1 Samuel 18:27 - Q'eqchi Bible

²⁷ naq koho laj David rochb'eeneb' laj puub' ut kixkamsiheb' lajeek'aal (200) aj Filistea. Chirix chik a'an kixk'am chaq li xtz'uumal xtz'ejwaleb' ut kixq'axtesi chixjunil re li awab'ej re naq taa'ok cho'q xhi'. Toja' naq laj Saúl kixq'axtesi lix Mikal li xrab'in cho'q rixaqil.

Li Santil hu

²⁷ Ma̱jiꞌ ajcuiꞌ nacuulac xkꞌehil xba̱nunquil li quixtakla laj Saúl nak laj David rochbeneb lix soldados queꞌco̱eb ut queꞌxcamsiheb cuib ciento laj filisteo. Ut quixcꞌameb chak li ruꞌuj lix tzꞌejcualeb re tixkꞌaxtesi re li rey re nak naru ta̱oc chokꞌ xhiꞌ. Joꞌcan nak laj Saúl quixsume xqꞌuebal lix Mical chokꞌ rixakil laj David.

1 Samuel 18:27 ပူးပေါင်းရင်းမြစ်များ

2 Samuel 3:14

Chirix chik a'an laj David kixtaqlaheb' aj esil re xyeeb'al re laj Isbahal, ralal laj Saúl: “Q'ajsi we lix Mikal, li wixaqil li kiweechani rik'in o'k'aal (100) chi xtz'uumal xtz'ejwaleb' laj Filistea”.

1 Samuel 18:13

Jo'kan naq kirisi laj David sa' li rochoch ut kixtaqla xjolominkil jun mileb' chi aj puub': na'elk chi yalok ut nasutq'iik chaq k'amol b'e chiruheb' li winq.

Jueces 14:19

Tikto ki'eechaniik xb'aan xMusiq' li Qaawa', koho Askalón ut aran kixkamsi lajeeb' xka'k'aal chi winq: kirisi li raq'eb' ut kixq'axtesiheb' reheb' li ke'q'ehink. Chirix a'an koho wi' chik sa' rochoch li xyuwa' chi k'ajo' xjosq'il,

1 Samuel 14:49

A'aneb' a'in li ralal laj Saúl: laj Jonatán, laj Isió ut laj Malkisúa. Li xk'ab'a'eb' li wiib' xrab'in a'aneb' a'in: li chaq'na'b'ej, xMerab xk'ab'a', ut li iitz'inb'ej, xMikal xk'ab'a'.

1 Samuel 18:17

Sa' jun kutan kixye laj Saúl re laj David: “Tink'e lix Merab, li xb'een inrab'in, cho'q aawixaqil. Ka'ajwi' nintz'aama chawu naq kawaq aach'ool chi yalok sa' xk'ab'a' li Qaawa'”, chan. Xb'aan naq laj Saúl naxye sa' xch'ool: “Moko laa'in ta tinkamsinq re laj David, a'eb' b'an laj Filistea”.

1 Samuel 18:28

Ab'an naq kiril ut kixtaw ru naq li Qaawa' wank rik'in laj David ut lix Mikal li xrab'in narahok re,

1 Samuel 25:44

Laj Saúl ak xk'ehom lix Mikal li xrab'in, rixaqil laj David, cho'q rixaqil laj Paltí aj Galín, ralal laj Layis.

2 Samuel 3:13

Kichaq'ok laj David: “Us, tink'e wib' sa' aatin aawik'in. Ab'anan nintz'aama chawu, maak'ut aawib' chiwu wi ink'a' taak'am chaq lix Mikal, xrab'in laj Saúl, naq tatchalq chi wula'aninkil”.