1 Samuel 18:7 - Q'eqchi Bible

⁷ Ut naq yookeb' chi xajok ut b'ichank, ke'xye: “Laj Saúl xkamsi jun mileb' chi poyanam, ab'an laj David xkamsiheb' lajeeb' mil”.

Li Santil hu

⁷ Nak yo̱queb chi xajoc ut yo̱queb chi bicha̱nc, queꞌxye: —Laj Saúl quixcamsiheb jun mil chi cristian. Abanan laj David quixcamsiheb laje̱b mil, chanqueb.

1 Samuel 18:7 ပူးပေါင်းရင်းမြစ်များ

1 Samuel 21:11

Ut eb' laj k'anjel chiru laj Akis ke'xye: “Ma maawa' tab'i' a'in laj David, li awab'ej re li na'ajej a'in? Ma maawa' a'in li ke'xb'icha ru naq yookeb' chi xajok: «Laj Saúl xkamsi jun mileb' chi poyanam, ab'an laj David xkamsiheb' lajeeb' mil»?”.

1 Samuel 29:5

Ma maawa' tab'i' a'an laj David li ke'xb'icha ru naq yookeb' chi xajok: «Laj Saúl xkamsi jun mileb' chi poyanam, ab'an laj David xkamsiheb' lajeeb' mil»?”.

Éxodo 15:21

Ut lix Miriam kixsume li b'ich chi kama'in: “B'ichanqex chiru li Qaawa', xb'aan naq jwal nim xwankil: kixkuteb' sa' palaw li kawaay ut eb' li b'eleb'aal ch'iich'”.

2 Samuel 6:5

Laj David ut chixjunileb' laj Israel yookeb' chi xajok chiru li Qaawa' chi anchaleb' xch'ool. Yookeb' ajwi' chi b'ichank rik'in aarp, tzojtzoj, xolb', tanb'oor ut sursuukil ch'iich'.

2 Samuel 18:3

Ab'anan eb' a'an ke'xye re: “Ink'a' tatxik laa'at, xb'aan naq wi laa'o too'eleliq, eb' li xik' neke'ilok qe maak'a' neke'raj wi'. Us ta te'kamq jun yiijachaq qe laa'o, eb' a'an maak'a' neke'raj re. Laa'at jo'kat lajeeb' mil qe laa'o. Jo'kan naq q'axal us naq tatkanaaq sa' li tenamit re naq toj aran toohaatenq'a chaq”.

1 Samuel 21:12

Laj David kixk'uula sa' xch'ool li aatin a'in ut k'ajo' naq ki'ok xxiw chiru laj Akis, awab'ej re Gat.

2 Samuel 23:1

Rik'in li aatin a'in kixraq aatinak laj David: “Raatin laj David, ralal laj Jesé; raatin li winq li kitaqsiik xwankil, a' li sik'b'il ru xb'aan li xYos laj Jakob, li chaab'il aj b'ichanel aj Israel: