ninye aawe naq xk'ulub' kamk li winq li xb'aanunk re a'an.

1 Samuel 26:11

Li Qaawa' taxaq chikoloq we chi xtaqsinkil wuq' sa' xb'een li awab'ej yulb'il xb'aan. Anaqwan xok li jutz' che' li wank chi xjolom jo'wi' li xxarul li xha', ut yo'o”.

1 Samuel 26:9

Ab'an laj David kixye re laj Abisay: “Maakamsi. Maajun li tixtaqsi li ruq' sa' xb'een li awab'ej sik'b'il ru xb'aan li Qaawa' taakanaaq chi ink'a' ta tixtoj rix li xmaak”.

1 Samuel 20:31

Ab'an anaqwan ab'i chi us: jo' najtil toj yo'yooq li ralal laj Jesé sa' ruuchich'och', ink'a' naru tat-ok cho'q awab'ej laa'at chi moko eb' laawalal aak'ajol. Jo'kan b'i' taqla xsik'b'al laj David ut k'am chaq we, xb'aan naq tento taakamq”.

1 Samuel 24:6

“Li Qaawa' taxaq chikoloq we chi xb'aanunkil rahilal re li awab'ej, a' li sik'b'il ru xb'aan li Qaawa'. Maajoq'e tintaqsi wuq' sa' xb'een, xb'aan naq a'an yulb'il xb'aan li Qaawa'”, chan reheb' laj puub'.

1 Samuel 26:15

Kixye laj David re laj Abner: “Ma maawa' tab'i' laa'at li q'axal kaw aawib' chi yalok sa' xyanqeb' laj Israel? K'a'ut naq ink'a' xak'aak'ale li awab'ej, laj eechal aawe? Xb'aan naq jun reheb' li tenamit x'ok aran re raj xkamsinkil li awab'ej, laj eechal aawe.

1 Reyes 2:26

Moqon chik laj Salomón li awab'ej kixye re laj Abiatar laj tij: “Ayu Anatot, sa' laatenamit. Aak'ulub' kamk, ab'anan ink'a' nawaj aakamsinkil anaqwan sa' xk'ab'a' naq laa'at katk'amok re li xLoq'laj Kaax li Qaawa' chiru laj David linyuwa', ut kawotz rochb'een a'an chixjunil li rahilal kixk'ul”.