1 Samuel 24:12 - Q'eqchi Bible

¹² A' taxaq li Qaawa' chiraqoq aatin sa' qayanq ut chi'eeqajunq aawe inb'aan; ab'an laa'in maajaruj tintaqsi wuq' sa' aab'een.

Li Santil hu

¹² Aꞌ taxak li Ka̱cuaꞌ chiyehok re ani cuan xma̱c, ma la̱in malaj ut la̱at. Aꞌan taxak ta̱qꞌuehok a̱cue chixtojbal a̱ma̱c xban nak yo̱cat xba̱nunquil raylal cue. Abanan la̱in ma̱cꞌaꞌ tinba̱nu a̱cue.

1 Samuel 24:12 ပူးပေါင်းရင်းမြစ်များ

Jueces 11:27

Laa'in ink'a' xinmaakob'k chawu. Ab'anan laa'at ink'a' us yookat naq xatchalk chi yalok wik'in. Li Qaawa', laj Raqol aatin, chiraqoq aatin sa' xyanqeb' laj Israel ut eb' laj Amón”, chan laj Jefté.

Salmos 35:1

Xsaalm laj David. At Qaawa', yalon rik'ineb' li neke'raj yalok wik'in, pleetin rik'ineb' li neke'pleetink we.

Génesis 16:5

Toja' naq lix Saray kixye re laj Abrán: “Aamaak laa'at naq yookin chi xk'ulb'al li rahilal a'in. Laa'in xinq'axtesi aawe lix Agar; ab'an, naq a'an xk'e reetal naq wank chik sa' yu'am, maak'a' chik nin'ok wi' re. Li Qaawa' chiraqoq aatin sa' qab'een chi qakab'ichal”.

1 Pedro 2:23

Naq kihob'e'k, ink'a' kisumenk rik'in hob'ok; naq kirahob'tesiik, ink'a' kimajewank, kixq'axtesi b'an rib' sa' ruq' Li naraqok aatin sa' tiikilal.

Romanos 12:19

Ex was wiitz'in raarookex inb'aan, mex'eeqajunk, kanab'omaq b'an naq li Yos taaraqoq aatin, xb'aan naq tz'iib'anb'il sa' li Santil Hu: “We li eeqajunk; laa'in tinq'ajkamunq, chan li Qaawa'”.

Salmos 94:1

Xaqlin, at Qaawa', laa'at aj eeqajunel, laa'at li Yos li nakaweeqajuni li ink'a' us.

Li xHu LAJ JOB 5:8

Wi laa'in ta laa'at, ak xinsik' raj intenq'ankil rik'in li Yos.

Apocalipsis 6:10

Ut ke'ok chi xjapb'aleb' re chi kaw xyaab'eb' xkux, ut ke'xye: “At santil Eechalinel, laa'at paab'ajelat, toj jo'q'e tatkanaaq chi ink'a' tatraqoq aatin sa' xb'eeneb' li wankeb' sa' ruuchich'och' ut ink'a' taweeqajuniheb' li ke'kamsink qe?”.

1 Samuel 26:23

Li Qaawa' taaq'ajkamunq re li junjunq jo' chanru li xtiikilal ut xchaab'ilal li xch'ool. Anaqwan li Qaawa' xatxq'axtesi sa' wuq', ab'an laa'in ink'a' xwaj aakamsinkil, xb'aan naq laa'at sik'b'il aawu xb'aan li Qaawa'.

Génesis 31:53

Li xYos laj Abrahán ut li xYos laj Najor chiraqoq taxaq aatin sa' qab'een”. Toja' naq laj Jakob kixye xjurament sa' xk'ab'a' li Yos naloq'oniik xb'aan laj Isahak li xyuwa'.

1 Samuel 24:15

A' taxaq li Qaawa' chiraqoq aatin sa' qayanq. A'an chi'iloq ut chitenq'anq we rik'in inkolb'al sa' laawuq'”.

2 Samuel 22:48

a' li Yos nak'ehok we chi numtaak sa' xb'eeneb' li tenamit! A'an naxq'axtesiheb' rub'el linwankil chi junajwa.

1 Samuel 20:1

Chirix chik a'an laj David ki'elelik chaq Nayot li nach' wank rik'in Ramá, ut koho chi xyeeb'al re laj Jonatán: “K'aru xinb'aanu? B'ar wank li ink'a' us xinb'aanu? K'aru xinmaakob'k wi' chiru laayuwa' naq taaraj inkamsinkil?”.

1 Crónicas 12:18

Toja' naq laj Amasay, xjolomil li lajeeb' xka'k'aal, eek'asinb'il xb'aan li musiq'ej, kixye: “Tuqtuukilal cho'q aawe, at David, ralalat laj Jesé! Sahaq taxaq aach'ool! Chiwanq taxaq tuqtuukilal rik'ineb' li te'tenq'anq aawe, xb'aan naq laaYos nakatxtenq'a!”, chan. Laj David kixk'uleb' ut kixk'e xk'anjeleb' sa' xyanqeb' laj jolominel aj puub'.