1 Samuel 20:2 - Q'eqchi Bible

² Kichaq'ok laj Jonatán ut kixye re: “Maaye jo'kan. Ink'a' tatkamq. Linyuwa' jo'ch'inal jo'nimal naxb'aanu, naxye we. K'a' ta naq tixmuq chiwu li na'leb' a'in? Maamin b'i'an!”.

Li Santil hu

² Quixye laj Jonatán: —Moco ya̱l ta. La̱at incꞌaꞌ tatxcamsi. Lin yucuaꞌ ma̱cꞌaꞌ naxba̱nu chi incꞌaꞌ ta tixye cue la̱in. Yalak cꞌaꞌru naxba̱nu, naxye cue. Ma̱ jokꞌe tixmuk chicuu li cꞌaꞌru tixba̱nu. Aꞌan incꞌaꞌ tatxcamsi, chan laj Jonatán.

1 Samuel 20:2 ပူးပေါင်းရင်းမြစ်များ

San Juan 17:8

xb'aan naq eb' li aatin xak'eheb' we xink'e reheb', ut eb' a'an xe'xk'ul ut xe'xnaw chi tz'aqal yaal naq aawik'in xin'elk chaq, jo' ajwi' xe'xpaab' naq laa'at xattaqlank chaq we.

1 Samuel 9:15

Jun kutan rub'elaj li xwulajik laj Saúl, ak xyehom li Qaawa' re laj Samuel:

1 Samuel 20:12

ut aran laj Jonatán kixye re laj David: “Sa' xk'ab'a' li Qaawa', xYos laj Israel, ninye aawe naq wulaj, sa' ajwi' li honal a'in, tinyal inq'e chi xnawb'al k'aru wank sa' xch'ool linyuwa'. Wi sa sa' xch'ool aawik'in, tintaqla xyeeb'al aawe.

1 Samuel 14:45

Ab'an eb' li tenamit ke'xye re laj Saúl: “Ma us naq taakamq laj Jonatán, a' li xkolok qe laa'o aj Israel? Maajoq'e taak'ulmanq a'an! Sa' xk'ab'a' li yo'yookil Yos naqaye naq maajun rismal li xjolom taat'ane'q sa' ch'och'. Li k'aru xb'aanu anaqwan, rik'in xtenq'aal li Yos xb'aanu”, chankeb'. Jo'ka'in naq eb' li tenamit ke'xkol laj Jonatán, ut ink'a' kikamk.

Josué 22:29

Maajun sut xqak'oxla xq'etq'etinkil qib' chiru li Qaawa' ut xtz'eqtaanankil A'an rik'in xyiib'ankil junaq artal re xq'axtesinkil k'atb'il mayej, qayeechi'om malaj re mayejak. Laa'o toomayejaq ka'ajwi' sa' xb'een li x'artal li Qaawa' li qaYos, li wank chiru li xLoq'laj Muheb'aal.

Génesis 44:7

ut eb' a'an ke'xsume: “K'a'ut naq nakat-aatinak chi jo'kan? Maajun wa laa'o tqab'aanu a'in!

San Juan 15:15

Ink'a' chik ninye moosej eere xb'aan naq li moosej ink'a' naxnaw li naxb'aanu laj eechal re; wamiiw b'an chik ninye eere xb'aan naq chixjunil li xwab'i chaq rik'in linYuwa', xlajink'ut cheru.

San Lucas 20:16

Taak'ulunq, tixsacheb' laj k'alom ut tixk'e li xch'och' reheb' jalan chik”. Naq ke'rab'i a'in, ke'xye: —Ink'a' taxaq chik'ulmanq a'an.

Isaías 50:5

Li Qaawa' xtehok re linxik, ut laa'in ink'a' xinq'etq'eti wib' chiru chi moko xch'inank linch'ool.

Salmos 40:6

At Qaawa', at inYos, naab'al li sachb'ach'oolej xab'aanu, k'ajo' xk'ihal li xninqal ru aak'a'uxl chiqix: maajun truuq xjuntaq'eetankil rib' aawik'in! Nawaj raj xyeeb'al resil ut xpuktesinkil, ab'an ink'a' ninruhank chi rajlankileb'.

Josué 24:16

Toja' naq ke'chaq'ok li tenamit ut ke'xye: “Ink'a' taxaq tqakanab' li Qaawa' re k'anjelak chiruheb' li jalanil yos.

1 Samuel 20:1

Chirix chik a'an laj David ki'elelik chaq Nayot li nach' wank rik'in Ramá, ut koho chi xyeeb'al re laj Jonatán: “K'aru xinb'aanu? B'ar wank li ink'a' us xinb'aanu? K'aru xinmaakob'k wi' chiru laayuwa' naq taaraj inkamsinkil?”.

1 Samuel 20:3

Ab'an laj David kixye wi' chik: “Laayuwa' naxnaw chi us naq q'axal nikinaara. Jo'kan naq xye sa' xch'ool: «Ink'a' nawaj naq laj Jonatán tixnaw a'an, re naq ink'a' taaraho'q xch'ool», chan. Ab'anan, sa' xk'ab'a' li yo'yookil Yos ut sa' xk'ab'a' laayu'am ninye aawe naq kach'in chik maa ninkamk”.

Proverbios 29:24

Li na'okenk chirixeb' laj elq', ink'a' naxra rib', xb'aan naq, us ta taamajewaaq, ab'an ink'a' taajitoq re.