1 Samuel 19:4 - Q'eqchi Bible

⁴ Ut laj Jonatán ki'aatinak chirix laj David chiru laj Saúl li xyuwa'; kixye re: “At awab'ej, matmaakob'k rik'in xb'aanunkil li ink'a' us re laj David laj k'anjel chawu, xb'aan naq a'an ink'a' xmaakob'k chawu, xb'aanu b'an naab'al li us re aatenq'ankil.

Li Santil hu

⁴ Ut laj Jonatán quia̱tinac riqꞌuin lix yucuaꞌ. Us li quixye chirix laj David. Quixye re: —At inyucuaꞌ, matma̱cob riqꞌuin xba̱nunquil li incꞌaꞌ us re laj David laj cꞌanjel cha̱cuu. Aꞌan ma̱cꞌaꞌ xba̱nu incꞌaꞌ ta us. Us ban chixjunil li quixba̱nu re a̱tenkꞌanquil.

1 Samuel 19:4 ပူးပေါင်းရင်းမြစ်များ

Jeremías 18:20

Ma maa'usilal na'eeqajuuk wi' li usilal? Xb'aan naq yookeb' chi xpikb'al li jul re inmuqb'al. Jultikaq aawe naq xintijok chawu re xtz'aamankil laawuxtaan chirixeb' ut xkolb'aleb' chiru li tojb'amaak.

Génesis 42:22

Toja' naq laj Rubén kixye reheb': “Ma ink'a' tab'i' kinye eere: Meeb'aanu li rahilal a'in re li ch'ina'al, ut ink'a' kineepaab'? Ut anaqwan napatz'e'k qe li xkik'el!”.

Proverbios 17:13

Li naxk'e maa'usilal cho'q reeqaj li usilal ki'uxk re, junelik wanq li rahilal sa' li xjunkab'al.

1 Samuel 20:32

Kichaq'ok laj Jonatán ut kixye re laj Saúl li xyuwa': “K'a'ut naq taakamq? K'aru xb'aanu?”, chan.

Salmos 35:12

Usilal ninb'aanu reheb' a'an, a'ut a' chik li maa'usilal nink'ul sa' ruq'eb'. K'ajo' naq namayok li waanm!

1 Samuel 22:14

Kichaq'ok laj Ajimélek ut kixye: “Ani sa' xyanqeb' chixjunileb' laj k'anjel chawu jwal chaab'il chiru laj David, xhi' li awab'ej, xjolomileb' laj k'aak'alehom aawe, ut oxloq'inb'il sa' laawochoch?

1 Corintios 8:12

Nekexmaakob'k chiruheb' leeras eeriitz'in li ink'a' kaweb' sa' li paab'ank, nekeluktesi xch'ooleb' ut chi jo'kan yookex chi maakob'k chiru li Kriist.

2 Crónicas 6:22

“Wi junaq winq taamaakob'q chiru li ras riitz'in ut te'xmin ru chi xyeeb'al jurament chiru laa'artal sa' li loq'laj na'ajej a'in,

1 Samuel 2:25

Wi junaq poyanam namaakob'k chiru li ras riitz'in, li Yos truuq taa'okenq chirix. Ab'anan wi namaakob'k chiru li Qaawa', ani taa'okenq chirix?”. A'ut eb' a'an ink'a' ke'ab'ink chiru li xyuwa'eb', xb'aan naq ak wank sa' xch'ool li Qaawa' naq tento te'kamq.

Génesis 9:6

“Li tixkamsi junaq winq, taakamsiiq ajwi' a'an xb'aan jalan chik, xb'aan naq jo' xjalam u li Yos naq kiyoob'tesiik li winq.

1 Juan 3:15

Yalaq ani xik' naril li ras riitz'in a'an aj kamsinel, ut laa'ex nekenaw naq moko wank ta li junelik yu'am rik'in junaq aj kamsinel ras riitz'in.

Salmos 59:4

Chak'e reetal naq wankeb' te'ajoq inkamsinkil; eb' li wankeb' xwankil yookeb' xk'uub'ankil insachb'al. At Qaawa', maak'a' inmaak, ink'a' xinq'et laawaatin;