1 Samuel 18:1 - Q'eqchi Bible

¹ Naq laj David kiraqe'k chi aatinak rik'in laj Saúl, li xch'ool laj Jonatán kixjunaji rib' rik'in li xch'ool laj David, ut laj Jonatán kixra laj David jo' naxra rib' a'an.

Li Santil hu

¹ Nak quirakeꞌ chi a̱tinac laj David riqꞌuin laj Saúl, laj Jonatán quixcꞌam rib saꞌ amiguil riqꞌuin laj David ut cꞌajoꞌ nak quixra.

1 Samuel 18:1 ပူးပေါင်းရင်းမြစ်များ

Proverbios 18:24

Wankeb' amiiw nokoohe'xk'am sa' raaxiik'; ab'an wankeb' li q'axal nokoohe'xra ut jwal paab'ajeleb' chiru junaq asb'ej.

1 Samuel 20:17

Jun sut chik laj Jonatán kixb'aanu li jurament, xb'aan naq k'ajo' naxra laj David: naxra kama' naq naxra rib' a'an.

2 Samuel 1:26

K'ajo' linyot'ik aab'aan, a Jonatán, at was li numtajenaq inrahomat! Q'axal xchaq'al ru cho'q we laarahom chiru li xrahomeb' li ixq.

1 Samuel 18:3

Ut laj Jonatán kixk'uub' jun sumwank rik'in laj David, xb'aan naq naxra jo' naxra rib' a'an.

Colosenses 2:2

re naq taak'ojlaaq xch'ooleb', junajaq xk'a'uxeb' sa' li rahok, toxe'xtaw li xnimal b'ihomal wank sa' li nawok yaal chi tz'aqal jo'wi' sa' xtawb'al ru li xmuqmuukil na'leb' li Yos, a'an li Kriist.

Génesis 44:30

“Wi anaqwan tinwulaq wan wi' linyuwa' chi ink'a' qochb'eenaq li al, ch'olch'o naq ka'ajwi' taaril naq maa'ani li al qochb'een, taakamq. Q'axal naxik xch'ool linyuwa' chirix li al, ut laa'o wank qe wi li qayuwa' taakamq sa' xtiixilal xb'aan xrahil xch'ool.

Deuteronomio 13:6

“Wi laawas aawiitz'in, li ralal laana' laayuwa', laawalal malaj ut laarab'in, laaraarookil ixaqil malaj ut laawamiiw li chanchan tz'aqal aawaanm, taaraj aab'alaq'inkil chi muqmu rik'in xyeeb'al aawe: «Yo'o, qaloq'oniiq ruheb' li jalanil yos», cha'aq, li ink'a' nakanaw ru laa'at chi moko eb' laana' ut laayuwa' xnawomeb' ru,

1 Crónicas 12:17

Toja' naq a'in ki'elk chaq chi xk'ulb'aleb' ut kixye reheb': “Wi xexchalk sa' tuqtuukilal re intenq'ankil, tink'ulub'a chi anchal linch'ool naq teejunaji eerib' wik'in. Ab'an wi xexchalk re inb'alaq'inkil ut re inq'axtesinkil sa' ruq'eb' li xik' neke'ilok we chi maak'a' inmaak, a' taxaq li xYoseb' li qaxe' qatoon chi'iloq re ut chirahob'resinq eere!”, chan.

1 Samuel 19:2

ut kixye re: “Laj Saúl linyuwa' yo chasik'b'al re aakamsinkil. Jo'kan naq wulaj eq'la yo'oon wanqat: chasik' junaq na'ajej b'arwi' maajun tatril, ut toxaamuq aawib' aran.

Jueces 20:11

Jo'kan naq chixjunileb' laj Israel ke'xch'utub' rib' jo' jun chi winq chi yalok rik'in li tenamit Kibehá.

Salmos 86:11

Chak'ut taxaq chiwu laab'e, at Qaawa', re naq tinwanq sa' xyaalal; chak'e taxaq naq junes a'in tinsik': xpaab'ankil ut roxloq'inkil laaloq'laj k'ab'a'.

1 Samuel 14:45

Ab'an eb' li tenamit ke'xye re laj Saúl: “Ma us naq taakamq laj Jonatán, a' li xkolok qe laa'o aj Israel? Maajoq'e taak'ulmanq a'an! Sa' xk'ab'a' li yo'yookil Yos naqaye naq maajun rismal li xjolom taat'ane'q sa' ch'och'. Li k'aru xb'aanu anaqwan, rik'in xtenq'aal li Yos xb'aanu”, chankeb'. Jo'ka'in naq eb' li tenamit ke'xkol laj Jonatán, ut ink'a' kikamk.

1 Samuel 19:1

Laj Saúl kixye re laj Jonatán ut reheb' chixjunileb' laj k'anjel chiru naq te'xkamsi laj David. Ab'an laj Jonatán, ralal laj Saúl, q'axal naxra laj David

1 Samuel 20:8

B'aanu usilal we, xb'aan naq laa'in aj k'anjel chawu ut xqak'uub' jun sumwank chiqib'il qib' chiru li Qaawa'. Wi ut laa'in wank linmaak, chinaakamsi laa'at anaqwan. K'a' aj e naq toj tinaak'am rik'in laayuwa'?”.

1 Samuel 22:8

Chejunilex xek'amchi'i eerib' chiwix, ut maajun eere xyehok we naq li walal xk'ojob' jun sumwank rik'in li ralal laj Jesé. Maajun eere xtoq'ob'ank wu ut xye ta we naq li walal xtakchi'i' laj k'anjel chiwu re naq tinxkamsi, jo' yo chi xb'aanunkil anaqwan”.

1 Samuel 23:18

Ut xkab'ichaleb' ke'xk'uub' jun sumwank chiru li Qaawa'. Chirix chik a'an laj David kikanaak Jorsa ut laj Jonatán kisutq'iik sa' rochoch.