1 Samuel 2:28 - Q'eqchi Bible

²⁸ Sa' xyanqeb' chixjunileb' li xteepal laj Israel kinsik' ru laajunkab'al, re naq a'anaqeb' aj tij chiwu, re te'mayejaq sa' xb'een lin'artal, jo'wi' te'k'atoq pom ut te'xk'am li efod chiwu. Kink'e ajwi' reheb' laaxe'toonil yuwa' naq te'tz'aq sa' chixjunileb' li xmayejeb' laj Israel.

Li Santil hu

²⁸ Saꞌ xya̱nkeb chixjunileb li xte̱paleb li ralal xcꞌajol laj Israel la̱in xinsicꞌ ru laj Aarón joꞌ eb ajcuiꞌ li ralal xcꞌajol, re nak teꞌcꞌanjelak chicuu chokꞌ aj tij. Teꞌmayejak chicuu chiru li artal. Teꞌxcꞌat li incienso ut teꞌrocsi li efod nak teꞌtijok chicuu. Ut xinye ajcuiꞌ reheb le̱ xeꞌto̱nil yucuaꞌ nak tento teꞌxcꞌul caꞌchꞌinak eb li mayej li nequeꞌxqꞌue eb laj Israel.

1 Samuel 2:28 ပူးပေါင်းရင်းမြစ်များ

Éxodo 28:1

“Sa' xyanqeb' laj Israel xinsik' ru laj Aharón laawas ut eb' li ralal, re te'k'anjelaq chiwu cho'q aj tij. A'aneb' laj Nadab, laj Abihú, laj Elehasar ut laj Itamar, ralaleb' laj Aharón. Chapatz' b'i' reheb' naq te'nach'oq aawik'in.

Números 18:19

Chixjunil li loq'laj mayej te'xyeechi'i we eb' laj Israel, tink'e aawe laa'at, eb' laawalal ut eb' laarab'in. A'an a'in jun chaq'rab' chi junajwa. A'an jun sumwank chi junelik li xink'ojob' rik'in atz'am aawik'in ut rik'ineb' laawalal aak'ajol”, chan li Qaawa'.

Levítico 6:16

Ut li mayej taa'ela'anq, te'xtzeka laj Aharón ut eb' li ralal xk'ajol, chi maak'a'aq xyu ut sa' junaq loq'laj na'ajej, chiru xneb'aalil li Loq'laj Muheb'aal.

Levítico 2:10

Ut li rela' li mayej taakanaaq cho'q re laj Aharón ut eb' li ralal xk'ajol, cho'q loq'laj tzekemq, xkomon li mayej li nak'atmank sa' xk'ab'a' li Qaawa'.

Levítico 2:3

Li rela' li mayej taakanaaq cho'q re laj Aharón ut eb' li ralal xk'ajol, cho'q loq'laj tzekemq, xkomon li mayej jwal loq' li nak'atmank sa' xk'ab'a' li Qaawa'.

Éxodo 28:4

A'aneb' a'in li raq' li te'xyiib': jun b'ools li wanq chire xch'ool, pektoral xk'ab'a', jun efod, jun jut-aq' pik'b'ilaq ru, jun chik li aq' li taak'eemanq sa' xb'een, jun punit ut jun xk'aamal xsa'. Te'xyiib' b'i' chi chaab'il eb' li raq' laj Aharón laawas jo'wi' li raq'eb' li ralal xk'ajol, re naq te'k'anjelaq chiwu cho'q aj tij.

2 Samuel 12:7

Toja' naq laj Natán kixye re laj David: “Li winq a'an, a'anat laa'at. Jo'ka'in xye li Qaawa', xYos laj Israel: «Laa'in xatinxaqab' cho'q awab'ej re Israel ut xatinkol chiru laj Saúl.

Números 16:5

ut kixye re laj Koré ut chixjunileb' li rochb'een: “Wulaj eq'la li Qaawa' tixk'e chi nawe'k ani li sik'b'il ru, ani li xsantob'resihom, li taaruhanq chi nach'ok rik'in. Li sik'b'il ru xb'aan li Qaawa', a'an truuq taanach'oq rik'in.

Levítico 7:32

Li ra' li xul wank sa' xnim, a' li xmayejamank re k'amok ib' sa' usilal rik'in li Yos, taak'eemanq re laj tij jo' junaq tenq'aal.

Éxodo 30:7

Aran laj Aharón tixk'at li sununkil ensens; tixk'at a'an wulaj wulaj eq'la, naq tixyiib'eb' li saqenk,

Éxodo 30:8

ut tixk'at ajwi' naq tixk'e xya'al eb' li saqenk ewu.

Levítico 7:36

Li Qaawa' kixye naq taak'eemanq reheb' a'in, chalen sa' li kutan kixxaqab'eb' wi' cho'q aj tij. A'in kixchaq'rab'i wi' eb' laj Israel, jo' jun chaq'rab' teneb'anb'il sa' xb'eeneb' chi junelik.

1 Samuel 2:18

Laj Samuel li ch'ina'al wan chaq chi k'anjelak chiru li Qaawa', tiqto rik'in efod yiib'anb'il rik'in liin.

1 Samuel 14:3

(laj tij li wank li efod chirix, a'an aj Ajías, ralal laj Ajitub, riitz'in laj Ikabod, ralal laj Pinjás, ralal laj Elí, laj tij chiru li Qaawa' aran Siló). Eb' laj puub' ink'a' ke'xk'e reetal naq xikenaq laj Jonatán.

2 Samuel 6:14

Chirix chik a'an ki'ok chi xajok chi anchal xch'ool sa' xk'ab'a' li Qaawa', chi tiqto yal rik'in jun efod liin.