1 Samuel 25:34 - Q'eqchi Bible

³⁴ Relik chi yaal, sa' xk'ab'a' li yo'yookil Yos, xYos laj Israel, li xramok chiwu xb'aanunkil rahilal aawe, ninye aawe naq, wi ink'a' ta xatseeb'ank chaq chi chalk, wulaj eq'la maajun raj chik teelom xkanaak chi yo'yo sa' li xjunkab'al laj Nabal”, chan.

Li Santil hu

³⁴ Li Ka̱cuaꞌ Dios xinixtenkꞌa anakcuan. Joꞌcan nak incꞌaꞌ xinba̱nu raylal a̱cue. Cui ta incꞌaꞌ xatchal chi junpa̱t cuiqꞌuin, ninye a̱cue saꞌ xcꞌabaꞌ li Ka̱cuaꞌ nak cuulaj ma̱ jun raj chic li nequeꞌtenkꞌan re laj Nabal quicana chi yoꞌyo. Xincamsiheb raj chixjunileb, chan.

1 Samuel 25:34 ပူးပေါင်းရင်းမြစ်များ

1 Samuel 25:26

Ab'anan anaqwan, wa'chin, sa' xk'ab'a' li yo'yookil Yos ut laayu'am, sa' xk'ab'a' li Qaawa' li xramok chawu xkamsinkileb' li poyanam a'in jo'wi' xraqb'al aatin aajunes aawib', jo'qeb' laj Nabal chixjunileb' li xik' neke'ilok aawe jo'wi' li te'raj xb'aanunkil rahilal aawe.

1 Samuel 25:18

Tikto lix Abigahil kixchap lajeek'aal (200) chi wa ut wiib' kuk tz'uum, oob' chi karneer ak pomb'ileb', oob' chi aroow chi joranb'il triiw, o'k'aal chiil chi uub' ak xchaqik ut lajeek'aal chi kaxlan wa yiib'anb'ileb' rik'in chaqi iig, kixk'e chixjunil a'in chirixeb' li xb'uur

1 Samuel 11:11

Wulajaq chik a'an, laj Saúl kixk'eheb' laj puub' sa' oxib' tzol, ut eb' a'an koxe'xkut rib' sa' xb'eeneb' laj Amón toj hik'ho ut ke'xsach ruheb' toj kiwa'leb'o'k. Ut eb' li ink'a' ke'kamsiik, ke'elelik ut ke'xcha'cha'i rib'eb'.

Josué 10:9

Toja' naq laj Josué ki'elk chaq Kilkal, kib'eek jun q'oqyink ut kichalk sa' xb'eeneb' chi maak'a' sa' xch'ooleb'.

Josué 10:6

Toja' naq eb' laj Gabahón ke'xtaqla xyeeb'al re laj Josué toj aran Kilkal b'arwi' wankeb' li xmuheb'aaleb' laj Israel: “Moohaakanab' qajunes. Kim arin chi junpaat, choohaakol ut choohaatenq'a laa'o aamoos, xb'aan naq chixjunileb' li awab'ej aj Amor li wankeb' chaq sa' k'iche' xe'xjunaji rib' sa' qab'een”.

Génesis 20:6

Kichaq'ok li Yos ut kixye re sa' xmatk': “Ak ninnaw chi us naq rik'in xchaab'ilal laach'ool xab'aanu a'an; laa'in ajwi' xatinram re naq ink'a' tatmaakob'q chiwu. Jo'kan naq ink'a' xatink'e chi wank rik'in.

1 Samuel 25:22

A' taxaq li Yos tinxk'e chi xtojb'al linmaak chi q'axal ra, wi toj yo'yooqeb' li xkomoneb' laj Nabal wulaj naq taasaqewq”, chan.

1 Samuel 25:39

Naq laj David kirab'i resil li xkamik laj Nabal, kixye: “Usilaatinanb'il taxaq li Qaawa' li xtenq'ank we naq xinhob'e'k xb'aan laj Nabal. Li Yos xkolok we chiru xb'aanunkil li ink'a' us ut xk'e reeqaj li xmaa'usilal laj Nabal”. Moqon chik laj David kixtaqlaheb' aj esil chi xyeeb'al re lix Abigahil ma traj wank cho'q rixaqil.