1 Samuel 18:5 - Q'eqchi Bible

⁵ Laj David naq'axok chaq u sa' chixjunil li yalok nataqlaak wi' xb'aan laj Saúl; jo'kan naq kixaqab'aak chi xjolominkileb' laj puub'. Ut a'in q'axal kiwulak chiru chixjunileb' li tenamit jo'wi' chiruheb' laj k'anjel chiru laj Saúl.

Li Santil hu

⁵ Joꞌ qꞌuial li quitakla̱c xba̱nunquil laj David xban laj Saúl, us qui-el xban nak naxcꞌoxla chi us cꞌaꞌru tixba̱nu. Joꞌcan nak laj Saúl quixqꞌue xcuanquil chi takla̱nc saꞌ xbe̱neb lix soldado. Ut queꞌsahoꞌ saꞌ xchꞌo̱leb li tenamit riqꞌuin laj David, joꞌqueb ajcuiꞌ li nequeꞌcꞌanjelac chiru laj Saúl.

1 Samuel 18:5 ပူးပေါင်းရင်းမြစ်များ

1 Samuel 18:30

Rajlal naq eb' li xjolomileb' laj Filistea neke'xik chi yalok, laj David, a'an li q'axal us na'elk chiru chixjunileb' laj k'anjel chiru laj Saúl. Jo'kan naq k'ajo' chik kinawmank ru laj David.

Colosenses 4:5

Chiwanq eena'leb' sa' xyanqeb' li maawa'eb' kristiyan, ut meekoleb' li kutan a'in.

Efesios 5:17

Jo'kan naq mexwank chi maak'a' eena'leb', chetawaq b'an ru li naraj li Qaawa'.

Hechos 7:10

ut kirisi sa' chixjunil li xrahilal. Kixk'e xna'leb' re naq usilal tixtaw chiru laj Parahón, awab'ej re Ejiipt; ut a'in kixxaqab' laj José cho'q aj jolominel re Ejiipt jo'wi' re chixjunil li xjunkab'al.

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

Salmos 1:3

Chanchaneb' jun toon chi che' awb'il chire roq nima', li na'uuchink sa' xq'ehil ut ink'a' natz'umaak li xxaq: us neke'elk rik'in chixjunil li neke'xb'aanu.

1 Samuel 13:2

Toja' naq kixsik' ruheb' lajeek'aal xwaqxaq o'q'ob' (3,000) chi aj Israel cho'q aj puub': oob' o'q'ob' (2,000) wankeb' chaq rik'in laj Saúl aran Mikmás ut sa' li tzuul Betel, ut lajeek'aal rox o'q'ob' (1,000) wankeb' rik'in laj Jonatán aran Kibehá re Benjamín, ut li rela'eb' li tenamit laj Saúl kixsutq'isiheb' sa' rochocheb'.

Génesis 39:23

Li xb'eenil aj k'aak'alenel tz'alam tik ink'a' nak'oxlak chirix li k'aru q'axtesinb'il sa' ruq' laj José, xb'aan naq li Qaawa' wank rik'in ut natenq'ank re chi elk chi chaab'il rik'in chixjunil li nalajxb'aanu.

1 Samuel 14:52

Jo' najtil kiyo'yook laj Saúl, kaw kiyalok rik'ineb' laj Filistea. Ut naq naril junaq winq kaw rib' ut yo'oon chi yalok, naxb'oq chaq ut naxk'e sa' xyanqeb' laj puub'.

1 Samuel 18:4

Kirisi li xt'ikr li wank chirix ut kixk'e re laj David; jo'kan ajwi' kixb'aanu rik'in li raq', li xjutz' ch'iich', li xna' simaj ut li xk'aamal xsa'.

1 Samuel 18:6

Naq eb' laj puub' ke'sutq'iik chaq, chirix naq laj David ak xkamsi laj Filistea, eb' li ixq ke'elk chaq sa' chixjunileb' li tenamit sa' xteepal Israel ut ke'xk'ul laj Saúl li awab'ej chi saheb' sa' xch'ool, yookeb' chi b'ichank ut xajok rik'ineb' li tzojtzoj ut xwajb'eb'.

1 Samuel 18:16

Ab'anan chixjunileb' laj Israel ut laj Judá k'ajo' naq neke'xra laj David, xb'aan naq na'elk chi yalok ut nasutq'iik chaq k'amol b'e chiruheb'.

2 Samuel 5:2

Chalen chaq junxil naq laj Saúl a'an chaq li na'awab'ejink qe, laa'at xtz'aqal jolomil Israel sa' li yalok. Ut xyehom li Qaawa' naq laa'at tatb'eresinq re li xtenamit ut laa'ataq aj k'amol xb'eheb' laj Israel”.

Salmos 101:2

Twaj tinb'eeq sa' li b'e jwal chaab'il: jo'q'e tatchalq wik'in, at inYos? Tinwanq chi tuqtuuq inch'ool sa' li wochoch,

Jueces 1:19

Ab'anan us ta li Qaawa' wank rik'ineb' laj Judá li ke'eechanink re li tzuul, ink'a' ke'ruuk risinkileb' li wankeb' sa' li taq'a ru, xb'aan naq eb' a'in wankeb' xb'eleb'aal ch'iich'.

1 Samuel 3:19

Laj Samuel kinimank, ut li Qaawa' wank rik'in. Jo'ch'inal jo'nimal kiyeemank xb'aan laj Samuel, kitz'aqlok ru.

2 Samuel 5:10

Chi jo'kan li xwankil laj David yo chi nimank, xb'aan naq li Qaawa', li Nimajwal Yos, wank rik'in.

2 Crónicas 17:3

Li Qaawa' kiwank rik'in laj Josafat, xb'aan naq kixb'aanu li us jo' kixb'aanu laj David, li xxe'toonil yuwa', ut ink'a' kik'anjelak chiruheb' laj Bahal,