1 Samuel 19:5 - Q'eqchi Bible

⁵ Ink'a' xra li xyu'am ut xkamsi laj Filistea. Chi jo'kan li Qaawa' xk'e chixjunileb' laj Israel chi q'axok u. Laa'at aawilom ut xsaho'k sa' laach'ool. K'a'ut naq taawaj maakob'k chiru li maak'a' xmaak? K'a'ut naq taawaj xkamsinkil laj David chi maak'a' xyaalal?”.

Li Santil hu

⁵ Quixkꞌaxtesi rib chi ca̱mc nak quixcamsi laj Goliat. Ut li Ka̱cuaꞌ quixcoleb laj Israel. La̱at xacuil nak xcamsi laj Goliat ut quisahoꞌ saꞌ a̱chꞌo̱l. ¿Cꞌaꞌut nak tatma̱cobk anakcuan riqꞌuin xcamsinquil laj David? Aꞌan ma̱cꞌaꞌ xma̱c cha̱cuu, chan.

1 Samuel 19:5 ပူးပေါင်းရင်းမြစ်များ

1 Crónicas 11:14

a'an kixxaqab' rib' sa' xyi li na'ajej, kiyalok chi kaw re xkolb'al rix li awimq ut kixq'ax ruheb' laj Filistea. Jo'kan naq aran li Qaawa' kixk'e reheb' jun nimla q'axok u.

1 Samuel 11:13

Ab'an laj Saúl kixye: “Maajun chikamq anaqwan, xb'aan naq li Qaawa' xooxkol laa'o aj Israel sa' li kutan a'in”.

San Mateo 27:4

—Xinmaakob'k, xinq'axtesi xyu'am jun li winq maak'a' xmaak, chan. A'ut eb' a'an ke'xye: —K'a' tqaj wi' laa'o? Il laa'at k'aru taab'aanu.

1 Samuel 20:32

Kichaq'ok laj Jonatán ut kixye re laj Saúl li xyuwa': “K'a'ut naq taakamq? K'aru xb'aanu?”, chan.

Jueces 9:17

Xb'aan naq linyuwa' kiyalok sa' eek'ab'a', ka'aj chik maa xkamk, yal re eekolb'al sa' ruq'eb' laj Madián.

Hechos 20:24

Ab'anan laa'in ink'a' nink'e xloq'al linyu'am chi junajwa; ka'ajwi' nawaj tinchoy linb'eenik ut li k'anjel xink'ul sa' ruq' li Qaawa' Jesus, a' li xyeeb'al resil li xChaab'il Esil li rusilal li Yos.

Salmos 119:109

Xiw xiw wank linyu'am chi junelik, ab'an ink'a' nasachk sa' inch'ool laawajom.

1 Samuel 28:21

Naq li ixq kiril naq sachso xch'ool laj Saúl, kijilok chi xk'atq ut kixye re: “At awab'ej, chakuy inmaak. Xwab'i xyaab' aakux ut kach'in chik maa xsachk li xyu'am xb'aan xpaab'ankil laawaatin.

Filipenses 2:30

xb'aan naq kach'in chik maa kikamk naq yo chi k'anjelak chirix li Kriist: kixk'e sa' ra li xyu'am re xb'aanunkil li k'anjel li ink'a' kexruhank laa'ex xb'aanunkil chiwu.

San Juan 15:25

Jo'ka'in xk'ulmank re naq chitz'aqloq ru li aatin tz'iib'anb'il sa' li xChaq'rab'eb' a'an: «Xik' xine'ril chi maak'a' inmaak».

San Mateo 27:24

Kiril laj Pilaat naq maak'a' na'ok wi' ut jun mululij ib' yo chi tiklaak; toja' naq kixpatz' xch'ajleb', kixch'aj li ruq' chiruheb' li tenamit ut kixye: —Maak'a' inmaak laa'in rik'in xkik'el li tiikil winq a'in. Laa'ex yaal eere sa' xb'een.

Jeremías 26:15

Ab'anan chenawaq chi us naq maak'a' inmaak: wi tineekamsi laa'in, q'axal wanq wi' chik leemaak jo' ajwi' wanq xmaakeb' laj Jerusalén. Relik chi yaal naq a' li Qaawa' xtaqlank chaq we chi xyeeb'al chi ch'olch'o ru eb' li aatin xerab'i”.

Salmos 69:4

Xinlub'k chi xjapb'al we; taaxamo'q xsa' linkux, taa'oso'q xsa' li wu xb'aan royb'eninkil linYos.

1 Samuel 14:45

Ab'an eb' li tenamit ke'xye re laj Saúl: “Ma us naq taakamq laj Jonatán, a' li xkolok qe laa'o aj Israel? Maajoq'e taak'ulmanq a'an! Sa' xk'ab'a' li yo'yookil Yos naqaye naq maajun rismal li xjolom taat'ane'q sa' ch'och'. Li k'aru xb'aanu anaqwan, rik'in xtenq'aal li Yos xb'aanu”, chankeb'. Jo'ka'in naq eb' li tenamit ke'xkol laj Jonatán, ut ink'a' kikamk.

Jueces 12:3

Naq xwil naq maajun eere xchalk chintenq'ankil, laa'in ink'a' xinra linyu'am: xkohin sa' xb'eeneb' laj Amón, ut li Qaawa' xq'axtesiheb' sa' wuq'. K'a' put naq xexchalk anaqwan chi yalok wik'in?”, chan.

Hebreos 2:3

chan put ru naq tookole'q laa'o, wi tqatz'eqtaana li xnimal kolb'a ib' a'in? A'an kiyehe'k resil sa' xtiklajik xb'aan li Qaawa', ut moqon chik kich'olob'aak chiqu xb'aaneb' li ke'ab'ink chaq re.

Éxodo 14:13

Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Salmos 25:3

Maak'a' xk'utb'al xxutaan li kaw xch'ool aawik'in, ka' aj b'an wi' cho'q re li nab'alaq'ink chi maak'a' xyaalal.

1 Samuel 19:6

Naq laj Saúl kirab'i li raatin laj Jonatán, kixye sa' jurament: “Sa' xk'ab'a' li yo'yookil Yos ink'a' taakamq laj David”, chan.

1 Samuel 22:14

Kichaq'ok laj Ajimélek ut kixye: “Ani sa' xyanqeb' chixjunileb' laj k'anjel chawu jwal chaab'il chiru laj David, xhi' li awab'ej, xjolomileb' laj k'aak'alehom aawe, ut oxloq'inb'il sa' laawochoch?

2 Samuel 23:10

ab'an kaw xaqxo laj Elehasar chi yalok: kixkamsiheb' laj Filistea toj reetal kilub'k li xtel ut kiletzq'uuk li ruq' rik'in li xch'iich'. Sa' li kutan a'an li Qaawa' kixk'eheb' laj Israel chi xq'axb'al ruheb' laj Filistea, ut eb' laj puub' ke'sutq'iik chirixeb' yal re xxokb'al li k'a' re ru xe'reechani sa' li yalok.

Salmos 94:21

Neke'raj xkamsinkil li tiik xch'ool ut neke'xteneb' li kamk sa' xb'eeneb' li maak'a'eb' xmaak.

1 Crónicas 11:18

Toja' naq li oxib'eb' li kaweb' rib' ke'ok sa' xmuheb'aaleb' laj Filistea ut ke'risi chaq ha' sa' li kumb' wank chi xk'atq li okeb'aal re Belén; ke'xk'am ut koxe'xyeechi'i re laj David, ab'an a'an ink'a' kiruk', kixhoy b'an jo' mayej chiru li Qaawa':

Salmos 109:5

Li usilal ninb'aanu naq'ajkamuuk rik'in maa'usilal, ut xik' nikine'ril xb'aan naq ninrahok.