1 Samuel 2:35 - Q'eqchi Bible

³⁵ Chirix chik a'an laa'in tinsik' ru jun aj tij tiik ru li xyu'am, li tixb'aanu jo' naraj linch'ool ut li wajom. Tink'e jun xjunkab'al li ink'a' taa'oso'q, ut eb' li ralal xk'ajol te'k'anjelaq junelik chiru li awab'ej yulb'il inb'aan.

Li Santil hu

³⁵ La̱in tinsicꞌ ru jun chic li ta̱cꞌanjelak chicuu chokꞌ aj tij. Aꞌan tixba̱nu lix cꞌanjel chi cha̱bil joꞌ nacuaj la̱in. La̱in tinqꞌue ralal xcꞌajol re nak junelic teꞌcꞌanjelak chokꞌ aj tij ut re ajcuiꞌ nak teꞌcꞌanjelak chiru li rey li tinsicꞌ ru la̱in.

1 Samuel 2:35 ပူးပေါင်းရင်းမြစ်များ

2 Samuel 7:27

“Laa'at, at Qaawa', at Nimajwal Yos ut xYos laj Israel, xak'ut chiwu naq taak'ojob' linjunkab'al. Jo'kan naq laa'in aj k'anjel chawu ink'a' ninxiwak chi tz'aamank ut elajink chawu.

1 Reyes 11:38

Wi taapaab' chixjunil li tinye aawe, wi tatwanq sa' xyaalal ut taab'aanu li tiikilal chiwu rik'in xpaab'ankil li waatin ut linchaq'rab' jo' kixb'aanu laj David laj k'anjel chiwu, laa'in wanqin aawik'in ut tinxaqab' laawankilal chi junajwa jo' naq kinb'aanu re laj David.

2 Samuel 7:11

naq xinxaqab'eb' aj k'amol b'e sa' xb'een lintenamit Israel. Laa'in tink'eheb' li xik' neke'ilok aawe chi wank sa' usilal aawik'in. Ut ninye resil aawe naq laa'in li Qaawa' tink'eheb' aawalal aak'ajol.

1 Samuel 25:28

Chakuy taxaq inmaak. Relik chi yaal naq li Qaawa' tixxaqab' chi junajwa xwankil laajunkab'al, xb'aan naq laa'at nakatyalok sa' xk'ab'a' li Qaawa', ut maajun wa taachalq li ink'a' us sa' aab'een chiru chixjunil laayu'am.

Salmos 18:50

Jo'kan naq tink'e aaloq'al sa' xyanqeb' li tenamit ut tinb'icha xnimal laarahom, at Qaawa'.

Hebreos 2:17

Jo'kan naq tento kixjuntaq'eeta rib' sa' chixjunil rik'ineb' li ras riitz'in re naq a'anaq xyuwa'il aj tij aj uxtaan ut tiik xch'ool chiru li Yos, re xtojb'al rix xmaakeb' li tenamit.

1 Crónicas 29:22

Sa' li kutan a'an ke'wa'ak ut ke'uk'ak chi sa sa' xch'ooleb' chiru li Qaawa', ut ke'xxaqab' xka'sutil laj Salomón, ralal laj David, cho'q awab'ej. Ut chiru li Qaawa' ke'xyul chi aj k'amol b'e, ut ke'xxaqab' laj Sadok cho'q aj tij.

1 Reyes 2:35

Ut laj Salomón li awab'ej kixxaqab' laj Benaías, ralal laj Johadá, cho'q xjolomileb' laj puub', reeqaj laj Johab; ut kixkanab' laj Sadok laj tij sa' xna'aj laj Abiatar.

1 Reyes 1:45

Laj Sadok laj tij ut laj Natán li propeet xe'xyul chaq rik'in aseeyt cho'q awab'ej aran Kijón ut xe'sutq'iik chaq chi q'axal saheb' sa' xch'ool. Jo'kan naq neke'choqoqnak li tenamit: a'an li mululij ib' yookex rab'inkil.

1 Reyes 1:8

Ab'an laj Sadok laj tij, laj Benaías, ralal laj Johadá, laj Natán li propeet, laj Semehí, ramiiw laj David, ut eb' laj puub' ink'a' ke'okenk chirix laj Adonías.

1 Samuel 16:13

Ut laj Samuel kixchap li xukub', xna'aj li aseeyt, ut kixyul laj David chiruheb' li ras. Chalen sa' li honal a'an li xmusiq' li Qaawa' kichalk sa' xb'een laj David. Chirix chik a'an laj Samuel kixchaq'rab'iheb' ut koho Ramá.

1 Samuel 12:3

ut we'kin cheru. Wi wank junaq xinmaq' li xb'ooyx malaj li xb'uur, wi wank junaq xintawasi malaj xinrahob'tesi, wi xink'e wib' chi tuminaak re naq ink'a' tinye li yaal, ch'olob'omaq linmaak chiru li Qaawa' ut chiru li awab'ej sik'b'il ru xb'aan. Yehomaq ut tintoj li k'aru tento sa' inb'een”, chan laj Samuel.

Ezequiel 34:23

“Tinxaqab' jun ajwi' aj k'aak'alehom reheb', a' laj David aj k'anjel chiwu. A'an taa'iloq ut taab'eresinq reheb'.

Salmos 2:2

Neke'xk'amchi'i rib'eb' li x'awab'ej li ruuchich'och', eb' laj jolominel wotz neke'k'uub'ank raaxiik' chirix li Qaawa' ut li Sik'b'il ru xb'aan:

Números 25:13

tinxaqab' laj Pinjás ut eb' li ralal xk'ajol cho'q aj tij chi junajwa, xb'aan naq tz'aqal xinxra ut kixtoj rix xmaakeb' laj Israel”, chan li Qaawa'.

1 Samuel 2:36

Toja' naq eb' laawech'alal li ink'a' te'kamq, te'chalq chi wiq'laak chiru a'an re xtz'aamankil b'ayaq xtumineb' malaj xwaheb', ut te'xye: B'aanu usilal, k'e junaq qak'anjel sa' xyanqeb' laj tij, re naq wanq b'ayaq qawa quk'a', cha'qeb'»”.

1 Samuel 3:1

Laj Samuel, li ch'ina'al, nak'anjelak chiru li Qaawa' cho'q aj tenq' re laj Elí. Sa'eb' li kutan a'an li Qaawa' ink'a' naraatinaheb' li tenamit chi junelik, chi moko k'iheb' ta li neke'ilok moy u.

1 Samuel 7:9

Laj Samuel kixchap jun karneer toj natu'uk ut kixyeechi'i chi xjunxaqalil cho'q k'atb'il mayej chiru li Yos, kixyaab'a xk'ab'a' li Qaawa' sa' xb'eeneb' laj Israel, ut li Qaawa' kirab'i li xtij.

1 Samuel 8:3

Ab'anan eb' li ralal laj Samuel ink'a' ke'xtaaqe li xb'e, ke'xik b'an xch'ooleb' chirix li tumin, neke'tuminaak ruheb' ut ink'a' neke'raqok aatin sa' tiikilal.

1 Samuel 9:12

Ke'sumeek: “Wank, aran cheru wank laj q'e u. Seeb'ahomaq eerib' chi xik re naq teetaw. Toje' xk'ulunk sa' li tenamit, xb'aan naq hoon taamayejaq sa' xk'ab'a'eb' li tenamit, sa' xb'een tzuul.

1 Samuel 9:13

Ka'ajwi' tex'ok sa' li tenamit, teetaw aran naq xik xikaq re taqe'q chi tzekank. Eb' li tenamit ink'a' te'wa'aq toj reetal taawulaq a'an, xb'aan naq a'an na'osob'tesink re li mayej. Tojo' naq te'wa'aq li b'oqb'ileb'. Taqenqex anaqwan ut teetaw chi junpaat”.

1 Samuel 10:9

Ka'ajwi' laj Saúl kixchaq'rab'i laj Samuel ut ki'elk rik'in, naq li Yos kixjal li xch'ool toj sa' xchamal, ut chixjunileb' li eetalil yeeb'il xb'aan laj Samuel kitz'aqlok ru sa' ajwi' li kutan a'an.

1 Samuel 10:10

Moqon chik naq ke'wulak aran Kibehá, jun ch'uuteb' chi propeet yookeb' chaq chi chalk. Toja' naq laj Saúl ki'eechaniik xb'aan li xmusiq' li Yos ut ki'ok chi aatinak jo' propeet sa' xyanqeb' a'an.