1 Samuel 22:4 - Q'eqchi Bible

⁴ Ut laj David kixk'am li xna' xyuwa' rik'in li awab'ej re Mohab, ut ke'kanaak aran jo' najtil kiwank laj David chi muqmu.

Li Santil hu

⁴ Ut laj David quixcꞌam lix naꞌ xyucuaꞌ riqꞌuin lix reyeb laj Moab. Ut aran queꞌcana joꞌ najtil yo̱ chixmukbal rib laj David saꞌ li ochoch pec.

1 Samuel 22:4 ပူးပေါင်းရင်းမြစ်များ

Salmos 11:1

Re li xjolomileb' laj b'ichanel. Xsaalm laj David. Rik'in li Qaawa' ninmuhenk. K'a'ut naq nekeye we: “Elelin sa' k'iche' jo' junaq xik'anel xul?

San Mateo 10:23

Naq te'raj eerahob'tesinkil sa' li tenamit a'in, elelinqex ut ayuqex sa' jalan chik; ut wi aran te'raj ajwi' xb'aanunkil eere chi jo'kan, ayuqex sa' jalan chik. Relik chi yaal ninye eere: maji'aq teechoy xb'eeninkileb' li tenamit sa' xsutam Israel naq tol'elq li K'ajolb'ej.

Nehemías 6:11

Kinchaq'ok ut kinye: “Junaq winq jo' laa'in, ma naru tab'i' taa'eleliq? Ma naru tab'i' tin'ok sa' rochoch li Yos re xkolb'al linyu'am? Ink'a' tinxik”, chankin.

2 Crónicas 29:25

Laj Esekías kiroksiheb' laj Leví sa' rochoch li Yos re te'wajb'aq rik'in tun, tzojtzoj ut aarp, jo' chanru xchaq'rab' li Qaawa' yeeb'il re laj David, jo'wi' reheb' li propeet laj Gad (a'an jun aj ilol moy u li nak'anjelak chiru li awab'ej) ut laj Natán.

1 Crónicas 29:29

Chixjunil li kilajxb'aanu laj David, chalen sa' xtiklajik ut toj sa' xraqik, tz'iib'anb'il reetalil sa' xhu li propeet Samuel, sa' xhu li propeet Natán ut sa' xhu li propeet Gad.

1 Crónicas 21:9

Ut li Qaawa' kixye re laj Gad, laj ilol moy u li wank sa' xk'anjel laj David:

1 Crónicas 12:16

Wankeb' ajwi' aj Benjamín ut aj Judá koheb' rik'in laj David sa' li kawub'resinb'il ochoch.

2 Samuel 24:11

Sa' li kutan jun chik, naq kiwakliik laj David eq'la, li Qaawa' kiraatina laj Gad li propeet, laj ilol moy u li wank sa' xk'anjel laj David; ut kixye re:

1 Samuel 22:3

Chirix chik a'an laj David ki'elk aran ut koho Mispé, sa' xteepal Mohab, ut kixye re li awab'ej re Mohab: “Chakuy inmaak, nintz'aama usilal naq chakanab'eb' chi wank linna' linyuwa' eerik'in; tojo' yaal naq tinnaw k'aru tixb'aanu li Yos wik'in”.

1 Samuel 22:5

Toja' naq laj Gad li propeet kixye re laj David: “Maamuq chik aawib'. Elen arin ut ayu sa' xteepal Judá”, chan. Jo'kan naq laj David koho ut kiwulak sa' li k'iche' re Jéret.

2 Samuel 8:2

Kixq'ax ajwi' ruheb' laj Mohab; kixk'eheb' chi jilib'aak chiru ch'och' ut kixb'iseb' rik'in k'aam: jo'k'ihaleb' li ke'kanaak sa' li wiib' b'isok, ke'kamsiik; ut li ke'kanaak sa' li rox b'isok, ke'kanab'aak chi yo'yo. Jo'ka'in naq eb' laj Mohab ke'kanaak rub'el xwankil laj David chi k'ehok toj.

1 Crónicas 11:16

Laj David wank aran sa' li kawub'resinb'il na'ajej, ut jun ch'uuteb' aj Filistea wankeb' chaq Belén.