1 Samuel 23:26 - Q'eqchi Bible

²⁶ Laj Saúl ut eb' laj puub' wankeb' junpak'al li tzuul, ut laj David ut eb' li wankeb' rochb'een yookeb' chi xik sa' li pak'al jun chik, neke'rumb'ak chi elelik chiru laj Saúl. Naq laj Saúl ut eb' laj puub' ak ke'xsut laj David ut eb' li winq rochb'een re xchapb'aleb',

Li Santil hu

²⁶ Laj Saúl ut eb lix soldados yo̱queb chi xic jun pacꞌal li tzu̱l ut laj David ut li cuanqueb rochben yo̱queb chi xic saꞌ li pacꞌal jun chic. Laj David yo̱ chi xic chi junpa̱t re nak ta̱e̱lelik chiru laj Saúl. Laj Saúl ut eb li cuanqueb rochben yo̱queb chi nachꞌoc riqꞌuineb re teꞌxchap.

1 Samuel 23:26 ပူးပေါင်းရင်းမြစ်များ

Salmos 17:9

Chinaakol taxaq chiruheb' laj maak li yookeb' chinrahob'tesinkil, chiruheb' li xik' neke'ilok we, jo'k'ihaleb' li nikine'xsut re inkamsinkil.

Apocalipsis 20:9

Ke'taqe'k sa' xb'een chixjunil li xnimal ru li ruuchich'och' ut ke'xsut li xna'ajeb' li sant jo' ajwi' li tenamit raaro xb'aan li Yos. Ab'anan kikub'e chaq xam sa' choxa ut kixsacheb'.

2 Corintios 1:8

Ex was wiitz'in, naqaj naq teenaw li nimla rahilal xqak'ul chaq Asia. Numtajenaq nim chiru li xooruhank xkuyb'al; x'aalo'k sa' qab'een ut xqak'oxla naq ink'a' chik tooxkanab' chi yo'yo.

Salmos 31:22

Usilaatinanb'il taxaq li Qaawa' xb'aan li xrahom: a'an kixb'aanu cho'q we sachb'ach'oolej naq sutsuukin chaq xb'aaneb' li xik' neke'ilok we.

Salmos 22:16

Xchaqik xsa' li we kama' aj chik li teex, li ru'uj waq' xletz rib' sa' linkux; yookat chinkanab'ankil sa' xpojtz'il li kamk.

Salmos 22:12

At Qaawa', matkanaak chaq chi najt, xb'aan naq li rahilal ak nach' chik wank ut maajun natenq'ank we.

Salmos 17:11

Yookeb' chintaaqenkil, okeb' re chinsutb'al, yookeb' chi xsik'b'al chan raj ru naq tine'xt'an.

2 Crónicas 20:12

At Qaawa', ma ink'a' tatraqoq aatin sa' xb'eeneb'? Xb'aan naq laa'o maak'a' qametz'ew chiruheb' li k'iila poyanam a'in li xe'chalk chi yalok qik'in. Ink'a' naqanaw k'aru tqab'aanu; jo'kan naq q'es qu chi oyb'enink aawik'in”.

2 Samuel 15:14

Jo'kan naq laj David kixye reheb' chixjunil laj k'anjel li wankeb' rochb'een aran Jerusalén: “Xaqlinqex ut eleliqo xb'aan naq ink'a' tooruhanq chi kole'k chiru laj Absalón. Seeb'ahomaq eerib' chi xik. Mare anchal taachalq chi junpaat ut tolooxtaw, tixk'am chaq rahilal sa' qab'een ut tixkamsiheb' chi ch'iich' li tenamit”, chan.

1 Samuel 20:38

Kixjap wi' chik re chi xyeeb'al: “Chi junpaat, seeb'a aawib', maaxaqab' aawib'”, chan re li al. Li al kixxok li simaj ut kixk'am rik'in laj eechal re;

1 Samuel 19:12

Tikto lix Mikal kixkub'si laj David sa' li b'entaan, ut a'in koho re naq tixkol rib'.

Jueces 16:2

Naq eb' laj Gasa ke'rab'i resil li xk'ulunik laj Sansón, ke'xsut li na'ajej wan wi' ut chiru chixjunil li kutan a'an yookeb' chi xk'aak'alenkil li rokeb'aal li tenamit. Chiru li q'oqyink ke'ok chi hilank, yookeb' chi xyeeb'al: “Hik'e'q wan li kutan, tojo' naq tqakamsi”, chankeb'.

1 Samuel 23:25

Koheb' laj Saúl ut eb' li wankeb' rochb'een chi xsik'b'al laj David, ab'anan kiyehe'k resil re laj David ut a'in kikub'eek sa' li saqoonak li wank sa' li chaqich'och' re Mahón.

1 Samuel 23:27

kiwulak jun aj esil chi xyeeb'al re laj Saúl: “Seeb'a aawib', kim chi junpaat, xb'aan naq eb' laj Filistea xe'ok sa' li qatenamit!”, chan.