1 Samuel 20:26 - Q'eqchi Bible

²⁶ Sa' li kutan a'an maak'a' kixye laj Saúl, xb'aan naq kixk'oxla: “Mare wank k'aru xk'ulum laj David. Mare muxb'il ru ut maji' naxch'ajob'resi rib'”.

Li Santil hu

²⁶ Saꞌ xbe̱n li cutan ma̱cꞌaꞌ quixye laj Saúl. Saꞌ xchꞌo̱l aꞌan nak laj David quixba̱nu cꞌaꞌak re ru incꞌaꞌ us ut incꞌaꞌ quixsantobresi rib re ta̱ru̱k ta̱cuaꞌak saꞌ li ninkꞌe. Joꞌcan nak ma̱cꞌaꞌ quixye.

1 Samuel 20:26 ပူးပေါင်းရင်းမြစ်များ

Levítico 15:5

“Yalaq ani taach'e'oq re li na'ajej b'arwi' xyoklaak li winq yaj, tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Levítico 11:27

“A' yaal k'aru chi xulil kaahib'eb' roq nahilank raalal sa' xb'een li roq, a'an jun yib' aj xul cho'q eere. Yalaq ani taach'e'oq re junaq kamenaq xul xkomoneb' a'an, taakanaaq chi muxb'il toj reetal taa'ok li q'oqyink.

Levítico 11:24

“Rik'ineb' li xul a'in laa'ex teetz'ajni eerib': ani tixch'e' junaq kamenaq xul, a' yaal b'arwan reheb' li xul a'in, taakanaaq chi muxb'il toj reetal taa'ok li q'oqyink.

1 Samuel 16:5

Kichaq'ok laj Samuel ut kixye: “Hehe', xinchalk chi mayejak chiru li Qaawa'. Ch'ajob'resihomaq eerib' ut kimqex chiwix chi mayejak”, chan. Tikto laj Samuel kixch'ajob'resi laj Jesé ut eb' li ralal, ut kixb'oqeb' chi mayejak.

Números 19:16

“Yalaq ani taach'e'oq kamenaq li kamsinb'il chi ch'iich', sa' junaq k'aleb'aal, muxb'ilaq ru chiru wuqub' kutan. Jo'kanaq ajwi' li taach'e'oq junaq li yal xkamk chi jo'kan, malaj xch'e'ok xb'aqel junaq kamenaq malaj ut junaq muqleb'aal kamenaq.

Levítico 11:40

Ani taatiwoq xtib'el li kamenaq xul, tento tixpuch' li raq' ut taakanaaq chi muxb'il toj reetal taa'ok li q'oqyink; ut ani taa'isinq re li kamenaq xul, tento ajwi' tixpuch' li raq', ut taakanaaq chi muxb'il toj reetal taa'ok li q'oqyink.

Levítico 11:31

“Sa' xyanqeb' li k'iila xul wankeb' sa' ruuchich'och', a'anaqeb' yib' aj xul cho'q eere. Yalaq ani taach'e'oq re junaq kamenaq xul xkomoneb' a'an, taakanaaq chi muxb'il toj reetal taa'ok li q'oqyink.

1 Samuel 20:27

Ab'an sa' li kutan jun chik, a' li xkab' kutan re li ninq'e, li xna'aj laj David kikanaak wi' chik chi yamyo. Ut laj Saúl kixye re laj Jonatán li ralal: “K'a' naq li ralal laj Jesé ink'a' xk'ulunk chi tzekank ewer chi moko anaqwan?”.