1 Samuel 18:10 - Q'eqchi Bible

¹⁰ Wulajaq chik jun li ink'a' usil musiq'ej taqlanb'il chaq xb'aan li Yos ki'eechanink re laj Saúl, li kichalk xtaqik xjolom sa' li rochoch. Laj David yo chi xwajb'ankil li aarp jo' naxb'aanu wulaj wulaj, ut laj Saúl wank xjutz' che' sa' ruq'.

Li Santil hu

¹⁰ Saꞌ li cutan jun chic li Dios quixtakla li ma̱us aj musikꞌej chixchꞌiꞌchꞌiꞌinquil laj Saúl saꞌ rochoch. Chanchan li lo̱c ru laj Saúl. Cuan xla̱ns saꞌ rukꞌ. Ut laj David yo̱ chixchꞌeꞌbal li arpa chiru joꞌ naxba̱nu rajlal.

1 Samuel 18:10 ပူးပေါင်းရင်းမြစ်များ

2 Ts 2:11

Jo'kan naq li Yos naxtaqla chaq jun wankilal aj b'alaq' rik'ineb' re naq te'xpaab' li tik'ti',

1 Reyes 18:29

Naq ak xnume'k wa'leb', aka'eb' chik li propeet ke'ok chi xpatz'b'al xk'ab'a' laj Bahal toj kiwulak xhonalil li mayejak; ab'anan maajun xyaab' kuxej ki'ab'iik, maa'ani kisumenk chaq.

1 Samuel 19:9

Ab'an sa' jun kutan laj Saúl ki'eechaniik wi' chik xb'aan li ink'a' usil musiq'ej taqlanb'il xb'aan li Qaawa'. Naq chunchu sa' rochoch ut wank xjutz' che' sa' ruq',

Hechos 16:16

Sa' jun li kutan, naq yooko chi xik sa' li na'ajej na'uxk wi' li tijok, kichalk chi qak'ulb'al jun li ixqa'al wank musiq'ej re q'ehink rik'in: naab'al li tumin neke'xk'ul eb' laj eechal re rik'in li q'ehink naxb'aanu.

1 Samuel 16:23

Rajlal naq li musiq'ej taqlanb'il chaq xb'aan li Qaawa' na'eechanink re laj Saúl, laj David naxchap li x'aarp ut naxwajb'a; ut li ink'a' usil musiq'ej naxkanab' xch'i'ch'i'inkil laj Saúl, li nak'ulunk xch'ool ut sa chik nareek'a.

Jeremías 28:11

Ut kixye chiruheb' chixjunil li tenamit: “Jo'ka'in xye li Qaawa': «Jo' naq xwisi li b'itche' a'in chirix xkux laj Jeremías, jo'kan ajwi' naq twisiheb' chixjunileb' li tenamit rub'el xwankil li awab'ej re Babilonia sa' wiib' chihab', ut tinjuk'i»”. Laj Jeremías ki'elk aran ut koho.

1 Reyes 22:12

Jo'kan ajwi' ke'xye chixjunileb' li propeet; ke'xye re li awab'ej: “Ayu chi yalok rik'in Ramot sa' xteepal Galahad ut taasach ru, xb'aan naq li Qaawa' tixq'axtesi sa' laawuq' li tenamit a'an”.

1 Samuel 26:19

At awab'ej, chakuy inmaak, chawab'i li raatin laamoos anaqwan. Wi a' li Qaawa' yo chi taqlank aawe chi xxikb'al wilb'al, chiq'unob'resiiq xch'ool rik'in mayej. Ab'an wi yal winq xe'yehok naq taab'aanu rahilal we, majewanb'ilaqeb' taxaq xb'aan li Qaawa', xb'aan naq xine'risi anaqwan sa' li ch'och' a'in reechanihom li Qaawa', re naq tinloq'oni eb' li jalanil yos.

1 Samuel 18:9

Ut chalen sa' li kutan a'an laj Saúl ink'a' chik sa naril laj David.

1 Samuel 19:7

Toja' naq laj Jonatán kixb'oq laj David ut kixseeraq'i re chixjunil li aatin a'in. Chirix a'an kixk'am laj David rik'in laj Saúl, ut a'an kixtikib' wi' chik k'anjelak chiru li awab'ej jo' junxil.

Jueces 16:20

“We'keb' laj Filistea sa' aab'een, a Sansón!”, chan li ixq. Naq laj Sansón ki'ajk ru sa' xwara, kixye sa' xch'ool: “Tinkol wib' wi' chik kama' ninb'aanu rajlal, ut teb'insach”, chan. Ab'anan ink'a' naxnaw naq maak'a' chik li Qaawa' rik'in.

1 Samuel 19:10

kiraj raj xt'ojb'al laj David chiru tz'ak naq yo chi wajb'ak, ab'an laj David kixkol rib' chiru laj Saúl, ut li jutz' che' kixt'oj rib' sa' li tz'ak. Sa' ajwi' li q'oqyink a'an ki'elelik laj David ut koxmuq rib'.