1 Samuel 25:13 - Q'eqchi Bible

¹³ Toja' naq laj David kixye reheb' li wankeb' rochb'een: “Chapomaq leech'iich' chejunjunqal”, chan. Chixjunileb' ke'xb'ak' li xch'iich'eb' chi xsa'eb'. Laj David ajwi' kixb'ak' li xch'iich' chi xsa'. Jun o'q'ob' (400) tana chi winq koheb' chirix laj David ut lajeek'aal (200) ke'kanaak aran chi ilok li k'aruheb' re.

Li Santil hu

¹³ Tojoꞌnak laj David quixye reheb: —Chapomak le̱ chꞌi̱chꞌ, chan. Ut chixjunileb queꞌxqꞌue xchꞌi̱chꞌeb saꞌ xcꞌa̱mal xsaꞌ. Ut laj David quixchap ajcuiꞌ lix chꞌi̱chꞌ ut quixcꞌam chirix ca̱hib ciento li soldados nak co̱ riqꞌuin laj Nabal. Cuib ciento queꞌcana aran chixcꞌacꞌalenquil li cꞌaꞌruheb re.

1 Samuel 25:13 ပူးပေါင်းရင်းမြစ်များ

1 Samuel 23:13

Toja' naq koheb' laj David ut eb' laj puub' (wankeb' tana lajeek'aal xkab' o'q'ob' chi winq), ke'elk Kehilá ut ke'xb'eeni rib'eb'. Ut naq laj Saúl kirab'i resil li relik laj David sa' li tenamit Kehilá, kixjal xk'a'uxl ut ink'a' chik koho Kehilá.

Proverbios 25:8

matxik sa' aanil chi jitok sa' raqleb'aal aatin, xb'aan naq mare jalan chik toxch'olob'anq li yaal ut laa'at ink'a' chik taanaw k'aru taab'aanu.

Proverbios 19:11

Li wank xk'a'uxl naxkuy li xjosq'il; ut naxtaw xloq'al wi ink'a' naxk'e sa' xch'ool li hob'e'k.

Proverbios 19:2

Maak'a' sa xb'aanunkil naq maak'a' li k'oxlak; li seeb'ank ib' nak'ehok chi maakob'k.

Proverbios 14:29

Li wank xna'leb' ink'a' najosq'o'k sa' junpaat; li maak'a' xkuyum naxk'ut li xmemil.

Josué 9:14

Toja' naq eb' laj jolominel ke'xyal xtzekemqeb' laj Gabahón, ab'an ink'a' ke'patz'ok re li Qaawa'.

Proverbios 16:32

Q'axal us naq wanq aakuyum chiru li xkawilal aawib'; ut jwal us xkuyb'al aawib' chiru reechaninkileb' li k'iila tenamit.

1 Samuel 22:2

Chixjunileb' li rahob'tesinb'ileb', li wankeb' xk'as ut jo'k'ihaleb' wankeb' sa' rahilal ke'xjunaji rib' rik'in laj David, ut a'in kikanaak cho'q aj k'amol xb'eheb'. Jun o'q'ob' (400) tana chi winq li wankeb' rochb'een.

1 Samuel 25:12

Eb' li saaj winq taqlanb'ileb' xb'aan laj David ke'sutq'iik wi' chik, ut naq ke'wulak rik'in laj David, ke'xseeraq'i re li xsumehom laj Nabal.

1 Samuel 27:2

Jo'kan naq laj David kixchap xb'e ut, rochb'een li lajeek'aal xkab' o'q'ob' (600) chi winq, koho wan wi' laj Akis, ralal laj Mahok, awab'ej re Gat.

2 Samuel 15:18

Rochb'een a'an wankeb' li xjolomileb' laj puub'. Ut eb' laj Keret, eb' laj Pélet, eb' laj Itay ut chixjunileb' laj Kit (lajeek'aal xkab' o'q'ob' chi winq li ke'taaqenk re laj David chalen chaq Gat) ke'nume'k chiru li awab'ej.

Proverbios 20:22

Maak'oxla reeqajunkil li rahilal xak'ul. K'ojob' aach'ool rik'in li Yos, ut A'an taakoloq aawe.