1 Samuel 24:19 - Q'eqchi Bible

¹⁹ Wi junaq winq naxtaw li xik' na'ilok re, maajoq'e tixkanab' chi xik sa' tuqtuukilal. Li Qaawa' chiq'ajkamunq aawe sa' xk'ab'a' li usilal xab'aanu we sa' li kutan a'in.

Li Santil hu

¹⁹ Cui junak cui̱nk naxchap li xicꞌ na-iloc re, ¿ma tixcanab ta biꞌ chi yoꞌyo chi incꞌaꞌ tixcamsi? Li Ka̱cuaꞌ Dios taxak chi qꞌuehoc re̱kaj li usilal xaba̱nu cue anakcuan.

1 Samuel 24:19 ပူးပေါင်းရင်းမြစ်များ

Salmos 18:20

Xinxk'e sa' jun li na'ajej q'axal helho, xinxkol xb'aan naq k'ajo' naq nikinxra!

1 Samuel 26:25

Toja' naq laj Saúl kixye re: “Osob'tesinb'ilat, a David, at walal! Us tat-elq sa' chixjunil li taab'aanu”, chan. Chirix chik a'an laj Saúl kisutq'iik sa' rochoch ut laj David kixchap wi' chik xb'e.

1 Samuel 23:21

Kichaq'ok laj Saúl ut kixye: “Li Qaawa' chi'osob'tesinq eere xb'aan naq xetoq'ob'a wu.

Jueces 17:2

Sa' jun kutan kixye re li xna': “Naq x'elq'aak chawu o'lajuk'aal rox o'q'ob' (1,100) chi tumin plaat, laa'at xatz'aama maa'usilal sa' xb'een laj elq'. Laa'in xin'elq'ank re laatumin. We' li tumin wank wik'in, ut anaqwan tinq'axtesi aawe”, chan. Kichaq'ok li xna' ut kixye: “Li Qaawa' chi'osob'tesinq taxaq aawe!”, chan.

Li xHu LIX RUT 2:12

Li Qaawa' chik'ehoq aawe reeqaj li chaab'il k'anjel xab'aanu! A' taxaq li Qaawa', xYos laj Israel, li rub'el li xwankil xulaak'e aawib' chi xmuheela, chiq'ajkamunq aawe jo' aak'ulub', chan.

1 Samuel 23:17

Kixye re: “Matxiwak, xb'aan naq laj Saúl linyuwa' ink'a' truuq tatxtaw. Laa'at tat-ok cho'q awab'ej re Israel ut laa'inaq li xkab'il chi taqlank. A' ajwi' linyuwa' naxnaw a'an”.

1 Samuel 26:23

Li Qaawa' taaq'ajkamunq re li junjunq jo' chanru li xtiikilal ut xchaab'ilal li xch'ool. Anaqwan li Qaawa' xatxq'axtesi sa' wuq', ab'an laa'in ink'a' xwaj aakamsinkil, xb'aan naq laa'at sik'b'il aawu xb'aan li Qaawa'.