1 Samuel 24:18 - Q'eqchi Bible

¹⁸ Sa' li kutan a'in xak'ut chiwu laachaab'ilal, xb'aan naq li Qaawa' xinxk'e sa' laawuq', ab'an laa'at ink'a' xinaakamsi.

Li Santil hu

¹⁸ Anakcuan xacꞌut chicuu nak cuancat saꞌ usilal cuiqꞌuin. Li Ka̱cuaꞌ xinixkꞌaxtesi saꞌ a̱cuukꞌ, abanan incꞌaꞌ xina̱camsi.

1 Samuel 24:18 ပူးပေါင်းရင်းမြစ်များ

1 Samuel 26:23

Li Qaawa' taaq'ajkamunq re li junjunq jo' chanru li xtiikilal ut xchaab'ilal li xch'ool. Anaqwan li Qaawa' xatxq'axtesi sa' wuq', ab'an laa'in ink'a' xwaj aakamsinkil, xb'aan naq laa'at sik'b'il aawu xb'aan li Qaawa'.

Salmos 31:8

Chisaho'q linch'ool, chisaho'q li waanm sa' xk'ab'a' xnimal laarahom. Laa'at xawil naq q'axal xtoq'ob'aal wu ut xanaw chixjunil li xrahil li waanm;

1 Samuel 26:8

Toja' naq laj Abisay kixye re laj David: “Anaqwan li Yos xq'axtesi sa' laawuq' li xik' na'ilok aawe. Kanab'in anaqwan chi xt'ojb'al chiru ch'och' rik'in jutz' che'. Tz'aqal xkutb'al linjutz' che' junsutaq ajwi'”, chan.

1 Samuel 24:10

Anaqwan ajwi' xak'e reetal naq li Qaawa' xatxk'e sa' wuq' sa' li ochoch pek. Wankeb' li xe'xye we naq tatinkamsi, ab'anan xinkuy aamaak xb'aan naq xinye sa' inch'ool: «Ink'a' tintaqsi wuq' sa' xb'een laj eechal we, xb'aan naq a'an yulb'il xb'aan li Qaawa'».

1 Samuel 23:12

Toja' naq laj David kixpatz': “Ma tine'xq'axtesi eb' laj Kehilá sa' ruq' laj Saúl, laa'in ut eb' laj puub'?”. Kichaq'ok li Qaawa' ut kixye: “Texq'axtesiheb'”, chan.

1 Samuel 23:7

Kiyehe'k resil re laj Saúl naq okenaq laj David sa' li tenamit Kehilá. Toja' naq kixye sa' xch'ool: “Li Yos xq'axtesi sa' wuq' laj David, xb'aan naq xjunes xtz'ap rib' sa' jun tenamit li wank xtz'apb'al rokeb'aal ut wank xlaawil”.

1 Samuel 24:19

Wi junaq winq naxtaw li xik' na'ilok re, maajoq'e tixkanab' chi xik sa' tuqtuukilal. Li Qaawa' chiq'ajkamunq aawe sa' xk'ab'a' li usilal xab'aanu we sa' li kutan a'in.

Génesis 38:26

Naq laj Judá kiril naq re a'an, kixye: “Lix Tamar us chik xb'aanu chiru li xinb'aanu laa'in. Laa'in wank we, xb'aan naq ink'a' xink'e cho'q rixaqil laj Selá li walal”. Ut maajun wa chik kiwark rik'in lix Tamar.

Salmos 7:5

wi xinb'aanu rahilal re li wamiiw malaj xintenq'a junaq li narahob'tesink ras riitz'in,

Proverbios 25:22

Chi jo'kan taakaqo'q li xnaq' ru xb'aan xxutaan, ut li Qaawa' tatxq'ajkamu.