1 Samuel 23:18 - Q'eqchi Bible

¹⁸ Ut xkab'ichaleb' ke'xk'uub' jun sumwank chiru li Qaawa'. Chirix chik a'an laj David kikanaak Jorsa ut laj Jonatán kisutq'iik sa' rochoch.

Li Santil hu

¹⁸ Ut chi xcabichaleb queꞌxye cuiꞌchic chiru li Ka̱cuaꞌ nak junelic teꞌxra ribeb. Ut laj David quicana aran saꞌ li naꞌajej Hores li cuan Zif. Ut laj Jonatán co̱ cuiꞌchic saꞌ rochoch.

1 Samuel 23:18 ပူးပေါင်းရင်းမြစ်များ

2 Samuel 21:7

Laj David kiril xtoq'ob'aal ru laj Mefibahal, ralal laj Jonatán ut ri laj Saúl, sa' xk'ab'a' li sumwank kixb'aanu laj David chiru li Qaawa' rik'in laj Jonatán, ralal laj Saúl; ut ink'a' kixq'axtesi reheb'.

1 Samuel 20:42

Toja' naq laj Jonatán kixye: “Ayu sa' tuqtuukil usilal, xb'aan naq qakab'ichal xqaye sa' xk'ab'a' li Qaawa' naq A'an chiwanq taxaq chi junelik sa' qayanq jo'wi' sa' xyanqeb' li qalal qak'ajol”. Moqon kixaqliik laj David ut koho, ut laj Jonatán kisutq'iik wi' chik sa' li tenamit.

1 Samuel 18:3

Ut laj Jonatán kixk'uub' jun sumwank rik'in laj David, xb'aan naq naxra jo' naxra rib' a'an.

2 Samuel 9:1

Sa' jun kutan laj David kixpatz': “Ma toj yo'yo junaq ralal xk'ajol laj Saúl? Twaj rusilankil ru sa' xk'ab'a' laj Jonatán”, chan.

1 Samuel 20:8

B'aanu usilal we, xb'aan naq laa'in aj k'anjel chawu ut xqak'uub' jun sumwank chiqib'il qib' chiru li Qaawa'. Wi ut laa'in wank linmaak, chinaakamsi laa'at anaqwan. K'a' aj e naq toj tinaak'am rik'in laayuwa'?”.

1 Samuel 18:1

Naq laj David kiraqe'k chi aatinak rik'in laj Saúl, li xch'ool laj Jonatán kixjunaji rib' rik'in li xch'ool laj David, ut laj Jonatán kixra laj David jo' naxra rib' a'an.

1 Samuel 21:1

Laj David kiwulak Nob, b'arwi' wank laj Ajimélek laj tij. A'in kisachk xch'ool chi rilb'al laj David ut kixpatz' re: “K'a'ut naq aajunes xatchalk, chi maajun na'ochb'eenink aawe?”, chan.