1 Samuel 20:8 - Q'eqchi Bible

⁸ B'aanu usilal we, xb'aan naq laa'in aj k'anjel chawu ut xqak'uub' jun sumwank chiqib'il qib' chiru li Qaawa'. Wi ut laa'in wank linmaak, chinaakamsi laa'at anaqwan. K'a' aj e naq toj tinaak'am rik'in laayuwa'?”.

Li Santil hu

⁸ Ba̱nu usilal cue saꞌ xcꞌabaꞌ li juramento li kaba̱nu chi kibil kib. China̱tenkꞌa la̱in aj cꞌanjel cha̱cuu. Cui ut la̱in cuan inma̱c, china̱camsi la̱at anakcuan. Incꞌaꞌ tento nak tina̱cꞌam riqꞌuin la̱ yucuaꞌ re nak aꞌan tinixcamsi, chan laj David.

1 Samuel 20:8 ပူးပေါင်းရင်းမြစ်များ

2 Samuel 14:32

Laj Absalón kixsume laj Johab: “Xintaqla aab'oqb'al re xyeeb'al aawe: B'aanu usilal, kim; twaj aataqlankil rik'in li awab'ej re naq taaye naq maak'a' aj e naq xinsutq'iik chaq Jesur. Q'axal us raj cho'q we wi ta xinkanaak aran Jesur. Anaqwan twaj rilb'al ru li awab'ej, ut wi wank junaq inmaak, chixteneb'aaq kamk sa' inb'een”.

1 Samuel 18:3

Ut laj Jonatán kixk'uub' jun sumwank rik'in laj David, xb'aan naq naxra jo' naxra rib' a'an.

1 Samuel 23:18

Ut xkab'ichaleb' ke'xk'uub' jun sumwank chiru li Qaawa'. Chirix chik a'an laj David kikanaak Jorsa ut laj Jonatán kisutq'iik sa' rochoch.

1 Samuel 20:16

Jo'ka'in naq laj Jonatán kixk'ojob' jun sumwank rik'in li xjunkab'al laj David, naq kixye: “A' taxaq li Qaawa' chiraqoq aatin sa' xb'eeneb' li xik' neke'ilok re laj David”.

Hechos 25:11

Jo'kan utan, wi wank junaq linmaak malaj xinb'aanu junaq k'a'aq re ru ink'ulub' wi' kamk, ink'a' ninxiwa kamk. Ab'an wi tz'aqal tik'ti' li b'arwan nikine'xjit wi', maa'ani truuq chinq'axtesinkil sa' ruq'eb'. Nintz'aama naq tin'ab'iiq xb'aan li awab'ej.

Proverbios 3:3

B'aanu li yaal ut li rahok chi junelik; chak'uulaheb' jo' junaq chaab'il q'ol chakux, ut chatz'iib'aheb' sa' laach'ool.

Salmos 116:11

“Junes aj tik'ti' chixjunileb'”, chankin sa' xsachonik linna'leb'.

1 Crónicas 12:17

Toja' naq a'in ki'elk chaq chi xk'ulb'aleb' ut kixye reheb': “Wi xexchalk sa' tuqtuukilal re intenq'ankil, tink'ulub'a chi anchal linch'ool naq teejunaji eerib' wik'in. Ab'an wi xexchalk re inb'alaq'inkil ut re inq'axtesinkil sa' ruq'eb' li xik' neke'ilok we chi maak'a' inmaak, a' taxaq li xYoseb' li qaxe' qatoon chi'iloq re ut chirahob'resinq eere!”, chan.

Li xHu LIX RUT 1:8

Toja' naq lix Nohemí kixye reheb' li ralib': —Ayuqex ut sutq'inqex chejunjunqal sa' rochoch leena'. A' taxaq li Qaawa' chi'uxtaananq eeru jo' xeb'aanu laa'ex reheb' li xe'kamk jo' ajwi' we laa'in.

Josué 22:22

“Li Qaawa', xYos chixjunileb' li yos, naxnaw chi us naq ink'a' xqayiib' li artal a'in yal re xq'etq'etinkil qib' malaj re xtz'eqtaanankil li Yos. A'an naxnaw, ut laa'o naqaj naq chenawaq ajwi' chejunilex laa'ex. Wi relik chi yaal naq xqaq'etq'eti qib' malaj xoomaakob'k chiru li Qaawa', chooxk'ehaq ta chi kamk.

Josué 2:14

Ke'chaq'ok eb' li winq ut ke'xye: “Wi ink'a' taaye resil li k'aru yooko xb'aanunkil, tqakol rix leeyu'am jo' naq laa'ex xekol rix li qayu'am laa'o. Ut naq li Qaawa' ak xq'axtesi li qana'aj, laa'o tqab'aanu usilal aawe ut toowanq sa' tiikilal aawik'in”, chankeb'.

Génesis 47:29

Naq yo chi wulak xq'ehil li xkamik, laj Israel kixb'oq laj José li ralal ut kixye re: “Wi usilal xintaw chawu, k'e laawuq' rub'el li wa' ut ye sa' jurament naq taab'aanu li ok we chi xtz'aamankil. B'aanu usilal, minaamuq arin Ejiipt!

Génesis 24:49

Yehomaq b'i' we anaqwan: ma teeb'aanu usilal re laj eechal we chi tiikaq leech'ool? Wi ut ink'a', yehomaq ajwi' we re naq tinnaw b'ar tinxik: ma sa' linnim malaj ut sa' lintz'e”.

1 Samuel 20:9

Ab'an laj Jonatán kixye re: “Matk'oxlak. Wi ta tinnaw naq linyuwa' ak xk'oxla aarahob'tesinkil, tinye resil aawe”.

1 Samuel 18:1

Naq laj David kiraqe'k chi aatinak rik'in laj Saúl, li xch'ool laj Jonatán kixjunaji rib' rik'in li xch'ool laj David, ut laj Jonatán kixra laj David jo' naxra rib' a'an.