1 Samuel 25:28 - Q'eqchi Bible

²⁸ Chakuy taxaq inmaak. Relik chi yaal naq li Qaawa' tixxaqab' chi junajwa xwankil laajunkab'al, xb'aan naq laa'at nakatyalok sa' xk'ab'a' li Qaawa', ut maajun wa taachalq li ink'a' us sa' aab'een chiru chixjunil laayu'am.

Li Santil hu

²⁸ Chacuy taxak inma̱c cui xinpaltoꞌ cha̱cuu. Li Ka̱cuaꞌ Dios tatxxakab chokꞌ rey, joꞌ eb ajcuiꞌ la̱ cualal a̱cꞌajol xban nak la̱at yo̱cat chi pletic saꞌ xcꞌabaꞌ li Ka̱cuaꞌ. Toj chalen anakcuan ma̱ jun li ma̱usilal nacaba̱nu.

1 Samuel 25:28 ပူးပေါင်းရင်းမြစ်များ

2 Samuel 7:11

naq xinxaqab'eb' aj k'amol b'e sa' xb'een lintenamit Israel. Laa'in tink'eheb' li xik' neke'ilok aawe chi wank sa' usilal aawik'in. Ut ninye resil aawe naq laa'in li Qaawa' tink'eheb' aawalal aak'ajol.

1 Samuel 18:17

Sa' jun kutan kixye laj Saúl re laj David: “Tink'e lix Merab, li xb'een inrab'in, cho'q aawixaqil. Ka'ajwi' nintz'aama chawu naq kawaq aach'ool chi yalok sa' xk'ab'a' li Qaawa'”, chan. Xb'aan naq laj Saúl naxye sa' xch'ool: “Moko laa'in ta tinkamsinq re laj David, a'eb' b'an laj Filistea”.

1 Crónicas 17:25

“Laa'at, at Qaawa', at inYos, xak'ut chiwu naq taak'ojob' linjunkab'al. Jo'kan naq laa'in aj k'anjel chawu ink'a' ninxiwak chi tz'aamank ut elajink chawu.

1 Samuel 24:11

K'e reetal, at inyuwa'; il li xmaril laawaq' sa' wuq'. Xinset li xmaril laawaq' ut ink'a' xatinkamsi! Jo'kan naq taak'e reetal naq maak'a' lab'al sa' li waanm ut maak'a' maa'usilal wik'in. Laa'in ink'a' xinmaakob'k chawu, a'ut laa'at yookat xsik'b'al inkamsinkil.

1 Crónicas 17:10

naq xinxaqab'eb' aj k'amol b'e sa' xb'een lintenamit Israel. Laa'in tink'eheb' rub'el laawoq chixjunileb' li xik' neke'ilok aawe. Ut ninye resil aawe naq laa'in, li Qaawa', tink'eheb' aawalal aak'ajol.

1 Reyes 9:5

laa'in tink'ojob' chi junajwa laawankilal sa' xb'eeneb' laj Israel, jo' kinyeechi'i re laj David laayuwa' naq kinye: «Junelik taawanq junaq aawalal li taak'ojlaaq sa' li xk'ojarib'aaleb' laj Israel».

2 Samuel 7:16

Laajunkab'al ut laa'awab'ejihom wanqeb' junelik rub'el linkupuhom, ut laak'ojarib'aal k'ojk'ooq sa' xna'aj chi junelik»”.

San Lucas 23:47

Naq kiril a'in li xjolomileb' laj puub', kixnima xloq'al li Yos: —Relik chi yaal naq li winq a'in tiik xch'ool, chan.

San Lucas 23:41

Laa'o yaal naq qak'ulub' xk'ulb'al a'an xb'aan naq xq'ajkamunkil li qab'aanuhom, a'ut a'in maak'a' k'aru li ink'a' ta us xb'aanu.

San Mateo 5:16

Jo'ka'in naq chilemtz'unq leesaqenkil chiruheb' li tenamit, re naq te'ril leechaab'il b'aanuhom ut te'xnima xloq'al leechoxahil Yuwa'.

Salmos 89:29

Tinhoy li wuxtaan sa' xb'een chi junelik ut maajoq'e taasachq sa' inch'ool linsumwank rik'in.

1 Reyes 15:5

Kixb'aanu chi jo'kan, xb'aan naq laj David kiwank sa' tiikilal chiru li Qaawa' ut ink'a' kixq'et junaq xchaq'rab' li Qaawa' chiru chixjunil li xyu'am. Ka'ajwi' kimaakob'k chiru laj Urías laj Hit.

2 Samuel 7:27

“Laa'at, at Qaawa', at Nimajwal Yos ut xYos laj Israel, xak'ut chiwu naq taak'ojob' linjunkab'al. Jo'kan naq laa'in aj k'anjel chawu ink'a' ninxiwak chi tz'aamank ut elajink chawu.

2 Samuel 5:2

Chalen chaq junxil naq laj Saúl a'an chaq li na'awab'ejink qe, laa'at xtz'aqal jolomil Israel sa' li yalok. Ut xyehom li Qaawa' naq laa'at tatb'eresinq re li xtenamit ut laa'ataq aj k'amol xb'eheb' laj Israel”.

1 Samuel 25:24

kixk'utzub' rib' chiru ch'och' ut kixye re: “Wa'chin, chikanaaq ta sa' inb'een li xmaak linb'eelom. Ab'anan tinaakanab' chi aatinak aawik'in ut ab'i taxaq li k'aru tinye aawe.

1 Samuel 24:17

ut kixye re laj David: “Yaal ajwi' li nakaye; laa'in wank inmaak. Laa'at usilal nakab'aanu we, a'ut laa'in ink'a' us nink'e cho'q reeqaj.

1 Samuel 17:47

Ut chixjunileb' li ch'utch'uukeb' arin te'xnaw naq li Qaawa' ink'a' nakolok rik'in ch'iich' chi moko rik'in jutz' che': li Qaawa' a'an laj eechal re li yalok a'in, ut A'an taaq'axtesinq eere sa' quq' laa'o”.

1 Samuel 15:28

Toja' naq kixye laj Samuel: “Jo'kan ajwi' li Qaawa' xmaq' chawu laawankil sa' xb'eeneb' laj Israel sa' li kutan a'in, ut xq'axtesi re jalan chik q'axal chaab'il chawu laa'at.

2 Crónicas 20:15

ut kixye: “Ab'ihomaq chi us, chejunilex aj Judá ut aj Jerusalén, jo'wi' laa'at, a Josafat, at awab'ej. Li Qaawa' yo chi xyeeb'al eere: «Mexxiwak chi moko chi'ok leek'a'uxl chi rilb'aleb' li k'iila aj puub' a'an, xb'aan naq li yalok a'in, maawa' eere laa'ex, re b'an li Qaawa'.

1 Samuel 2:35

Chirix chik a'an laa'in tinsik' ru jun aj tij tiik ru li xyu'am, li tixb'aanu jo' naraj linch'ool ut li wajom. Tink'e jun xjunkab'al li ink'a' taa'oso'q, ut eb' li ralal xk'ajol te'k'anjelaq junelik chiru li awab'ej yulb'il inb'aan.

1 Samuel 22:14

Kichaq'ok laj Ajimélek ut kixye: “Ani sa' xyanqeb' chixjunileb' laj k'anjel chawu jwal chaab'il chiru laj David, xhi' li awab'ej, xjolomileb' laj k'aak'alehom aawe, ut oxloq'inb'il sa' laawochoch?

1 Samuel 24:4

Toja' naq eb' li rochb'een ke'xye re laj David: “K'e reetal, a'an a'in li kutan kixye resil aawe li Qaawa': «Tink'e sa' aawuq' li xik' na'ilok aawe; b'aanu re li k'aru taawaj»”. Kixaqliik laj David ut timil timil kixset kach'in li raq' laj Saúl.

1 Samuel 30:26

Naq laj David kiwulak Siklak, wank k'aru kixmaq' reheb' laj Amalek ut kixtaqla reheb' li xcheekal winqul laj Judá ramiiweb': “Waye' leemaatan, xkomon li xqamaq' chiruheb' li xik' neke'ilok re li Qaawa'”, chan.

Salmos 7:3

Mine'xchap jo' naxb'aanu li kaqkoj, mine'xt'upi chi maajun ta taakoloq we.

Números 23:21

Maak'a' maa'usilal nawil rik'in laj Jakob, maak'a' li ch'a'ajkilal xintaw rik'in laj Israel. Li Qaawa' a'an li xYos laj Israel, ut junelik wank rik'ineb'. Sa' xyanqeb' a'an na'ab'imank naq xaqxo xwankil jun li awab'ej.

1 Samuel 24:21

Ka'ajwi' nintz'aama chawu, ye we sa' jurament sa' xk'ab'a' li Qaawa' naq chirix linkamik ink'a' taasacheb' ru li walal ink'ajol ut ink'a' taasache'q link'ab'a' sa' xyanqeb' li xjunkab'al linyuwa'”.

1 Samuel 29:3

Toja' naq eb' li xjolomileb' laj Filistea ke'xye: “K'aru yookeb' arin eb' laj Hebreo a'in?”. Laj Akis kixsumeheb': “A'an laj David, laj k'anjel chiru laj Saúl, awab'ej re Israel. Jun malaj wiib' chihab' rokik wik'in, ut maak'a' k'aru ink'a' us xintaw rik'in chalen sa' rokik wik'in toj anaqwan”, chan.

1 Reyes 15:3

A'an ajwi' kixb'aanu li maak kixb'aanu li xyuwa' junxilaj chiru a'an. Moko wank ta li xch'ool rik'in li Qaawa' li xYos, jo' naq kiwank li xch'ool laj David li xyuwa'.