1 Samuel 2:30 - Q'eqchi Bible

³⁰ Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

Li Santil hu

³⁰ Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

1 Samuel 2:30 ပူးပေါင်းရင်းမြစ်များ

San Juan 12:26

Wi ani naraj k'anjelak chiwu, chinxtaaqehaq, ut b'ar wanqin laa'in, aran ajwi' wanq laj k'anjel chiwu. Wi ani taak'anjelaq chiwu, taak'ehe'q xloq'al xb'aan li Yuwa'b'ej.

Malaquías 1:6

Li Qaawa', li Nimajwal Yos, kixye reheb' laj tij: “Li alalb'ej naroxloq'i li xyuwa' ut laj k'anjel naxk'e xloq'al laj eechal re. Wi laa'in leeyuwa', k'a'ut naq ink'a' nikineeroxloq'i? Wi aj eechalin eere, k'a'ut naq ink'a' nekek'e inloq'al? Laa'ex nikineetz'eqtaana ut nekeye: «K'aru xatqatz'eqtaana wi'?», chankex.

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.

Isaías 29:13

Li Qaawa' kixye we chi jo'ka'in: “Li tenamit a'in yal chi aatin neke'nach'ok wik'in ut nikine'roxloq'i yal rik'in xtz'uumal reheb'; a'ut li xch'ooleb' najt wank wik'in. Maak'a' aj e naq neke'xloq'oni wu, xb'aan naq li k'aru neke'xk'ut chiruheb' li tenamit a'an yal xtaqlahomeb' li winq.

Éxodo 29:9

taab'ak' chi kaw li xk'aamal xsa'eb' laj Aharón ut eb' li ralal, ut taak'e xlanb'al xjolomeb'. Rehaqeb' a'an li k'anjelak cho'q aj tij: a'an xchaq'rab' li Qaawa' chi junelik. Jo'ka'in naq taaxaqab'eb' xwankil laj Aharón ut eb' li ralal xk'ajol.

Salmos 91:14

“Xq'axtesi rib' chiwu, jo'kan naq tinkol -chan li Qaawa'-; tinmuheela xb'aan naq naxnaw wu.

Salmos 50:23

Li mayej naxk'e inloq'al, a'an jun ch'oolej li naxnaw yoxink. Chinaapaab', ut laa'in tatinkol”.

1 Pedro 1:7

Xb'aan naq leepaab'aal, a'an chanchan li oor li nayale'k sa' xam re rilb'al ma chaab'il. Li paab'aal li naxkuy li yale'k, a'an q'axal loq' chiru li oor li nalajk na'oso'k. Jo'kan wi tz'aqal re ru leepaab'aal, taanimaaq leek'ab'a', jo' ajwi' leeloq'al ut leeroxloq'inkil sa' li xk'utb'esinkil rib' li Jesukriist.

San Juan 5:23

re naq chixjunileb' te'roxloq'i li K'ajolb'ej jo' naq neke'roxloq'i li Yuwa'b'ej. Ani ink'a' naroxloq'i li K'ajolb'ej ink'a' ajwi' naroxloq'i li Yuwa'b'ej li kitaqlank chaq re.

Salmos 18:20

Xinxk'e sa' jun li na'ajej q'axal helho, xinxkol xb'aan naq k'ajo' naq nikinxra!

San Juan 8:49

Kichaq'ok li Jesus ut kixye: —Maak'a' aj tza wik'in, nawoxloq'i b'an linYuwa' ut laa'ex ink'a' nekek'e inloq'al.

Daniel 4:34

“Naq ak xnume'k li wuqub' chihab', laa'in laj Nabukodonosor xintaqsi li wilob'aal sa' choxa ut xk'ulunk wi' chik linch'ool. Toja' naq xwusilaatina li Nimajwal Yos, xinnima xloq'al ut xinterq'usi xk'ab'a' li Yo'yo junelik: li xnimal xwankil wank chi junelik ut li x'awab'ejihom taakanaaq junq'e junq'e kutan.

Números 11:20

jun po b'an textzekanq tib', toj reetal taa'elq sa' eeru'uj ut teexawa eerib', xb'aan naq xetz'eqtaana li Qaawa' li wank sa' eeyanq ut xexq'oqonk chiru rik'in xyeeb'al: «K'a'ut naq koo'elk chaq Ejiipt?»”.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

San Juan 5:44

Chanru naq wanq eepaab'aal laa'ex li nekek'ul eeloq'al cherib'il eerib' ut ink'a' nekesik' li loq'al nachalk rik'in li jun chi Yos?

Números 35:34

“Meemux ru li ch'och' wankex wi' ut b'arwi' wankin ajwi' laa'in, xb'aan naq laa'in li Qaawa' ninhilank sa' xyanqeb' laj Israel”.

Jueces 9:10

“Toja' naq eb' li che' ke'xye re li xche'el li iig: «Kim laa'at. Awab'ejin sa' qab'een», chankeb'.

Éxodo 28:43

Tento naq laj Aharón ut eb' li ralal te'wanq xweexeb' naq te'ok sa' li xMuheb'aal li ch'utam malaj naq te'nach'oq rik'in li artal chi k'anjelak sa' li Loq'laj Na'ajej; chi jo'kan ink'a' te'paltoq ut ink'a' te'kamq. Teneb'anb'ilaq chi junajwa li chaq'rab' a'in sa' xb'een laj Aharón ut eb' li ralal xk'ajol.

1 Reyes 11:11

Jo'kan naq li Qaawa' kixye re laj Salomón: “Laa'at xab'aanu chi jo'ka'in ut ink'a' xapaab' linsumwank ut eb' li waatin li xink'e chapaab'. Jo'kan naq twisi laawankil ut tink'e re jun aj k'anjel chawu.

Salmos 73:20

Kama' wi' li ajk sa' matk', at Qaawa', jo'kan naq taatz'eqtaanaheb' naq tatwakliiq.

Salmos 91:15

Naq tixyaab'a link'ab'a', laa'in tinsume. Wanqin chi xk'atq sa' xq'ehil li rahilal; laa'in tinkoloq re ut tink'e xloq'al.

Proverbios 4:8

Chara li chaab'il na'leb', ut a'an tixterq'usi laaloq'al; chajunaji aawib' rik'in, ut a'an tixxaqab' laawankil.

Proverbios 8:17

Laa'in ninraheb' li nake'rahok we; ut eb' li nikine'xsik' chi anchaleb' xch'ool, nikine'xtaw.

Jeremías 29:32

Jo'kan naq laa'in, li Qaawa', tink'e laj Semaías, aj Nehelam, chi xtojb'al li xmaak jo'wi' chixjunileb' li ralal xk'ajol. Maajun reheb' a'an taawanq sa' xyanqeb' lintenamit, chi moko toxyal li sahilwank li tink'e reheb' lintenamit, xb'aan naq laj Semaías xk'am xb'eheb' chi q'etq'eto'k chiwu», chan li Qaawa'”.

Ezequiel 34:10

li ninye laa'in, li Qaawa': Ex aj k'aak'alenel, xik' chik nekexwil ut tintitz' eere b'ar wankeb' linketomq; texwisi sa' leek'anjel chi ilok ketomq, re naq ink'a' chik te'xch'oolani rib' xjuneseb'. Tinmaq'eb' linkarneer cheru re naq ink'a' chik teetzekaheb'».

1 Reyes 2:27

Chi jo'kan laj Salomón kirisi laj Abiatar cho'q aj tij chiru li Qaawa', ut rik'in a'an kitz'aqlok ru li xyehom li Qaawa' chirix li xjunkab'lal laj Elí, aran Siló.

1 Crónicas 17:18

K'a' chik ru truuq tinye aawe chirix li loq'al ak aak'ehom re laj k'anjel chawu? Laa'at nakanaw wu laa'in aj k'anjel chawu.

2 Crónicas 26:18

Eb' a'in ink'a' kiwulak chiruheb' li kixb'aanu li awab'ej ut ke'xye re: “At Osías, moko xaqab'anb'ilat ta laa'at chi k'atok k'ajpom chiru li Qaawa'; a'eb' b'an laj tij, li ralal xk'ajoleb' laj Aharón, a'aneb' li xaqab'anb'ileb' chi xk'atb'al li k'ajpom. Jo'kan b'i', elen sa' li Loq'laj Na'ajej xb'aan naq xatmaakob'k ut moko aak'ulub' ta xk'ulb'al xloq'al li Qaawa' Yos!”.

Salmos 18:26

At Qaawa', laa'at aj uxtaan rik'in li na'uxtaanank u, ut tiik laach'ool rik'in li tiik xch'ool;

Proverbios 12:8

Li ani seeb' xch'ool nak'ehe'k xloq'al; a'ut li maak'a' xna'leb', a'an yal re tz'eqtaanaak.

Jeremías 49:15

Relik chi yaal naq jwal kach'inaqat chiruheb' li tenamit ut tz'eqtaananb'ilaqat xb'aaneb' li poyanam.

Malaquías 2:3

“Tinmaq' cheru leewankilal, tinkut sa' xnaq' eeru li xk'ot leexul nekemayeja chiwu ut texintz'eq chirix kab'l eerochb'eenaq li xk'ot leemayej.