1 Samuel 2:10 - Q'eqchi Bible

¹⁰ Li Qaawa' naxjuk' xwankil eb' li xik' neke'ilok re, li Nimajwal Yos namoqk chaq xyaab' toj sa' choxa. Li Qaawa' naraqok chaq aatin toj sa' xmaril li ruuchich'och', naxk'e xwankil li na'awab'ejink re li xtenamit ut naxnima xwankil li sik'b'il ru xb'aan”.

Li Santil hu

¹⁰ Li Ka̱cuaꞌ tixsacheb ru li xicꞌ nequeꞌiloc re. Aꞌan ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Chanchan nak na-ecꞌan chak li ca̱k toj saꞌ choxa. Aꞌan tixqꞌue xcuanquil li rey li quixsicꞌ ru ut tixqꞌue ajcuiꞌ xlokꞌal lix cuanquil, chan lix Ana.

1 Samuel 2:10 ပူးပေါင်းရင်းမြစ်များ

Salmos 2:9

Taajuk'eb' rik'in b'aar ch'iich', taamuch'iheb' jo' junaq pak'b'il sek'”, chan we.

Salmos 89:24

Chiru a'an tinputz'i eb' li xik' neke'ilok re ut tintiq'eb' li neke'tz'eqtaanank re.

Salmos 96:13

chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'! Tixjolomi li choxach'och' sa' tiikilal ut tixb'eresi chixjunileb' li tenamit jo' chanru xchaab'ilal xch'ool.

Éxodo 15:6

“At Qaawa', k'ajo' xwankil ut xkawilal laanim uq'. At Qaawa', laanim uq' naxputz'i eb' li xik' neke'ilok qe.

Salmos 98:9

chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'! Tixjolomi li choxach'och' sa' tiikilal ut tixb'eresi chixjunileb' li tenamit jo' chanru xchaab'ilal li xch'ool.

Salmos 20:6

Toja' naq tsaho'q qach'ool xb'aan naq xatq'akok u; toob'ichanq ut tooninq'ehiq sa' xk'ab'a' li qaYos. A' taxaq li Qaawa' chik'ehoq aawe chixjunil laatz'aamahom!

1 Samuel 7:10

Toj yo laj Samuel chi xyeechi'inkil li xk'atb'il mayej, naq eb' laj Filistea ke'ok chi yalok rik'ineb' laj Israel. Ab'anan kimoqk jun li kaaq taqlanb'il xb'aan li Qaawa' sa' xb'eeneb' laj Filistea; jo'kan naq kichalk xxiweb' ut ke'q'axe'k ru xb'aaneb' laj Israel.

San Lucas 19:27

Ut eb' li xik' neke'ilok we, li ink'a' xe'raj naq laa'in tin'awab'ejinq reheb', k'amomaqeb' chaq arin ut kamsihomaqeb' chiwu»”.

San Mateo 28:18

Kijilok li Jesus chi xk'atqeb', kiraatinaheb' ut kixye: —K'eeb'il we chixjunil li wankilal, jo' sa' choxa jo' ajwi' sa' ruuchich'och'.

Eclesiastés 12:14

Sa' junaq kutan li Yos taaraqoq aatin chirix chixjunil li qab'aanuhom, us ta chi muqmu xqab'aanu. Taaraqoq aatin sa' qab'een, a' yaal ma us malaj ink'a' us xqab'aanu.

Eclesiastés 11:9

Laa'ex li toj saajex, cheyal xsahil leesaajilal; sahaq taxaq eech'ool anaqwan. B'aanuhomaq li k'aru nekerahi ut nawulak cheru. Ab'anan misachk sa' eech'ool naq sa' jun kutan li Yos tixraq aatin sa' eeb'een chirix chixjunil leeb'aanuhom.

Salmos 45:7

Laa'awab'ejihom k'ojk'o chi junelik, kama' li x'awab'ejihom li Yos; junelik sa' tiikilal nakat-awab'ejink.

Salmos 21:1

Re li xjolomileb' laj b'ichanel. Xsaalm laj David.

Salmos 2:6

“Laa'in xinxaqab'ank re lin'awab'ej aran Sión sa' linloq'laj tzuul”, chan.

Salmos 2:2

Neke'xk'amchi'i rib'eb' li x'awab'ej li ruuchich'och', eb' laj jolominel wotz neke'k'uub'ank raaxiik' chirix li Qaawa' ut li Sik'b'il ru xb'aan:

Jueces 5:31

“Jo'ka'in taxaq naq che'oso'q chixjunileb' li xik' neke'ilok aawe, at Qaawa'. Ut eb' li neke'rahok aawe, chanchanaqeb' taxaq li saq'e naq nalemtz'unk chaq wa'leb'!”. Ut li tenamit ke'wank sa' tuqtuukilal chiru ka'k'aal chihab'.

2 Corintios 5:10

Xb'aan naq chiqajunilo tento toxqak'ut qib' sa' xraqleb'aal aatin li Kriist re naq li junjunq tixk'ul xq'ajkamunkil, a' yaal chanru li xb'aanuhom, ma us malaj ink'a' us xb'aanu naq xwank sa' ruuchich'och'.

Hechos 10:38

yookin chi xyeeb'al chirix li Jesus aj Nazaret li kiyule'k xb'aan li Yos rik'in Santil Musiq'ej ut xwankil, ut kinume'k yalaq b'ar, yo chi rusilankil ut xk'irtasinkil jo'k'ihaleb' li wankeb' rub'el xwankil laj tza, xb'aan naq li Yos wank rik'in.

Hechos 4:27

“Xb'aan naq relik chi yaal, sa' li tenamit a'in, laj Herodes ut laj Poncio Pilaat, rochb'eeneb' laj Israel jo'keb' ajwi' li jalaneb' xpaab'aal, xe'xk'am rib' sa' aatin chi xxikb'al rilb'al li Jesus, laasantil moos sik'b'il ru aab'aan cho'q Kriist.

San Lucas 1:69

ut kixxaqab' cho'q qe jun aj Kolonel q'axal kaw rib', sa' rochoch laj David li xmoos,

San Mateo 25:34

“Toja' naq li Rey tixye reheb' li wanqeb' sa' xnim uq': «Kimqex laa'ex, osob'tesinb'ilex xb'aan linYuwa'! Eechanihomaq li nimajwal wankilal kawresinb'il cho'q eere chalen chaq sa' xk'ojlajik li ruuchich'och'.

Isaías 45:24

ut te'xye naq ka'ajwi' rik'in li Qaawa' wank li tiikilal ut li wankilal». K'ajo'aq xxutaaneb' naq te'sutq'iiq chaq wik'in jo'k'ihaleb' li xik' neke'ilok we.

Isaías 32:1

K'ehomaq reetal: taawanq junaq awab'ej li taa'awab'ejinq sa' tiikilal, ut eb' laj k'amol b'e te'raqoq aatin jo' chanru li k'ulub'ej.

Salmos 148:14

A'an laj k'ehol xkawilal li xtenamit! Jo'kan naq eb' laj paab'anel neke'xnima xloq'al; neke'xterq'usi li xk'ab'a' eb' laj Israel, li tenamit sik'b'il ru xb'aan. Aleluya!

Salmos 89:17

Neke'saho'k xch'ool sa' laak'ab'a' rajlal kutan ut neke'xnimob'resi rib' rik'in laatiikilal.

Salmos 28:8

Li Qaawa' a'an xkawilal li xtenamit, aj kuutum ut aj kolol re li sik'b'il ru xb'aan.

Li xHu LAJ JOB 40:9

Ma q'axal kaw tab'i' aawib' chiwu laa'in? Ma naru xjuntaq'eetankil li xkawilal xyaab' laakux rik'in li we?

2 Samuel 22:14

“Kama' li kaaq naq x'aatinak chaq li Qaawa' sa' choxa, li Nimajwal Yos xk'e chi ab'iik li xyaab' xkux.

2 Samuel 7:13

A'an li taayiib'anq re jun li ochoch sa' ink'ab'a' ut laa'in tink'ojob' li x'awab'ejihom chi junajwa.

2 Samuel 7:8

“Jo'kan utan taaye re laj David laj k'anjel chiwu: «Jo'ka'in xye li Nimajwal Yos: Laa'in xin'isink chaq aawe sa' li xna'ajeb' laakarneer re naq laa'ataq xjolomil lintenamit Israel.

1 Samuel 16:1

Li Qaawa' kixye re laj Samuel: “Toj jo'q'e yooqat chi yaab'ak chirix laj Saúl? Laa'in ink'a' chik nawaj taa'awab'ejinq sa' xb'eeneb' laj Israel. Nujob'resi chi aseeyt laaxukub' ut ayu. Twaj tatxik sa' rochoch laj Jesé aj Belén, xb'aan naq xinsik' ru jun reheb' li ralal cho'q awab'ej”.

1 Samuel 15:28

Toja' naq kixye laj Samuel: “Jo'kan ajwi' li Qaawa' xmaq' chawu laawankil sa' xb'eeneb' laj Israel sa' li kutan a'in, ut xq'axtesi re jalan chik q'axal chaab'il chawu laa'at.

1 Samuel 12:18

Tikto laj Samuel kixyaab'a xk'ab'a' li Qaawa' ut A'an kixk'e chaq li kaaq ut li hab' sa' li kutan a'an. Ut chixjunil li tenamit k'ajo' naq ke'ok xxiw chiru li Qaawa' ut chiru laj Samuel:

1 Samuel 12:13

Anaqwan we' li awab'ej li xesik' ru ut xetz'aama. Li Qaawa' xxaqab' jun li awab'ej sa' eeb'een.

1 Samuel 12:3

ut we'kin cheru. Wi wank junaq xinmaq' li xb'ooyx malaj li xb'uur, wi wank junaq xintawasi malaj xinrahob'tesi, wi xink'e wib' chi tuminaak re naq ink'a' tinye li yaal, ch'olob'omaq linmaak chiru li Qaawa' ut chiru li awab'ej sik'b'il ru xb'aan. Yehomaq ut tintoj li k'aru tento sa' inb'een”, chan laj Samuel.

Ezequiel 29:21

“Chiruheb' li kutan a'an tink'e wi' chik chi nimank xwankileb' laj Israel, ut laa'at, a Esekiel, tatink'e chi aatinak sa' xyanqeb' a'an. Ut chixjunileb' te'xnaw naq laa'in li Qaawa'”.

1 Samuel 12:17

Ma maawa' tab'i' anaqwan xq'ehil li q'olok triiw? Us b'i', tinyaab'a xk'ab'a' li Qaawa' re naq tixk'e chaq li kaaq ut li hab'. Chi jo'kan teenaw ut teek'e reetal naq nimla maak chiru li Qaawa' li xpatz'b'al jun li awab'ej cho'q eere”.

Salmos 20:7

Anaqwan ninnaw naq li Qaawa' tixtenq'a li sik'b'il ru xb'aan; toj sa' li xloq'laj choxa tixsume chaq rik'in li xninqal ru xb'aanuhom li xnim uq'.

Salmos 89:25

Lintiikilal ut li wusilal te'ochb'eeninq re; sa' ink'ab'a' laa'in taanimanq xwankil.

Salmos 132:17

Aran tink'e chi tuxmek li xwankil laj David ut tinkawresi junaq saqenk cho'q re li sik'b'il ru inb'aan.